Yeremiya 10:10 - BIBELE Mahungu Lamanene

¹⁰ Kasi HOSI yona, hi yona yi nga Xikwembu xa ntiyiso; i Xikwembu lexi hanyaka, lexi fumaka hilaha ku nga heriki. Vukari bya xona byi tsekatsekisa misava, loko xi hlundzukile, vamatiko va nge swi tiyiseli.

Xitsonga (Bibele)

¹⁰ Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

Yeremiya 10:10 Referans Kwoze

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Pisalema 76:7

We HOSI wa chavisa! Loko u hlundzukile, ku hava loyi a nga yimaka emahlweni ka wena.

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Pisalema 42:2

Moya wanga wu twa torha ra Xikwembu, ra Xikwembu lexi hanyaka. Xana ndzi ta nghena rini eTempeleni ya xona, ndzi ya yima emahlweni ka xona xana?

Pisalema 100:5

HOSI Xikwembu xi ni vunene, rirhandzu ra xona hi leri nga heriki, xa ha ta tshembeka ni le ka hinkwavo lava va ha taka.

Nhlavutelo 20:11

Kutani ndzi vona xiluvelo lexikulu xo basa, na yena loyi a tshameke ehenhla ka xona; loko tilo ni misava swi n'wi vona, swi baleka swi ya kule, kutani ndhawu ya swona a ya ha vanga kona.

Pisalema 31:5

We HOSI, ndzi veka vutomi bya mina emavokweni ya wena; u ndzi kutsurile we HOSI, wena Xikwembu xo tshembeka.

Pisalema 10:16

HOSI yi fuma hilaha ku nga heriki, vamatiko va ta susiwa etikweni ra yona.

Pisalema 18:7

Kavaloko misava yi ninginika, yi tsekatseka, kutani masungulo ya tintshava ma rhurhumela ni ku gudlagudla, hikuva HOSI a yi pfurha hi vukari.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

1 Timotiya 1:17

Eka Hosi ya minkarhi hinkwayo, leyi nga riki na ku fa, leyi nga voniwiki, xona Xikwembu xi ri xoxe, a ku ve ku chaviseka ni ku dzuneka, hilaha ku nga heriki! Amen.

1 Vatesalonika 1:9

Vanhu lava hinkwavo va rungula hilaha mi hi amukeleke hakona exikarhi ka n'wina, ni hilaha mi nga hundzukela eka Xikwembu hakona, mi fularhela swikwembu swa hava, leswaku mi tirhela Xikwembu lexi hanyaka, xa ntiyiso.

Timhaka 14:15

va ku: “Vavanuna, hikwalaho ka yini mi endla sweswo xana? Kasi na hina hi vanhu lava va fanaka na n'wina hi ntumbuluko; mahungu lamanene lawa hi mi tiselaka wona hileswaku mi tshika mintirho leyi ya swa hava, mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga ka swona;

Malakiya 3:2

Kambe xana i mani la nga tiyelaka siku ra ku ta ka yena, naswona, i mani la nga yimaka emahlweni ka yena loko a humelela xana? La taka, ú fana ni ndzilo wa mufuri ni xisibi xa muhlantswi.

Habakuku 3:6

Loko a yima, misava ya tsekatseka; loko a languta vamatiko, va rhurhumela. Tintshava leti nga riki na ku hela, ti mbundzumuka, ni switsunga swa khale swi mbombomela, swi nga leswi a a famba-famba eka swona khale.

Mikiya 1:4

Laha a taka hi kona, tintshava ti n'oka ku fana ni mafurha endzilweni, rivala ri celeka wonge ku lo na mpfula ya ximbhembhe emagangeni.

Pisalema 146:6

Xikwembu hi xona xi endleke tilo ni misava ni lwandle, ni hinkwaswo leswi hanyaka eka swona; minkarhi hinkwayo xa tshembeka.

Pisalema 145:13

Vuhosi bya wena i bya minkarhi hinkwayo, u ta va mufumi hilaha ku nga heriki. [Marito hinkwawo ya HOSI Xikwembu ma ni ntiyiso, rirhandzu ra xona ra vonaka emintirhweni ya xona hinkwayo.]

Pisalema 114:7

Wena misava, rhurhumela emahlweni ka N'wini wa hinkwaswo, xona Xikwembu xa va ka Yakobo,

Pisalema 104:32

Loko xi languta misava, ya rhurhumela, tintshava ti mbuluka musi loko xi ti khumba.

Pisalema 97:4

Xi voninga misava hi rihati ra xona, matiko ma swi vona ma rhurhumela.

Pisalema 93:2

We HOSI, xiluvelo xa wena u xi tiyisile ku sukela khale, na wena u vile kona minkarhi hinkwayo.

Pisalema 90:11

Xana i mani la anakanyaka matimba ya vukari bya wena xana? La tsundzukaka ku hlundzuka ka wena loku chavisaka i mani ke?

Pisalema 84:2

ndzi navela hi mbilu ya mina hinkwayo ku fika exivaveni xa yindlu ya wena. Hi miri ni moya, ndzi huwelela hi ku tsaka eka wena Xikwembu lexi hanyaka.

