Yeremiya 1:19 - BIBELE Mahungu Lamanene

¹⁹ Va ta lwa na wena, kambe va ta tsandzeka ku ku hlula, hikuva mina HOSI ndzi ta va na wena ndzi ku lamulela.”

Xitsonga (Bibele)

¹⁹ Va ta lwa na wena, kambe va nga ka va nga ku hluri, hikuva ndzi na wena ku ku lwela,” ku vula Yehovha.

Yeremiya 1:19 Referans Kwoze

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Yeremiya 1:8

U nga tshuki u va chava, hikuva ndzi ta va na wena ndzi ku sirhelela. Ndzi vula sweswo mina HOSI.”

Yeremiya 20:11

Kambe HOSI Xikwembu xi na mina kukota nhenha ya matimba, hi xona xi nga ta wisa lava va ndzi xanisaka, va nga ka va nga ndzi hluri. Va ta tlhela ni tingana, va nge humeleli, ku nyumisiwa ka vona a ku nga ha rivariwi ni siku ni rin'we.

Pisalema 129:2

va hi xanisile ku tlula mpimo hakunene, kambe a va hi hlulanga.

Yeremiya 11:19

Khale a ndzi fana ni xinyimpfana lexi yisiwaka eku tlhaviweni xi nga tivi nchumu; a ndzi nga swi tivi leswaku ku ni lava va ndzi tshamaka xikungu va lava ku ndzi dlaya. A va ku: “Hi ta lovisa murhi lowu ni mihandzu ya wona, hi ta wu tsema wu suka emisaveni ya lava hanyaka, vito ra wona ri nga ha tsundzukiwi hi munhu!”

Timhaka 26:17

ndzi ta ku ponisa emavokweni ya vanhu va tiko leri ni ya vamatiko lava ndzi ku rhumelaka eka vona;

Tinhlayo 14:9

Ntsena mi nga tshuki mi fularhela HOSI Xikwembu, naswona mi nga va chavi vanhu va tiko leriya, hikuva hi ta va hlula hi ku olova; swikwembu swa vona leswi a swi va sirhelela swi fambile, kasi HOSI Xikwembu xona xi na hina, kutani mi nga va chavi!”

Yeremiya 1:18

Kutani namuntlha ndzi ta ku endla khokholo, ndzi ku tiyisa u va phuphu ya nsimbhi ni khumbi ra koporo, leswaku u tisirhelela eka tiko hinkwaro, ku nga tihosi ta Yuda, ni tindhuna, ni vaprista, ni vaaki hinkwayo va tiko.

Yeremiya 2:1

Kutani HOSI Xikwembu xi vulavula na mina, xi ku:

Yeremiya 30:11

Mina HOSI ndzi ri, ndzi na wena, kutani ndzi ta ku ponisa; ndzi ta herisa vamatiko hinkwavo lava ndzi mi hangalaseleke exikarhi ka vona. Loko a ri n'wina, a ndzi nga tshiki ku mi ba, kambe a ndzi nga tluli mpimo; ndzi nga ka ndzi nga mi herisi.”

Yeremiya 42:11

Hosi ya Babilona leyi a yi mi chavisa, mi nga ha yi chavi. Mina HOSI ndzi ri, mi nga ha yi chavi, hikuva ndzi na n'wina, ndzi ta mi lwela ni ku mi kutsula emavokweni ya yona.

Yeremiya 46:28

Ina u nga chavi wena Yakobo nandza wa mina, hikuva ndzi na wena, ku vula mina HOSI. Ndzi ta herisa vamatiko hinkwavo, lava ndzi mi hangalaseke exikarhi ka vona. N'wina, a ndzi nga tshiki ku mi ba, kambe a swi nga tluli mpimo; ndzi nga ka ndzi nga mi herisi.”

Daniele 3:25

Nebukadnetsara a ku: “Kambe sweswi, ndzi vona vavanuna va mune, naswona a va bohiwanga, va tifamba-fambela exikarhi ka ndzilo, kambe a va tshwi; wanuna lowa vumune, ú fana na xin'wana xa swikwembu.”

Yeremiya 11:21

Kutani HOSI Xikwembu xi humesa rito ehenhla ka vanhu va muti wa Anatoto lava a va ndzi arisa ku vulavula hi vito ra xona, va ku va ta ndzi dlaya.

Yeremiya 18:18

Kutani vanhu va byelana va ku: “Tanani hi endla makungu ya ku lwa na Yeremiya. Vaprista lava nga ta hi byela nawu, va ha ta va kona; vanhu vo tlhariha lava nga ta hi tsundzuxa, hambi vaprofeta lava nga ta hi byela mahungu, na vona va ha ta va kona! Tanani hi n'wi tlhava hi marito, hi nga yingisi nchumu eka leswi a swi vulaka.”

Yeremiya 20:10

Ndzi twa lava hlevetelaka va ku: “Muchavisi-matlhelo-hinkwawo, hi loyi! A hi n'wi mangaleleni eka tihosi!” Lava vulaka sweswo i vanghana va mina, hinkwavo va langutele ku wa ka mina, va ku: “Kumbexana ú ta phasiwa, kutani hi ta kota ku n'wi hlula, hi tirihisela eka yena.”

Yeremiya 26:8

Kutani loko a hetile ku vula hinkwaswo leswi HOSI Xikwembu xi n'wi leriseke ku ya tivisa vanhu hinkwavo, vaprista ni vaprofeta ni ntshungu hinkwawo va n'wi khoma va ku: “U fanele ku fa!

Yeremiya 39:17

Kambe loko a ri wena, mina HOSI ndzi ri, a ndzi nga ku nyiketi emavokweni ya lava u va chavaka,