Yeremiya 10:25 - BIBELE Mahungu Lamanene

²⁵ Chululela vukari bya wena ehenhla ka vanhu lava nga ku tiviki, va nga lava va nga ku khongeriki, hikuva va hlaserile va ka Yakobo, va phangha swilo swa vona hinkwaswo, tiko ra vona ri hundzuka mananga.

Xitsonga (Bibele)

²⁵ Wa nga halata ku kariha ka wena ematilweni lama nga ku tiviki, ni le tinxakeni leti nga khongeriki vito ra wena; hikuva va dyile Yakobo, va n'wi dyile va va va n'wi heta, kambe va hetile vuako bya yena.

Yeremiya 10:25 Referans Kwoze

Yeremiya 8:16

Valala va fikile eDani, hi twa ku rila ka tihanci ta vona, mpfumawulo wa kona wu tsekatsekisa tiko hinkwaro. Va tela ku ta herisa tiko ni hinkwaswo leswi nga ka rona; va ta herisa muti ni vaaki va wona!”

Pisalema 14:4

Xikwembu xa vutisa xi ri: “Hinkwavo lava endlaka leswo biha, xana vo ka va nga ri na mano, leswi va mitetelaka vanhu va mina ku fana ni loko va dya vuswa, va ala ni ku ndzi gandzela mina HOSI, xana?”

Ntirho 18:21

Hi kona ku hela ka muti wa lowo homboloka, ndhawu ya loyi a nga tiviki Xikwembu yi herisa sweswo!”

2 Vatesalonika 1:8

emalangavini ya ndzilo. Xi ta ba lava va nga xi tiviki, va nga lava nga yingisiki Evhangeli ya Hosi ya hina Yesu.

1 Vatesalonika 4:5

ku nga ri hi ku navela loku hisaka, ku fana ni vamatiko lava nga tiviki Xikwembu.

Zakariya 1:15

Tinxaka leti tshamisekeke ti nga karhatiwi hi nchumu, ndzi ti hlunamele ngopfu, hikuva loko ndza ha hlundzukelenyana Vaisraele, tona ti tlhandlekele ku biha ehenhla ka ku biha.

Sofoniya 1:6

Ndzi ta ba lava va ndzi fularhelaka mina HOSI, vona lava va nga ndzi laviki, lava nga rhandziki ku vutisa nchumu eka mina.”

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Yeremiya 50:7

Hinkwavo lava kumaka Vaisraele va va herisa, valala va vona va ri: ‘A hi na nandzu, hikuva vanhu lava va dyohele HOSI Xikwembu musirheleri wa vona, yena loyi vatata wa vona a va n'wi tshemba!’

Pisalema 27:2

Loko vanhu lavo homboloka va ndzi tela va ri ni makungu ya ku ndzi dlaya, ndzi vula vona valala va mina, hi vona va nga ta dlayiwa va fa.

1 Vakorinto 15:34

Xalamukani swinene, mi tshika ku dyoha. Van'wana va n'wina a va tivi Xikwembu; ndzi vula leswi hi ku mi khomisa tingana.

Timhaka 17:23

Hikuva loko ndzi famba ndzi ri karhi ndzi languta tindhawu leti mi gandzelaka ka tona, ndzi kumile alitari leyi ku tsariweke marito eka yona lama nge: ‘Eka Xikwembu lexi nga tiviwiki!’ Sweswi ke, leswi mi swi gandzelaka mi nga swi tivi, hi swona leswi ndzi mi tivisaka swona.

Yohane 17:25

Tatana la lulameke, misava a yi ku tivanga, kambe mina ndzi ku tivile, kutani vanhu lava va swi tivile leswaku ndzi rhumiwile hi wena.

Sofoniya 3:8

“Hikokwalaho, ndzi languteleni, mi yimela siku leri ndzi nga ta suka ndzi yima, ndzi vula nandzu wa n'wina. Makungu ya mina i ku hlengeleta vanhu va matiko ni va mimfumo hinkwayo, leswaku ndzi chela ku hlundzuka ka mina ehenhla ka vona, ndzi va hisa hi vukari bya mina lebyi pfurhaka, hikuva misava hinkwayo yi ta hisiwa endzilweni wa rilondzo ra mina.”

Swirilo 2:22

U ndzi rhambele hinkwavo lava ndzi va chavaka, va ta onge ko va ni nkhuvo; hi siku ra ku hlundzuka ka wena we HOSI, ku pfumaleke ni un'we loyi a phonyokeke a pona. Vana lava ndzi va kuriseke ni ku va hlayisa, nala wa mina ú va herisile.

Esaya 64:7

Ku pfumala na munhu na un'we loyi a ku khongelaka, ku hava loyi a sukaka a yima a tshinela kusuhi na wena, hikuva u sukile exikarhi ka hina, u hi siyile ni swidyoho swa hina.

Esaya 43:22

“Kambe n'wina va ka Yakobo, mi tshikile ku ndzi khongela, mi karhele hi mina, n'wina Vaisraele.

Nhlavutelo 16:1

Kutani ndzi twa rito leri tlakukeke ri huma eTempeleni, ri ku ka tintsumi leti ta 7: “Yanani, mi ya chululela emisaveni swa minkambana ya 7 ya vukari bya Xikwembu.”

Pisalema 69:24

Va hlundzukele swinene, u va ba hi vukari bya wena lebyi hisaka.

Pisalema 147:20

Vanhu va tinxaka timbe, a xi va endlelanga swilo leswi, a va tivi swiboho swa xona. Dzunisani HOSI!

Esaya 9:12

Vasiriya va ta hi le vuxeni, Vafilista va ta hi le vupeladyambu, hinkwavo va nghena va mita tiko ra Israele; hambiswiritano, vukari bya HOSI Xikwembu a byi tlheli, xa ha ta tlakusa voko ra xona, xi va ba.

Yeremiya 11:1

HOSI Xikwembu xi vulavurile na Yeremiya, xi ku:

Yeremiya 30:16

Hambiswiritano, hinkwavo lava va ku hlaselaka, ndzi ta va hlasela na vona, valala va wena hinkwavo va ta yisiwa evukhumbini; lava phanghaka swilo swa wena, ni swa vona swi ta phanghiwa, hinkwavo lava va ku tekelaka swa wena, na vona va ta tekeriwa swa vona.