Yeremiya 10:18 - BIBELE Mahungu Lamanene

¹⁸ hikuva HOSI Xikwembu xi vurisa sweswo xi ri: “N'wina mi akeke etikweni leri, yingisani! Ndzi ta mi cukumeta ekule. Nkarhi wu fikile: Ndzi ta mi vangela maxangu, mi ko mi swi twa.”

Xitsonga (Bibele)

¹⁸ Hikuva Yehovha u vurisile, a ku: “Vonani sweswi ndzi ta cukumeta vaaki va tiko hi xipelupelu, kambe ndzi ta va rivata leswaku va khomiwa.”

Yeremiya 10:18 Referans Kwoze

1 SAMIELE 25:29

Loko vanhu va tshuka va ku pfukela, wena n'wini wanga, ni loko va ku hlongorisa va ringeta ku ku dlaya, vutomi bya wena byi ta katsiwa ni bya lava hanyaka, byi hlayisiwa hi HOSI Xikwembu xa wena. Kasi vutomi bya valala va wena, byi ta ndzulutiwa byi hoxiwa ekule, tanihi ribye ra xipelupelu.

Zakariya 1:6

Kambe marito ni swileriso swa mina leswi ndzi swi rhwexeke vaprofeta, malandza ya mina, swi khumbile timbilu ta vatata wa n'wina. “Hikokwalaho, va hundzukile va ku: ‘HOSI Xikwembu xa matimba hinkwawo xi hetisisile makungu ya xona evutomini bya hina; xi hi bile hikwalaho ka swidyoho swa hina!’ ”

Ezekiele 6:10

kutani va ta tiva leswaku HOSI Xikwembu hi mina! Loko ndzi vula leswaku ndzi ta va vangela makhombo, a ndzi vungunyi!”

Yeremiya 23:20

Vukari bya HOSI Xikwembu a byi nga rheleli, xi ko xi hetisa leswi xi swi boheke emakungwini ya xona. Eminkarhini leyi taka, hi kona mi nga ta swi vona, mi swi twisisa swinene.

Yeremiya 16:13

Hikokwalaho ndzi ta mi hlongola mi suka etikweni leri. Ndzi ta mi yisa etikweni leri n'wina ni vatata wa n'wina mi nga ri tivangiki; kutani kona mi ta tirhela swikwembu swimbe vusiku ni nhlekanhi, hikuva a ndzi nga mi tweli vusiwana.’ ”

Duteronoma 28:52

“Va ta mi rhendzela emitini ya n'wina hinkwayo; makhokholo layo leha lama tiyeke lawa mi tshembeke wona, va ta ma mbundzumuxa ma wela ehansi, etikweni hinkwaro leri HOSI Xikwembu xa n'wina xi mi nyikaka rona.

Yeremiya 22:26

Wena ni mana wa wena la ku velekeke, ndzi ta mi hlongola etikweni leri, mi ya tshama etikweni leri mi nga ri tiviki, kutani mi ta fela eka rona.

Sofoniya 1:17

HOSI Xikwembu xi ri: “Vanhu, ndzi ta va vangela maxangu, va ta famba, onge va lo fa mahlo, ngati ya vona yi ta halateriwa ehansi, ni mintsumbu ya vona yi ta cukumetiwa etaleni, hikuva va ndzi dyoherile mina HOSI.”

Esaya 22:17

Sweswi, we wanuna wa matimba, HOSI Xikwembu xi ta ku cukumeta u ya ku nsá, ehansi, xi ta ku khoma xi ku manya swinene,