Yeremiya 10:19 - BIBELE Mahungu Lamanene

¹⁹ Muti wa Yerusalema wu hlamula wu ku: “Yóò, ndzi file minoo! Mbanga ya mina i ntsandza-vatshunguri. A ndzi ku, i ndzhwalo wa mina, ndzi ta wu byarha.

Xitsonga (Bibele)

¹⁹ Yo! Yowee! Ndzi tshovekile! Mbanga ya mina ya pandza! Kambe ndzi ri: “Hakunene, hi rona khombo ra mina, swi ndzi fanele ku swi yingisela.”

Yeremiya 10:19 Referans Kwoze

Mikiya 7:9

Hi ta tiyisela hi byarha vukari bya HOSI Xikwembu, hikuva hi xi dyoherile; xi ta rhanga xi boxa nandzu wa hina, xi hi avanyisa, kutani xi hi humesela eku vonakaleni, leswaku hi vona matimba ya xona ya ku ponisa.

Yeremiya 14:17

Xikwembu xi ndzi lerisile ku tivisa vanhu xirilo xa mina lexi nge: Mihloti ya mina yi khuluka yi nga yimi vusiku ni nhlekanhi, hikuva vanhu va ka hina va humeleriwe hi khombo lerikulu, va boxiwe mbanga yo chavisa.

Yeremiya 4:31

Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”

Pisalema 39:9

Sweswi ndzi ta timiyelela, a ndzi nga ha pfuli nomo, hikuva ntirho lowu i wa wena.

Swirilo 3:48

mahlo ya mina ma halata mihloti onge i nambu, hikwalaho ka ku lovisiwa ka vanhu va ka hina.

Swirilo 1:2

Nivusiku Yerusalema ú rila hi xiviti, mihloti yi xiririka emarhameni. Exikarhi ka lava khale a a rhandzana na vona, ku pfumaleka ni un'we wo n'wi miyeta; hinkwavo lava khale a va ri vanghana va yena, namuntlha va hundzuke valala eka yena, va n'wi xisa.

Yeremiya 17:13

We HOSI, wena loyi Vaisraele va ku tshembaka, lava va ku tshikaka va ta nyuma hinkwavo; mavito ya lava va ku fularhelaka, ma ta tsariwa exivandleni xa vafi, hikuva va ku tshikile we HOSI, wena xihlovo xa mati lama khulakaka.

Yeremiya 9:1

Loko ingi nhloko ya mina yi nga tala mati, ni mahlo ya mina ma nga va xihlovo xa mihloti: Vusiku ni nhlekanhi a ndzi ta tlhava mukhosi, ndzi rila vanhu va ka hina lava dlayiweke.

Yeremiya 8:21

Ndzi hela ntamu loko ndzi vona ku vaviseka ka vanhu va ka hina; ndza rila, ndzi khomiwa hi gome.

Yeremiya 4:19

Ndza tshwa, ndza tshwa! Ndzi twa ku vava! Mbilu ya mina a yi na ku rhula, ya ba hi ku hatlisa, ndzi tsandzeka ku yi miyeta, hikuva ndzi twa mhalamhala, ni mpfumawulo wa tinyimpi.

Esaya 8:17

HOSI Xikwembu xi fularhele va ka Yakobo, kambe mina ndzi ta langutela xona, ndzi xi tshemba.

Pisalema 77:10

Kutani mina ndzi ri: “Leswi swi ndzi vavisaka ngopfu hi leswi: Xikwembu xa le henhla-henhla a xa ha hi lweli kukotisa khale!”

Yeremiya 14:7

Vanhu va huwelela va ku: “We HOSI, hi dyohile emahlweni ka wena, hi tlhelele ndzhaku minkarhi yo tala, mintirho ya hina leyo biha ya hi mangalela. Hambiswiritano hi pfune hikwalaho ka vito ra wena.