Yeremiya 1:5 - BIBELE Mahungu Lamanene

⁵ “Ndzi ku tivile ndzi nga si ku vumba ekhwirini ra mana wa wena; ndzi ku hlawurile u nga si velekiwa, ndzi ku veka leswaku u va muprofeta wa vamatiko.”

Xitsonga (Bibele)

⁵ “Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

Yeremiya 1:5 Referans Kwoze

Pisalema 139:16

U ndzi vonile ndzi nga si va ni xivumbeko. Masiku lawa u nga ndzi lunghisela wona, u ma tsarile hinkwawo ebukwini ya wena na rin'we ra wona ri nga si va kona.

Esaya 49:1

Nandza wa HOSI Xikwembu ú ri: “N'wina vanhu va matiko ya le kule, rhiyani ndleve mi ndzi yingisa: HOSI Xikwembu xi ndzi vitanile ndza ha ri khwirini ra manana, xi ndzi thyile vito ndzi nga si velekiwa.

Varhoma 8:29

Hikuva lava xi va tiveke ka ha ri ku sunguleni, xi lulamisile ka ha ri khale leswaku va ta vonaka va ri lava fanaka ni N'wana wa xona, ni leswaku a va yena wa mativula exikarhi ka vamakwavo lavo tala.

Esaya 49:5

HOSI Xikwembu xi ndzi hlawurile ku va nandza wa xona ndza ha ri khwirini ra manana, leswaku ndzi ta tlherisela va ka Yakobo eka xona, ni leswaku Vaisraele va hlengeletiwa va vuya ka xona. Ndzi kumile tintswalo emahlweni ka HOSI Xikwembu xanga, hi xona matimba ya mina.

Esaya 44:2

Hi mina HOSI, loyi a mi endleke; mina muvumbi wa n'wina, ndzi mi pfunile ku sukela loko mi vile kona. Hikokwalaho n'wina va ka Yakobo malandza ya mina, mi nga chavi, ndzi mi hlawurile n'wina va ka Yexuruni.

Luka 1:41

Loko Elizabeta a twa ku xewetiwa hi Mariya, n'wana a tshuka-tshuka endzeni ka yena. Kutani Elizabeta a tala Moya lowo Kwetsima,

Luka 1:76

Na wena xihlangi, u ta vuriwa muprofeta wa Loyi-a-nge-henhla-henhla, hikuva u ta rhangela Hosi emahlweni ku lunghisa ndlela ya yona,

Eksoda 33:17

Kutani HOSI Xikwembu xi ku ka Muxe: “Mhaka leyi u yi kombelaka, ndzi ta yi endla, hikuva ndza ku tsakela, naswona ndza ku tiva swinene.”

Yeremiya 1:10

Namuntlha ndzi ku nyika matimba ya ku fuma matiko ni tihosi ta wona: U ta tsuvula, u wisela hansi, u mbundzumuxa, u herisela makumu, u aka, u tlhela u byala.”

Eksoda 33:12

Kutani Muxe a ku ka HOSI Xikwembu: “Vona, u te ka mina: ‘Fambisa vanhu lava!’ Kambe a wu ndzi kombanga loyi ndzi nga ta famba na yena; kasi u vurile hi wexe leswaku wa ndzi tiva swinene, ni leswaku wa ndzi tsakela.

Luka 1:15

hikuva ú ta va nkulukumba emahlweni ka Hosi; a nga ka a nga nwi vhinyo ni byalwa, kambe ú ta tala Moya lowo Kwetsima a nga si velekiwa.

Varhoma 1:1

Ku tsala mina Pawulo, nandza wa Kriste Yesu, muapostola loyi a nga hlawuriwa ni ku vitaniwa leswaku a ta twarisa Evhangeli ya Xikwembu.

Yeremiya 50:34

Kambe mukutsuri wa vona a nga tsekatseki, yena la vuriwaka HOSI ya matimba hinkwawo. Ú ta yima na vona a va lwela, leswaku tiko ra vona ri kuma ku rhula, kambe ú ta pfuxa mikitsikitsi exikarhi ka va le Babilona.”

Vaefesa 1:22

Kutani Xikwembu xi vekile hinkwaswo ehansi ka minkondzo ya Kriste, xi tlhela xi n'wi nyika eka Kereke, a ri nhloko ya hinkwaswo.

Yohane 10:36

Kutani ke, hikwalaho ka yini mi ku: ‘U sandza Xikwembu’, hi mhaka ya leswi ndzi nga te: ‘Ndzi N'wana wa Xikwembu’ xana? Kasi hi mina loyi Tatana a nga n'wi hlawula ni ku n'wi rhuma emisaveni.

1 Vakorinto 8:3

Kambe loko munhu a rhandza Xikwembu, ú tiviwa hi xona.

Pisalema 139:15

A wu tiva marhambu ya mina hinkwawo loko ndzi ri karhi ndzi vumbiwa exihundleni, ndzi hlanganisiwa endzeni ka mana wa mina.

Yeremiya 1:4

HOSI Xikwembu xi vulavula na mina xi ku:

Yeremiya 25:13

Hinkwaswo leswi ndzi swi vuleke ehenhla ka tiko ra Babilona, ni hinkwaswo leswi tsariweke ebukwini leyi, leswi Yeremiya a swi vuleke ehenhla ka vanhu va kona, ndzi ta vona leswaku swi humelela.

Yeremiya 36:2

“Teka buku, kutani u tsala eka yona marito hinkwawo lawa ndzi ku byeleke wona ehenhla ka Vaisraele ni va ka Yuda ni vanhu va tinxaka tin'wana hinkwato, ku sukela enkarhini wa ku fuma ka Yosiyasi ku ta fika namuntlha.

Yeremiya 20:15

A ku rhukaniwe munhu loyi a yiseke mahungu yo tsakisa eka tatana, a ku ka yena: “U kumile n'wana wa mufana!”