Pisalema 77:18

Tilo a ri baleka swinene, ku ba xihuhuri, rihati ri voninga misava hinkwayo, kutani yi ninginika hi ku chava.

Ntirho 9:6

Xi tsekatsekisa misava, laha yi nga kona, xi tlula-tlurisa ni tiphuphu ta yona.

2 TIKRONIKA 15:3

Hakanyingi eminkarhini leyi hundzeke, Vaisraele va tihanyerile va nga ri na Xikwembu xa ntiyiso, va pfumala muprista wo va dyondzisa, va ri hava ni nawu.

1 TIHOSI 18:39

Loko vanhu va vona sweswo, va korhama hinkwavo, mimombo ya vona yi kondza yi khumba misava, kutani va huwelela va ku: “HOSI, hi xona Xikwembu! HOSI, hi xona Xikwembu!”

1 SAMIELE 17:36

Mina ndzi nandza wa wena; ndzi dlayile tinghala ni swinkankanka. Kutani ndzi ta endla swo tano eka Mufilista loyi wo ka a nga yimbanga, hikuva ú pfuka mavuthu ya Xikwembu lexi hanyaka.”

1 SAMIELE 17:26

Davhida a vutisa lava a va yimile kwalaho, a ku: “Va ri, ú ta nyikiwa yini munhu la nga ta dlaya Mufilista loyi, a kutsula Israele endzhukanweni lowu, xana? Swona o va mani Mufilista loyi wo ka a nga yimbanga, leswi a pfukaka mavuthu ya Xikwembu lexi hanyaka, xana?”

Vaavanyisi 5:4

We HOSI, siku u sukeke eSeyira, u huma exifundzheni xa Edomu, misava a yi tsekatseka, matilo ma nisa mpfula, mapapa ma chulula mati;

Duteronoma 5:26

Ku hava munhu loyi a tshamaka a twa Xikwembu lexi hanyaka xi vulavula na yena xi ri endzilweni, kutani a ya emahlweni a hanya; sweswo swi humelele eka hina ntsena.

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Matewu 26:63

Kambe Yesu a miyela. Muprista lonkulu a engeta, a ku ka yena: “Ndzi ri ka wena: Hlambanya hi Xikwembu lexi hanyaka, u hi byela loko u ri Mesiya, N'wana wa Xikwembu.”

Matewu 16:16

Kutani Simoni Petro a hlamula a ku: “U Mesiya, N'wana wa Xikwembu lexi hanyaka.”

Habakuku 3:10

Loko tintshava ti ku vona, ta chukuvanya; ndhambi yi halaka kunene, yi khuluka; mati ya xidziva ma hobomulana, magandlati ya xona ma tlakuka, wonge i mavoko.

Yuwele 2:11

Emahlweni ka mavuthu ya xona, HOSI Xikwembu xo huwelela kunene, hikuva vandla ra xona ri kurile ku tlula mpimo, ri ni matimba, vandla leri ri endlaka swileriso swa xona. Siku ra HOSI i rikulu, ra chavisa; xana ri ta tiyeriwa hi mani xana?

Daniele 7:14

Kutani a nyikiwa vuhosi ni ku dzuneka ni matimba, leswaku vanhu va tinxaka hinkwato lava vulavulaka tindzimi to hambana-hambana va n'wi tirhela; vuhosi bya yena byi ta va kona hilaha ku nga heriki, ku fuma ka yena a ku nga herisiwi hi munhu.”

Daniele 6:26

Ndzi lerisa leswaku vanhu hinkwavo etikweni ra mina va khongela ni ku chava Xikwembu xa Daniele, “hikuva hi xona Xikwembu lexi hanyaka, lexi nga ta va kona hilaha ku nga heriki; mfumo wa xona wu nga ka wu nga herisiwi, ni vuhosi bya xona a byi nga vi na makumu.

Daniele 4:34

Nebukadnetsara a ku: “Loko nkarhi lowu vekiweke wu hundzile, mina Nebukadnetsara ndzi tlakusile mahlo ndzi languta ehenhla, kutani miehleketo ya mina yi vuya, ndzi dzunisa ni ku tlangela ni ku twarisa Loyi a nga henhla-henhla, Loyi a hanyaka hilaha ku nga heriki, ndzi ku: “Vuhosi bya yena a byi na ku hela, ni ku fuma ka yena ku ta va kona hilaha ku nga heriki.

Daniele 4:3

“Swikombiso swa xona i swikulu ngopfu, ni mahlori ya xona a hi ku chavisa ka wona! Ku fuma ka xona a ku na ku hela, ni vuhosi bya xona byi ta va kona hilaha ku nga heriki.

Yeremiya 23:36

Mi nga ha vulavuli hi ‘ndzhwalo wa HOSI Xikwembu’. Xana mahungu ya xona ma nga va ‘ndzhwalo’ xana? Loko mi vula sweswo, mi onha mahungu ya Xikwembu xa hina lexi hanyaka, yona HOSI ya matimba hinkwawo.

