Yeremiya 11:10 - BIBELE Mahungu Lamanene

¹⁰ Va tlhelele eswidyohweni swa vatata wa vona lava nga ala ku ndzi yingisa; va tinyiketile eka swikwembu swin'wana, va swi tirhela. Vaisraele swin'we na vona va ka Yuda va tshovile ntwanano lowu ndzi wu endleke ni vatata wa vona.

Xitsonga (Bibele)

¹⁰ Va tlhelele eku biheni ka vatata wa vona va khale lava tshamaka va ala ku yingisa marito ya mina, kambe va famba va ya tirhela swikwembu swin'wana; yindlu ya Israele, na yona yindlu ya Yuda yi tshovile ntwanano lowu ndzi wu endleke ni vatata wa vona.

Yeremiya 11:10 Referans Kwoze

Duteronoma 31:16

Kutani HOSI Xikwembu xi ku ka Muxe: “Vona, u le kusuhi ni ku fa, kutani vanhu lava va ta sala va ndzi fularhela, va tshova ntwanano lowu ndzi wu endleke na vona. Loko va ri exikarhi ka vamatiko lava va yaka va ya tshama na vona, va ta sungula ku endla vunghwavava, va landzelela swikwembu swa vamatiko lava.

Ezekiele 16:59

“Mina HOSI N'wini wa hinkwaswo ndzi ri: Ndzi ta ku ba hikwalaho ka leswi u swi endleke, hikuva u sandzile ntwanano lowu ndzi wu boheke na wena, u tlhela u wu tshova.

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.

Vaavanyisi 2:19

Kambe loko muavanyisi wa vona a fa, Vaisraele a va tlhelela endzhaku, va hanya hi ndlela yo biha ku tlula ni ya vatata wa vona, va landzelela swikwembu swin'wana, va swi tirhela ni ku swi nkhinsamela. A va tshikanga mahanyelo ya vona ni ku tinonon'hwisa ka vona.

Vaavanyisi 2:17

Kambe Vaisraele a va yingisanga vaavanyisi lava. Va hatlile va hambuka endleleni leyi vatata wa vona va fambeke ha yona, va endla vunghwavava, va tirhela swikwembu swin'wana, va swi nkhinsamela. Vatata wa vona a va yingisa swileriso swa HOSI Xikwembu, kambe vona a va swi yingisanga.

Vaheveru 8:9

Wona wu nga ka wu nga fani ni lowu ndzi wu endleke khale ni vatata wa vona, siku ndzi va khomeke hi voko, ndzi va humesa etikweni ra Egipta. Ntwanano wa mina lowu, va wu tshovile, hikokwalaho a ndza ha tikarhatelanga vona, ku vula Hosi.

Sofoniya 1:6

Ndzi ta ba lava va ndzi fularhelaka mina HOSI, vona lava va nga ndzi laviki, lava nga rhandziki ku vutisa nchumu eka mina.”

Hosiya 6:7

Kambe va tshovile ntwanano ku fana na Adamu, hi ku ka va nga ndzi tirhelanga hi ku tshembeka.

Ezekiele 44:7

Mi pfumelela vamatiko lava nga yimbangiki, lava nga riki na mhaka na mina, leswaku va nghena eTempeleni ya mina, va yi nyamisa, loko n'wina mi ri karhi mi ndzi humesela swakudya hi magandzelo, ku katsa ni mafurha ni ngati, kutani mi tshovile ntwanano exikarhi ka mina na n'wina hi swilo hinkwaswo swa manyala leswi mi swi endleke.

Pisalema 78:57

Va fularhele Xikwembu, va lwa na xona kukota vatata wa vona; a va nga tshembeki, va fana ni vurha bya ngoti yo debya.

Duteronoma 9:7

“Mi fanele ku tsundzuka leswaku le mananga mi hlundzukisile HOSI Xikwembu, mi nga tshuki mi swi rivala. Ku sukela siku leri mi humeke ha rona le tikweni ra Egipta, ku fika namuntlha, a mi yingisanga swileriso swa HOSI Xikwembu;

Levhitika 26:15

ni loko mi fularhela milawu ya mina, mi tihambanisa ni swiletelo swa mina, mi nga endli leswi ndzi mi lerisaka swona, kutani mi tshova ntwanano wa mina,

Zakariya 1:4

Mi nga tiarisi ku fana ni vatata wa n'wina lava ndzi va khongoteleke hi milomo ya vaprofeta lavo rhanga, ndzi va byela ku tshika mikhuva ya vona leyo biha, ni swiendlo swa vona leswo homboloka. Kambe vona a va ndzi yingisanga, a va ndzi kombanga xichavo, mina HOSI ya matimba hinkwawo.

