Yeremiya 10:8 - BIBELE Mahungu Lamanene

⁸ Vanhu lava hinkwavo va pfumala mano ni ku twisisa: Xana swikwembu leswi swi ta va letela yini? I timhandze ntsena!

Xitsonga (Bibele)

⁸ Hinkwavo va hungukile va rivele; dyondzo ya swifaniso swa vona i murhi ntsena, ni silivhere leyi furiweke leyi pfaka Tarxixi, ni nsuku lowu humaka eUfazi;

Yeremiya 10:8 Referans Kwoze

Zakariya 10:2

Swifaniso leswi vatliweke swa swikwembu, swona swa hemba; lava hlahluvaka va vona swivono leswi kanganyisaka, milorho leyi va yi lorhaka i mavunwa ntsena, ku khongotela ka vona a ku pfuni nchumu. Hikokwalaho Vaisraele va tsendzeleka kukota tinyimpfu, leti xanisekaka hi ku pfumala murisi.

Yeremiya 10:14

Hinkwavo lava va swi vonaka, va hlamala, va nga swi twisisi; lava tivaka ku n'okisa nsuku va vumba swikwembu, va ta khomisiwa tingana ha swona, hikuva swifaniso leswi a hi swa ntiyiso, ni ku hefemula a swi hefemuli.

Habakuku 2:18

Xana ku pfuna ka xifaniso xa xikwembu xa hava hi kwihi ke? Loko muvatli wa xona a hetile ku xi vatla, i xifaniso xa nsimbhi ntsena, lexi dyondzisaka mavunwa. Muvatli ú veka ku tshemba ka yena eka xivumbiwa xa yena, loko a ri karhi a vatla swikwembu leswi nga vulavuriki.

Esaya 44:19

Exikarhi ka vona a ku na un'we wo kota ku ehleketa, loyi a nga ni vutivi kumbe ku twisisa, loyi a nga vulaka a ku: “Hafu ya mhandze leyi, ndzi tshiverile ndzilo ha yona, ndzi sweka swakudya ni ku oxa nyama emakaleni ya kona, ndzi dya; xana ndzi nga teka hafu leyi saleke, ndzi endla ha yona xilo xa manyala, ndzi tlhela ndzi xi nkhinsamela, xana?”

Esaya 41:29

Vonani, hinkwaswo a swi pfuni nchumu, a ku na ntirho lowu swi wu endlaka, swifaniso leswi vatliweke leswi, a hi nchumu!”

Pisalema 135:18

Lava va swi vumbeke ni hinkwavo lava va swi tshembaka, a va fane na swona!

Pisalema 115:8

Lava va swi vumbaka ni hinkwavo lava va swi tshembaka, a va fane na swona.

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Yeremiya 2:27

Vanhu lava, va teka nsinya va ku i tata wa vona, ni ribye va ku i mana wa vona. Va ndzi fularhela ematshan'wini ya ku ndzi langutisa, kambe loko va ri ekhombyeni, va huwelela eka mina, va ku: ‘Pfuka u hi lamulela!’

Hosiya 4:12

Vanhu va mina va vutisa timhaka emhandzeni, nhonga ya vona i mutsundzuxi wa vona! Moya wa vunghwavava wu va lahlekisile ndlela, va ndzi tshikile mina Xikwembu xa vona va landza swikwembu swin'wana.

Esaya 44:18

Vanhu vo tano a va tivi nchumu, hambi ku twisisa a va twisisi, hikuva va pfalekile mahlo ni miehleketo, kutani a va ha voni kumbe ku twisisa nchumu.

Yeremiya 3:9

Ú tinyamisile, a nyamisa ni tiko, hikuva ú tekile vunghwavava byi nga ri vudyoho, kutani a gandzela maribye ni misinya.

Yeremiya 5:4

Ndzi anakanyile ndzi ku: Lava endlaka sweswo i vanhu ntsena, a va twisisi nchumu; a va tivi ku rhandza ka HOSI Xikwembu xa vona, ni leswi xi swi langutelaka eka vona a va swi tivi.

Yonasi 2:8

Lava namarhelaka swikwembu swa hava va hambana ni vukhongeri bya xiviri.