Yeremiya 11:12 - BIBELE Mahungu Lamanene

¹² Hinkwavo lava akeke emitini ya Yuda ni le Yerusalema va ta khongela swikwembu leswi va swi humeselaka mirhi ya risuna, kambe swona a swi nga va ponisi hi siku ra khombo.”

Xitsonga (Bibele)

¹² Swi tsandza ni miti ya Yuda ni vaaki va Yerusalema, va ta ya huwelela eka swikwembu leswi va nga swi hisela mirhi ya risuna, kambe swi nga ka swi nga va pfuni hi siku ra khombo ra vona.

Yeremiya 11:12 Referans Kwoze

Yeremiya 2:28

Xana swi kwihi swikwembu swa n'wina leswi mi tiendleleke swona xana? Pfuxani swona, hi vona loko swi nga mi pfuna loko mi ri ekhombyeni! Swikwembu swa n'wina va ka Yuda i swinyingi, swi ringana ni miti ya n'wina hi ku tala.”

Duteronoma 32:37

Kutani xi ta va vutisa xi ku: ‘Xana swikwembu swa n'wina swi kwihi xana, ri kwihi ribye ra n'wina ra vutumbelo ke?

Esaya 45:20

HOSI Xikwembu xi ri: “Hlengeletanani, n'wina mi poneke ematikweni, tanani, mi tshinela kusuhi. Vanhu lava famba-fambaka ni swifaniso swo vatliwa swa swikwembu swa vona, lava khongelaka swikwembu leswi nga kotiki ku ponisa, a va tivi nchumu!

2 TIKRONIKA 28:22

Hambileswi a a wele emakhombyeni walawo, hosi Akazi a nga tshikanga ku fularhela HOSI Xikwembu.

Vaavanyisi 10:14

Mo ya mi ya rila eka swikwembu leswi mi tihlawuleleke swona; byelani swona swi mi lamulela eku xanisekeni ka n'wina!”

Duteronoma 32:38

Mafurha ya magandzelo ya n'wina mi nyikile swona swi dya, swi nwile ni vhinyo ya n'wina ya magandzelo. A swi te swi ta mi pfuna, swi mi sirhelela!

Yeremiya 44:8

Mi ndzi hlundzukisile hi mintirho ya n'wina, hikuva mi hiserile swikwembu swimbe emirhi ya risuna kwala tikweni ra Egipta, leri mi teke ku ta tshama eka rona; hikokwalaho mi ta dlawa, mi hundzuka ndzhukano ni xihlekiso ematikweni hinkwawo laha misaveni.

Esaya 46:7

Xikwembu xa kona, va xi tlakula va xi tlhandleka emakatleni, va xi rhwala, kutani va ya xi veka endhawini ya xona, xi yimisa sweswo, a xi pfi xi suka laha xi vekiweke kona. Loko munhu a yisa xirilo eka xona, a xi hlamuli, naswona a xi n'wi ponisi emakhombyeni.

Yeremiya 18:15

Kambe vanhu va mina vona va ndzi rivele, kutani va hisela swikwembu swa hava emirhi ya risuna. Swikwembu leswi swi va khugula va wa, va tshika ndlela ya vona ya khale, kutani va sungula ku chochovela hi nhova ematshan'wini yo famba hi gondzo leri lulamisiweke.