Hosiya 7:16

Va hundzukela eka leswi nga pfuniki nchumu, va fana ni vurha lebyi debyeke. Tihosi ta vona ti ta dlayiwa hi fumu, hikuva ti tikurisile ngopfu eku vulavuleni ka tona, kutani ti ta hundzuka xihlekiso etikweni ra Egipta.

Hosiya 6:4

Xana ndzi ta endla yini hi n'wina va ka Efrayimi xana? Na n'wina va ka Yuda, ndzi ta endla yini hi n'wina xana? Ku tshembeka ka n'wina ku fana ni hunguva nimixo, ku fana ni mberha leyi hatlisaka ku dzudzeka.

Yeremiya 31:32

Ntwanano wa kona wu ta hambana ni lowu ndzi wu endleke khale ni vatata wa vona, siku ndzi va humeseke etikweni ra Egipta. Ntwanano wa mina lowo rhanga, va wu tshovile, hambileswi a ndzi ri n'wini wa vona; ndzi vula sweswo mina HOSI.

Vaavanyisi 2:11

Vaisraele va endla leswo biha emahlweni ka HOSI Xikwembu. Va tirhela swifaniso swa Baali,

Yeremiya 7:28

Va tivise u ku: ‘Mi rixaka leri alaka ku yingisa HOSI Xikwembu xa rona, leri nga pfumeliki ku tshinyiwa. Ntiyiso wu file, a wa ha twali exikarhi ka n'wina.

Yeremiya 9:6

Va tlhandleka tihanyi ehenhla ka tihanyi, kutani va ala ku ndzi tiva; ndzi vula sweswo mina HOSI.”

Yeremiya 13:10

Vanhu lava vo homboloka va ala ku yingisa marito ya mina; va tiomisa tinhloko, kutani va endla leswi timbilu ta vona ti va byelaka swona: Va tinyiketa eka swikwembu swin'wana, va swi khongela ni ku swi tirhela. Hikokwalaho, va ta fana ni vamba leri, leri ri nga ha pfuniki nchumu.

Yeremiya 17:23

Vona va arile ku rhiya ndleve va yingisa, va tiomisile tinhloko leswaku va nga tshuki va twa kumbe ku amukela switsundzuxo swa mina.

Yeremiya 44:5

Kambe va ka Yuda a va yingisanga leswi ndzi va byelaka swona: A va tshikanga ku endla leswo homboloka, ni ku humesela swikwembu leswi swa hava emirhi ya risuna.

Yeremiya 44:16

“Leswi u hi byelaka swona u ku swi huma eka HOSI Xikwembu, a hi swi amukeli.

Ezekiele 5:6

Vaaki va muti lowu va arile ku yingisa swiletelo swa mina ni milawu ya mina; va endlile leswo homboloka ku tlula vamatiko hinkwavo lava va akelaneke na vona; hakunene Vaisraele va cukumetile swiletelo swa mina ni milawu ya mina, va ala ku swi yingisa.

Zakariya 7:11

Kambe vanhu va arile ku yingisa switsundzuxo leswi: Va swi be hi makatla, va tisiva tindleve leswaku va nga swi twi,

Zakariya 7:13

kutani yi ku: “Ndzi va vitanile, kambe va arile ku yingisa; kwalaho loko va ndzi vitana, na mina ndzi arile ku va yingisa. Ndzi vula sweswo, mina HOSI ya matimba hinkwawo.

Esaya 24:5

Lava akeke misaveni, va yi nyamisile, hikuva va tlurile milawu ya Xikwembu ni swiletelo swa xona, va tshova ni ntwanano wa xona lowu nga heriki.

Yeremiya 22:9

Kutani va ta tlhela va hlamulana va ku: ‘Mhaka hileswaku va tshovile ntwanano wa HOSI Xikwembu xa vona, kutani va ya khongela swikwembu swin'wana, va swi tirhela.’ ”