Yeremiya 10:14 - BIBELE Mahungu Lamanene

¹⁴ Hinkwavo lava va swi vonaka, va hlamala, va nga swi twisisi; lava tivaka ku n'okisa nsuku va vumba swikwembu, va ta khomisiwa tingana ha swona, hikuva swifaniso leswi a hi swa ntiyiso, ni ku hefemula a swi hefemuli.

Xitsonga (Bibele)

¹⁴ Munhu un'wana ni un'wana u hungukile hi ku pfumala ku tiva; kutani munyukisi un'wana ni un'wana a khomisiwa tingana hi xifaniso xa yena, hikuva xifaniso xa yena i vunwa ntsena, a ku na ku hefemula ka xona.

Yeremiya 10:14 Referans Kwoze

Yeremiya 10:8

Vanhu lava hinkwavo va pfumala mano ni ku twisisa: Xana swikwembu leswi swi ta va letela yini? I timhandze ntsena!

Esaya 42:17

Lava tshembaka swifaniso leswi vatliweke, vona lava byelaka swifaniso leswi vumbiweke va ku: ‘Hi n'wina swikwembu swa hina’, va ta hlongoriwa, va tlhela va ri ni tingana letikulu.”

Esaya 45:16

Hinkwavo lava endlaka swifaniso swa swikwembu, va ta khomiwa hi tingana, va hlangana tinhloko; va ta famba swin'we hinkwavo, va pfilunganile miehleketo.

Pisalema 97:7

Hinkwavo lava khongelaka swikwembu swa swifaniso, va ta khomiwa hi tingana, hikuva va tinyungubyisa hi leswi nga pfuniki nchumu. Swikwembu leswi hinkwaswo a swi nkhinsamele HOSI Xikwembu!

Esaya 44:11

Vonani, hinkwavo lava khongelaka swifaniso va ta khomiwa hi tingana, hikuva swilo leswi, swi endliwile hi vanhu. A va te ehubyeni va ta tenga, va ta nyuma, va rhurhumela.

Pisalema 14:2

HOSI Xikwembu xi languta vanhu xi ri etilweni, ku vona loko ku nga va ni lava va twisisaka, lava va xi lavaka,

Pisalema 92:6

Mhaka leyi, mintlunya a yi nga yi tivi, ni swiphunta a swi nga yi twisisi.

Pisalema 94:8

N'wina vanhu vo pfumala tindleve, yingisani; mintlunya ndzin'wina, xana mi ta tlhariha rini xana?

Swivuriso 30:2

Hakunene ndzi phuphula mina, a ndzi munhu wa nchumu, ku twisisa loku van'wana va nga na kona, mina ndzi hava.

Varhoma 1:25

Va tshikile ntiyiso wa Xikwembu, va landza mavunwa, va gandzela ni ku tirhela leswi vumbiweke, ematshan'wini ya Muvumbi loyi a fanelaka ku vongiwa hi masiku ni masiku. Amen!

Yeremiya 10:5

Swikwembu swa vona swi fana ni switlakati leswi hayekiwaka ensin'wini ya marhakarhaka ku chavisa tinyanyana: A swi vulavuri, a swi famba-fambi, swo rhwariwa kunene. Hikokwalaho mi nga swi chavi, hikuva swi nge pfuki swi endle nchumu, hambi xo biha kumbe xo saseka!”

1 SAMIELE 5:4

Kambe loko va pfuka nimpundzu hi siku leri tlhandlamaka, va kuma leswaku Dagona ú tlhele a wela ehansi hi mombo emahlweni ka Areka ya HOSI. Nhloko ya yena ni mavoko ya yena ha mambirhi swi tsemekile, swi wele enyangweni ya tempele, Dagona a sala ni miri wa yena ntsena.

Esaya 57:12

Ku lulama loku mi nge mi na kona, ndzi ta ku humesela erivaleni; swilo leswi mi swi endlaka, swi nge mi vuyerisi nchumu!