Yeremiya 10:6 - BIBELE Mahungu Lamanene

⁶ We HOSI, a ku na la fanaka na wena, u Xikwembu lexikulu, ni vito ra wena ra chaviseka swinene.

Xitsonga (Bibele)

⁶ A ku na la fanaka na wena Yehovha; u nkulukumba; vito ra wena ri tlakukile hikwalaho ka matimba.

Yeremiya 10:6 Referans Kwoze

Eksoda 15:11

“We HOSI, i mani loyi a fanaka na wena exikarhi ka swikwembu, xana? Wena la nga ni matimba lama kwetsimaka, wena wa mintirho leyo chavisa, wena u endlaka swihlamariso, ku hava la fanaka na wena!

Pisalema 96:4

HOSI Xikwembu i xikulu, xi dzuneka ngopfu, xi fanele ku chaviwa ku tlula swikwembu swin'wana hinkwaswo.

Pisalema 48:1

HOSI Xikwembu xa hina i Xikwembu lexikulukumba, xi dzuneka ngopfu emutini lowu wu nga wa xona, entshaveni ya xona leyo hlawuleka;

Duteronoma 33:26

“N'wina va ka Yexuruni, ku hava Xikwembu xin'wana ehandle ka lexi, xi tsemakanya matilo ni mapapa, xi ta xi ta mi pfuna hi vukulu bya xona.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Pisalema 145:3

HOSI i Xikwembu lexikulu, xi dzuneka ngopfu; vukulu bya xona hi lebyi nga pimekiki.

Daniele 4:3

“Swikombiso swa xona i swikulu ngopfu, ni mahlori ya xona a hi ku chavisa ka wona! Ku fuma ka xona a ku na ku hela, ni vuhosi bya xona byi ta va kona hilaha ku nga heriki.

Pisalema 147:5

Xikwembu N'wini wa hina i xikulu, xi ni matimba ngopfu, vutlhari bya xona a byi pimeki.

2 SAMIELE 7:22

Hikokwalaho, u nkulukumba, wena HOSI N'wini wanga, naswona ku hava la fanaka na wena; ehandle ka wena, ku hava Xikwembu xin'wana, hikuva hinkwaswo leswi hi swi tweke swi seketela mhaka leyi.

Yeremiya 32:18

Vanhu va madzana-dzana, u va komba rirhandzu ra wena lero tshembeka, kambe a wu tshiki ku ba vana hikwalaho ka milandzu ya vatata wa vona. Wena Xikwembu lexi nga ni ntamu lowukulu, vito ra wena u HOSI ya matimba hinkwawo;

Esaya 40:25

Muhlawuleki wa vutisa, ú ri: “Xana ú kona loyi mi nga ndzi ringanisaka na yena, loyi ndzi fanaka na yena, xana?”

Eksoda 8:10

Kutani Faro a ku: “Mundzuku!” Muxe a ku: “Swi ta va hilaha u vulaka hakona, u ta tiva leswaku ku hava loyi a fanaka na HOSI Xikwembu xa hina.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Daniele 4:34

Nebukadnetsara a ku: “Loko nkarhi lowu vekiweke wu hundzile, mina Nebukadnetsara ndzi tlakusile mahlo ndzi languta ehenhla, kutani miehleketo ya mina yi vuya, ndzi dzunisa ni ku tlangela ni ku twarisa Loyi a nga henhla-henhla, Loyi a hanyaka hilaha ku nga heriki, ndzi ku: “Vuhosi bya yena a byi na ku hela, ni ku fuma ka yena ku ta va kona hilaha ku nga heriki.

Esaya 46:9

Tsundzukani ni leswi humeleleke eminkarhini ya khale; Xikwembu hi mina, ku hava xin'wana, mina ndzi Xikwembu, a ku na loyi a fanaka na mina.

Esaya 46:5

“Xana ú kona munhu loyi mi nga ndzi fanisaka na yena, kumbe loyi mi nga ndzi ringanisaka na yena xana? Ndzi ringana na mani, naswona ndzi fana na mani?

Esaya 40:18

Xana ú kona munhu loyi mi nga n'wi ringanisaka ni Xikwembu, kumbe swi kona leswi mi nga swi fanisaka na xona, xana?

Pisalema 35:10

Ndzi ta vula hi mbilu ya mina hinkwayo, ndzi ku: A ku na la fanaka na wena we HOSI, hikuva u kutsula swisiwana eka lava va swi xanisaka, u lwela vapfumari eka lava va va tekelaka swa vona.

Nehemiya 9:32

“We Xikwembu xa hina, u Xikwembu lexikulu xa matimba lexi chavisekaka; u hlayisa ntwanano ni rirhandzu lero tshembeka; hikokwalaho, u nga yi endli leyitsongo, mhaka ya ku tikeriwa hinkwako loku hi veke na kona ku sukela enkarhini wa tihosi ta Asiriya ku ta fika sweswi, hina, ni tihosi ta hina, ni varhangeri va hina, ni vaprista va hina, ni vaprofeta va hina, ni vatata wa hina, ni vanhu va wena hinkwavo.

Nehemiya 4:14

Loko ndzi vona leswaku va chava, ndzi suka ndzi yima ndzi byela varhangeri, ni tindhuna ni vanhu hinkwavo ndzi ku: “Valala va hina, mi nga va chavi; tsundzukani leswaku HOSI Xikwembu xa hina i xikulu, naswona xa chaviseka! Kutani, lwelani vamakwenu, ni vana va n'wina va xinuna ni va xisati, ni vasati va n'wina ni miti ya n'wina.”

Duteronoma 32:31

Valala va hina a va na rona ribye leri tiyeke, leri fanaka ni Ribye ra hina, sweswo va swi tiva, vona hi voxe.

Eksoda 9:14

Makhombo hinkwawo lawa ndzi nga ta ma rhumela sweswi, ndzi ta ma rhumela eka wena, ni le ka malandza ya wena, ni le ka vanhu va wena, u ta tiva leswaku emisaveni hinkwayo a nga kona la fanaka na mina.

1 Vakorinto 8:6

eka hina ku ni Xikwembu xin'we ntsena, Tatana loyi swilo hinkwaswo swi humaka eka yena, na hina hi hanyelaka yena; naswona ku ni Hosi yin'we ntsena, Yesu Kriste loyi hinkwaswo swi taka hi le ka yena, na hina hi hanyaka hikwalaho ka yena.

Yeremiya 10:16

Xikwembu xa va ka Yakobo a xi fani ni swikwembu leswi: Hi xona xi vumbeke swilo hinkwaswo, kutani Vaisraele i vanhu va xona va xiviri. Vito ra xona i HOSI ya matimba hinkwawo.

1 TIKRONIKA 16:25

HOSI Xikwembu i xikulu, xi dzuneka ngopfu, xi fanele ku chaviwa ku tlula swikwembu swin'wana hinkwaswo.