Yeremiya 10:5 - BIBELE Mahungu Lamanene

⁵ Swikwembu swa vona swi fana ni switlakati leswi hayekiwaka ensin'wini ya marhakarhaka ku chavisa tinyanyana: A swi vulavuri, a swi famba-fambi, swo rhwariwa kunene. Hikokwalaho mi nga swi chavi, hikuva swi nge pfuki swi endle nchumu, hambi xo biha kumbe xo saseka!”

Xitsonga (Bibele)

⁵ Swifaniso leswi swi kotisa mhandze leyi sasekisiweke kambe a swi vulavuri; swa rhwariwa, hikuva a swi tivi ku famba; mi nga tshuki mi swi chava, a swi endli swo biha; na swona swa tsandzeka ku endla leswo lulama.”

Yeremiya 10:5 Referans Kwoze

Esaya 46:7

Xikwembu xa kona, va xi tlakula va xi tlhandleka emakatleni, va xi rhwala, kutani va ya xi veka endhawini ya xona, xi yimisa sweswo, a xi pfi xi suka laha xi vekiweke kona. Loko munhu a yisa xirilo eka xona, a xi hlamuli, naswona a xi n'wi ponisi emakhombyeni.

1 Vakorinto 12:2

Ma swi tiva leswaku, loko ma ha ri vamatiko, a mi yisiwa hala ni hala, mi kokeriwa eka swikwembu swa hava leswi nga vulavuriki.

1 Vakorinto 8:4

Loko ku ri ku dya leswi humeseriweke swikwembu swa hava, hi tiva leswaku “xikwembu xa hava a hi xilo xa nchumu emisaveni”, ni leswaku “ku ni Xikwembu xi ri xin'we ntsena, ku hava xin'wana.”

Habakuku 2:19

Ú ni khombo loyi a nge eka nsinya: “Pfuka!” ni le ka ribye leri nga vulavuriki: “Suka u yima!” Xana swilo leswi swi ta ku hlavutela yini ke? Languta, swi namekiwile nsuku ni silivhere, kambe a swi hefemuli ni kutsongo.

Esaya 46:1

Bele na Nebo, swikwembu swa le Babilona, swa nkhinsama, swi lava ku wa; swifaniso leswi swi rhwariwa hi tihomu ni timbhongolo. Leswi Vababilona a va swi tlakula, swi hundzuke ndzhwalo lowu rhwariwaka hi swifuwo leswi karheleke.

Esaya 45:20

HOSI Xikwembu xi ri: “Hlengeletanani, n'wina mi poneke ematikweni, tanani, mi tshinela kusuhi. Vanhu lava famba-fambaka ni swifaniso swo vatliwa swa swikwembu swa vona, lava khongelaka swikwembu leswi nga kotiki ku ponisa, a va tivi nchumu!

1 TIHOSI 18:26

Hiloko va teka nkuzi leyi va nga ta tirha ha yona, va yi lunghisa, kutani va vitana Baali ku sukela nimixo ku ya fika ninhlekanhi, va ku: “Hi hlamule, we Baali!” Kambe a ku twalanga rito, hambi yi ri nhlamulo. Kutani va cinela Baali va ri karhi va rhendzeleka-rhendzeleka alitari leyi va yi akeke.

Yeremiya 10:14

Hinkwavo lava va swi vonaka, va hlamala, va nga swi twisisi; lava tivaka ku n'okisa nsuku va vumba swikwembu, va ta khomisiwa tingana ha swona, hikuva swifaniso leswi a hi swa ntiyiso, ni ku hefemula a swi hefemuli.

Duteronoma 4:28

Loko mi ri exikarhi ka tinxaka ta kona, mi ta tirhela swikwembu swa timhandze ni maribye leswi endliweke hi mavoko ya vanhu, leswi nga voniki kumbe ku twa, leswi nga dyiki kumbe ku nun'hweta.

2 TIKRONIKA 25:15

Kavaloko HOSI Xikwembu xi hlundzukela Amasiya, xi n'wi rhumela muprofeta un'wana loyi a nga n'wi tshinya hi marito lawa ya nge: “We Amasiya, hikwalaho ka yini u tilavele swikwembu leswi swa vamatiko, hikuva swi tsandzekile ku ponisa vanhu va swona le Edomu, siku u va hlaseleke!”

Esaya 16:12

Vamowabu vo tikarhata ntsena, loko va tlhandlukela eswitsungeni leswo hlawuleka va ya khongela etitempeleni ta vona, hikuva a swi nga va pfuni nchumu.