Yeremiya 10:9 - BIBELE Mahungu Lamanene

⁹ Swi namekiwe silivhere ya le Tarxixi, ni nsuku wa le Ufazi; swi lo vatliwa kunene, ni ku vumbiwa hi lava tivaka ku n'okisa nsuku; swiambalo swa swona i swa muhlovo wa rihlaza ra tilo ni wa xivunguvungu; hinkwaswo swi endliwile hi lava tivaka ntirho wa vona.

Xitsonga (Bibele)

⁹ i ntirho wa mavoko ya muvatli ni wa munyukisi; swifunengelo swa swona i swa xivunguvungu ni swa rihlaza ni leswa ribungu; hinkwaswo swilo sweswo i ntirho wa lavo tlhariha.

Yeremiya 10:9 Referans Kwoze

Pisalema 115:4

kasi swikwembu swa vona swa swifaniso swi endle hi vanhu, i nsuku ni silivhere ntsena.

Daniele 10:5

Ndzi lo na tlakusa mahlo, ndzo vona munhu la ambaleke swiambalo swa ntsembyani, a tikhame hi vamba ra nsuku lowu tengeke.

Esaya 40:19

Xana xi nga fanisiwa ni swikwembu leswi vumbiweke hi munhu, kutani un'wana a swi nameketa nsuku, a swi endlela ni tinketani ta silivhere, xana?

1 TIHOSI 10:22

Mhaka hi leswaku hosi a yi rhumela tingalava ta yona letikulu ematikweni ya le kule, ti longoloka ni tingalava ta hosi Hiramu. Kutani tingalava letikulu leti a ti tala ku vuya kan'we endzhaku ka malembe manharhu, ti rhwele nsuku, ni silivhere, ni matino ya tindlopfu, ni tihavu, ni tiphikoko.

Ezekiele 27:12

“Va le Tarxixi a va endla mabindzu na wena, va kuma nhundzu eka wena ya swilo swo saseka swa tinxaka-xaka, va swi hakela hi silivhere na nsimbhi na thini na ntsopfu.

Pisalema 72:10

Tihosi ta matiko hinkwawo ya le kule a ti n'wi humesele ndzuvo, va le Xeba ni va le Seba a va n'wi tisele tinyiko.

Esaya 23:6

Banani nkalanga, n'wina vaaki va le ribuweni ra lwandle, balekelani eTarxixi.

Ezekiele 27:7

Maseyila ya wena a ma endliwile hi ntsembyani wa le Egipta wo rhungeleriwa mavalavala, u hatla u tiveka ha wona; minceka ya muhlovo wa rihlaza ni wo tshwuka yo huma eswihlaleni swa Elixa a yi funengeta tinhundzu ta wena.

Yonasi 1:3

Kambe Yonasi a suka a balekela eTarxixi, leswaku a va kule ni HOSI. Hiloko a rhelela a ya eYopa, a kuma kona ngalava leyi a yi ya eTarxixi. A humesa mali ya riendzo, a khandziya ku ya na vona eTarxixi, a balekisa sweswo kule ni HOSI Xikwembu.

Habakuku 2:19

Ú ni khombo loyi a nge eka nsinya: “Pfuka!” ni le ka ribye leri nga vulavuriki: “Suka u yima!” Xana swilo leswi swi ta ku hlavutela yini ke? Languta, swi namekiwile nsuku ni silivhere, kambe a swi hefemuli ni kutsongo.

2 TIKRONIKA 9:21

Mhaka hi leswaku tingalava letikulu ta hosi Solomoni a ti rhumeriwa ematikweni ya le kule, ti fambisiwa hi malandza ya Hiramu, kutani a ti tala ku vuya kan'we endzhaku ka malembe manharhu, ti rhwele nsuku, ni silivhere, ni matino ya tindlopfu, ni tihavu, ni tiphikoko.

Hosiya 8:6

Rhole ra kona ri endliwile hi mavoko ya vanhu va Israele; rhole leri ra Samariya, a hi xikwembu, ri ta fayeteriwa!