Yeremiya 1:3 - BIBELE Mahungu Lamanene

³ xi tlhela xi vulavula na yena enkarhini wa ku fuma ka Yoyakimi n'wana Yosiyasi, hosi ya le Yuda. Kutani xi vulavurile na yena ku fikela lembe ra vu-11 ra ku fuma ka Sedekiyasi n'wana Yosiyasi, hosi ya le Yuda, ri nga lembe leri vanhu va le Yerusalema va yisiweke evukhumbini ha rona, hi n'hweti ya vuntlhanu.

Xitsonga (Bibele)

³ ri va kona ni le mikarhini ya Yoyakimi, n'wana Yosiya, hosi ya Yuda, ku yisa eku heteleleni ka lembe ra khume na rin'we ra ku fuma ka Sedekiyasi, n'wana Yosiya, hosi ya Yuda, enkarhini lowu va Yerusalema va yisiwaka evukhumbini, hi n'hweti ya vuntlhanu.

Yeremiya 1:3 Referans Kwoze

Yeremiya 39:2

Kutani hi lembe ra vu-11 ra ku fuma ka Sedekiyasi, hi siku ra vu-9 ra n'hweti ya vumune, rirhangu ra muti ri boxiwa hi valala,

2 TIHOSI 23:34

Kutani Faro Neko a veka Eliyakimi n'wana Yosiyasi evuhosini bya tata wa yena; a hundzuluxa vito ra yena, a n'wi thya ra Yoyakimi. Kutani a teka Yowahazi, a n'wi yisa etikweni ra Egipta, laha a nga ya fela kona.

Zakariya 8:19

“Mina HOSI ya matimba hinkwawo, ndzi byela n'wina va le Yuda, ndzi ri: Masiku ya n'wina ya ku titsona swakudya, hi n'hweti ya vumune ni ya vuntlhanu ni ya vu-7 ni ya vukhume, ma ta hundzuka masiku ya ku tsaka ni ku cina, eminkhubyeni leyo saseka; hikokwalaho rhandzani ntiyiso ni ku rhula.”

Zakariya 7:5

leswaku ndzi ma fikisa eka vaaki hinkwavo va tiko ni ka vaprista, hi lawa: “Hi n'hweti ya vuntlhanu ni ya vu-7, emalembeni ya 70 lama hundzeke, loko mi rila ni ku titsona swakudya, a mi nga endleli mina!

Yeremiya 34:1

Siku rin'wana, Nebukadnetsara hosi ya Babilona a ta ni mavuthu ya yena hinkwawo ku ta hlasela muti wa Yerusalema, ni miti leyi nga kusuhi na wona; naswona a ta ni mavuthu ya matiko hinkwawo lama nga hansi ka yena. Kutani Yeremiya a rhwexiwa rito hi HOSI Xikwembu:

1 TIKRONIKA 3:15

Vana va Yosiyasi hi ku tlhandlamana ka vona hi lava: Yohanani, na Yoyakimi, na Sedekiyasi, na Xalumi; hinkwavo i mune.

2 TIHOSI 24:17

Kutani hosi ya le Babilona yi veka Mataniya ndzisana ya tata wa Yoyakini, leswaku a va hosi; a hundzuluxa vito ra yena, a n'wi thya ra Sedekiyasi.

Yeremiya 1:4

HOSI Xikwembu xi vulavula na mina xi ku:

Yeremiya 35:1

Enkarhini wa ku fuma ka Yoyakimi n'wana Yosiyasi hosi ya Yuda, HOSI Xikwembu xi ndzi rhwexa marito ya xona lama nge:

Yeremiya 36:2

“Teka buku, kutani u tsala eka yona marito hinkwawo lawa ndzi ku byeleke wona ehenhla ka Vaisraele ni va ka Yuda ni vanhu va tinxaka tin'wana hinkwato, ku sukela enkarhini wa ku fuma ka Yosiyasi ku ta fika namuntlha.