Esaya 37:17

Rhiya ndleve, we HOSI Xikwembu, u yingisa; pfula mahlo HOSI, u vona; yingisa marito lawa Senakeribi a ma rhumeleke ku ku sandza ha wona, wena Xikwembu lexi hanyaka.

Esaya 37:4

Kumbexana HOSI Xikwembu xa wena xi ma twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

Pisalema 68:11

N'wini wa hinkwaswo ú lo vulavula kunene, kutani ntshungu wa vavasati wu huwelela hi ku tsaka wu ku:

Genesa 21:33

Kutani Abrahama a byala murhi wa “tamarisiki” eBerexeba, a khongelela kona HOSI, xona Xikwembu lexi nga kona hilaha ku nga heriki.

1 TIHOSI 8:60

Hikokwalaho, vanhu hinkwavo va misava va ta tiva leswaku HOSI hi yona yi nga Xikwembu, a ku na xin'wana ehandle ka xona.

Pisalema 29:10

HOSI Xikwembu xi fuma swidziva swa mati, vuhosi bya xona byi nga ka byi nga heli.

Pisalema 68:8

misava a yi tsekatseka, matilo ma chulula mpfula emahlweni ka wena Xikwembu xa le Sinayi, emahlweni ka wena Xikwembu xa Israele.

Pisalema 90:2

Loko tintshava ti nga si va kona, ni loko u nga si tumbuluxa misava ni leswi nga ka yona, u vile Xikwembu, naswona wa ha ta va xona hilaha ku nga heriki.

Esaya 40:15

Eka HOSI Xikwembu, matiko ma fana ni thonsi ra mati leri humaka ekhuwanini, xi ma teka wonge mo va ritshuri leri weleke exikalwini; swihlala swona, xi swi vona swi fana ni ritshuri leri hahaka.

Esaya 65:16

Kutani loyi a lavaka ku katekisiwa etikweni, ú ta kombela minkateko eka mina Xikwembu xa ntiyiso, hambi a ri loyi a tibohaka hi ku hlambanya, ú ta hlambanya hi vito ra mina, hikuva ku xaniseka ka khale ku ta rivariwa, na mina a ndzi nga ha ku tsundzuki.”

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Yeremiya 4:24

Ndzi langutile etintshaveni, ndzi kuma leswaku a ti ri eku tsekatsekeni, ni swintshabyana hinkwaswo a swi ri karhi swi ninginika.

Yeremiya 50:46

Mpfumawulo wa ku hlaseriwa ka muti wa Babilona wu ta tsekatsekisa ni misava, ku rila ka vona ku ta twiwa ni le matikweni man'wana.”

Yeremiya 51:29

Misava ya rhurhumela, yi le maxangwini, hikuva makungu ya HOSI Xikwembu ehenhla ka Babilona ma tiyile swinene: Tiko ra Babilona, xi ta ri hundzula mananga, ku nga ha tshami munhu eka rona.

Yoxuwa 3:10

Kutani Yoxuwa a ku ka vona: “Mi ta swi tiva leswaku Xikwembu lexi hanyaka xi le xikarhi ka n'wina, naswona xi nga ka xi nga tsandzeki ku hlongola Vakanana, ni Vahiti, ni Vahivhi, ni Vaperesi, ni Vagirigaxi, ni Vaamori, ni Vayebusi, va suka emahlweni ka n'wina.

1 TIKRONIKA 29:11

Vukulu, ni matimba, ni ku twala, ni ku fuma, ni ku dzuneka, swi le ka wena we HOSI. Hinkwaswo leswi nga tilweni ni laha misaveni i swa wena. Hi wena la fumaka ni ku rhangela swilo hinkwaswo.

Pisalema 9:8

kutani yi fuma misava hi ku lulama, yi avanyisa vanhu hi ntiyiso.

Pisalema 74:12

We Xikwembu, u mufumi wa hina ku sukela khale, u hi ponisile ko tala laha misaveni.

Pisalema 76:8

U twarisa ku avanyisa ka wena u ri ehenhla tilweni, kutani vanhu hinkwavo va tshuka, va tsandzeka ni ku vulavula,

Pisalema 100:3

Tivani leswaku HOSI i Xikwembu, hi xona xi hi endleke, a hi lo tiendla. Hina hi vanhu va xona, ni tinyimpfu leti xi ti risaka.

Esaya 40:28

Xana a mi tivi nchumu, a mi twanga nchumu ke? HOSI Xikwembu, xona Xikwembu lexi nga kona hilaha ku nga heriki, lexi tumbuluxeke misava hinkwayo, a xi karhali, a xi heli ntamu, makungu ya xona, a ma tivi hi munhu.

Daniele 6:27

Xikwembu lexi xa ponisa ni ku lamulela, xi endla swikombiso ni mahlori etilweni ni la misaveni; hi xona xi lamuleleke Daniele etinghaleni ta matimba.”

Nahume 1:5

Tintshava ta ninginika, loko HOSI yi humelela, switsunga swa mbundzumuka; misava ya tsekatseka emahlweni ka yona, matiko ni vaaki va wona hinkwavo va rhurhumela.