Yeremiya 11:7 - BIBELE Mahungu Lamanene

⁷ hikuva vatata wa n'wina ndzi va layile ndzi vuyelela siku ndzi va humeseke etikweni ra Egipta; ni namuntlha ndza ha mi byela sweswo ndzi ri, ndzi yingiseni loko ndzi vulavula!

Xitsonga (Bibele)

⁷ Hikuva ndzi tshama ndzi byela vatata wa n'wina, siku ndzi va humesaka etikweni ra Egipta ku fika namuntlha, ndzi ri karhi ndzi pfuka nimpundzu, ndzi huwelela, ndzi ku: “Yingisani rito ra mina.”

Yeremiya 11:7 Referans Kwoze

2 TIKRONIKA 36:15

Minkarhi hinkwayo, HOSI Xikwembu xa vatata wa vona xi va rhumerile malandza ya xona ku va tsundzuxa, hikuva a xi rhandza vanhu va xona ni yindlu ya xona.

Vaefesa 4:17

Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

1 SAMIELE 8:9

Sweswi ke, yingisa leswi va swi vulaka, ntsena u ta va laya swinene, u va tivisa maendlele ya hosi leyi nga ta va fuma.”

Eksoda 15:26

Kutani xi ku ka vona: “Loko mi tinyiketa ku yingisa leswi mina HOSI Xikwembu xa n'wina ndzi mi byelaka swona, mi endla leswi swi ndzi tsakisaka, mi landza milawu ya mina ni ku hlayisa swileriso swa mina hinkwaswo, ndzi nga ka ndzi nga mi vangeli ni ntungu ni wun'we wo fana ni leyi ndzi yi vangeleke Vaegipta, hikuva hi mina HOSI Xikwembu, mutshunguri wa n'wina.”

2 Vatesalonika 3:12

Kutani vanhu lavo tano ha va lerisa ni ku va tsundzuxa hi vito ra Hosi Yesu Kriste, leswaku va tirha ntirho wa vona hi ku rhula, va ta kota ku dya swakudya leswi nga swa vona.

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Yeremiya 25:4

A mi pfumelanga ku rhiya ndleve mi yingisa, hambileswi HOSI Xikwembu xi nga tshikangiki ku mi rhumela malandza ya xona hinkwawo va nga vaprofeta,

Yeremiya 11:4

Ntwanano wa kona hi lowu ndzi wu endleke ni vatata wa n'wina siku ndzi va humeseke etikweni ra Egipta, endzilweni lowu n'okisaka ni tinsimbhi; ndzi va byerile ku yingisa loko ndzi vulavula, va endla hinkwaswo leswi ndzi va lerisaka swona, leswaku va va vanhu va mina, na mina ndzi va Xikwembu xa vona.

Yeremiya 7:13

Kutani mina HOSI ndzi ri: Swidyoho swa kona hinkwaswo na n'wina mi swi endlile. A ndzi karhalanga ku vulavula na n'wina, kambe a mi yingisanga; ndzi mi vitanile, kambe a mi hlamulanga.

Duteronoma 30:20

Rhandzani HOSI Xikwembu xa n'wina, mi endla leswi xi mi byelaka swona, mi xi namarhela. Loko mi endla sweswo, mi ta va ni vutomi, mi hanya masiku layo tala, mi tshama etikweni leri HOSI Xikwembu xi hlambanyeke ku ri nyika vatata wa n'wina Abrahama na Isaka na Yakobo.”

Duteronoma 12:32

“Hinkwaswo leswi ndzi mi lerisaka swona, mi fanele ku tikarhatela ku hanya hi swona; mi nga engeteleli nchumu kumbe ku hunguta nchumu eka swona.

Duteronoma 8:6

Hikokwalaho, mi fanele ku hlayisa swileriso swa HOSI Xikwembu xa n'wina, mi famba etindleleni ta xona, mi xi chava.

Duteronoma 6:2

N'wina ni vana va n'wina ni vatukulu va n'wina, chavani HOSI Xikwembu xa n'wina. Evuton'wini bya n'wina hinkwabyo, hanyani hi ku hlayisa milawu ni swileriso hinkwaswo leswi ndzi mi byeleke swona. Loko mi endla tano, mi ta hanya masiku layo tala.

Duteronoma 5:29

Loko va nga va ni miehleketo leyi minkarhi hinkwayo, va ndzi chava, va hlayisa ni milawu ya mina hinkwayo, a va ta kateka, vona ni vana va vona.

Duteronoma 4:6

Hlayisani milawu ni swiletelo leswi, hikuva loko mi endla tano, vanhu va tinxaka timbe va ta vona vutlhari ni ku twisisa ka n'wina, kutani loko va twa milawu leyi hinkwayo, va ta ku: ‘Mawaku lava nga ni vutlhari ni ku twisisa ku fana ni rixaka lerikulu leri.’

Yeremiya 25:3

“Ku sukela hi lembe ra vu-13 ra ku fuma ka Yosiyasi n'wana Amoni hosi ya Yuda ku ta fikela namuntlha, i malembe ya 23 HOSI Xikwembu xi ri karhi xi vulavula na mina. Na mina, a ndzi tshikanga ku vulavula na n'wina, kambe mi arile ku yingisa.

Yeremiya 31:32

Ntwanano wa kona wu ta hambana ni lowu ndzi wu endleke khale ni vatata wa vona, siku ndzi va humeseke etikweni ra Egipta. Ntwanano wa mina lowo rhanga, va wu tshovile, hambileswi a ndzi ri n'wini wa vona; ndzi vula sweswo mina HOSI.

Yeremiya 35:14

Yonadabu n'wana Rekabi ú lerisile vana va yena leswaku va nga tshuki va nwa vhinyo, kutani vana lava va hlayisile xileriso xa tata wa vona; ni namuntlha vhinyo a va nwi. N'wina ndzi vulavurile na n'wina ndzi vuyelela, kambe a mi ndzi yingisanga.

Zakariya 1:4

Mi nga tiarisi ku fana ni vatata wa n'wina lava ndzi va khongoteleke hi milomo ya vaprofeta lavo rhanga, ndzi va byela ku tshika mikhuva ya vona leyo biha, ni swiendlo swa vona leswo homboloka. Kambe vona a va ndzi yingisanga, a va ndzi kombanga xichavo, mina HOSI ya matimba hinkwawo.

2 TIHOSI 17:13

Kasi HOSI Xikwembu a xi tsundzuxile vanhu va Israele ni va Yuda, hi nomo wa vaprofeta ni wa varhumiwa va xona hinkwavo, xi ku: “Fularhelani mahanyelo ya n'wina layo biha, mi hlayisa swileriso swa mina ni milawu ya mina, hi ku landza Nawu lowu ndzi wu leriseke vakokwa wa n'wina, lowu ndzi mi rhumeleke wona hi nomo wa vaprofeta malandza ya mina.”

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 34:14

‘Un'wana ni un'wana exikarhi ka n'wina loyi a xaveke Muheveru-kulobye leswaku a va hlonga ra yena a n'wi tirhela malembe ya 6, ú fanele ku n'wi ntshunxa hi lembe ra vu-7.’ Kambe vatata wa n'wina va arile ku rhiya ndleve va ndzi yingisa.

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Hosiya 5:1

Twanani mhaka leyi, n'wina vaprista! Yingisani, n'wina vaaki va tiko ra Israele! Rhiyani ndleve, n'wina vafumi va tiko! Nandzu wu dya n'wina, hikuva le Mispa mi tihundzurile mintlhamu, ni ritavala leri andlariweke entshaveni ya Taboro.