Yeremiya 1:18 - BIBELE Mahungu Lamanene

¹⁸ Kutani namuntlha ndzi ta ku endla khokholo, ndzi ku tiyisa u va phuphu ya nsimbhi ni khumbi ra koporo, leswaku u tisirhelela eka tiko hinkwaro, ku nga tihosi ta Yuda, ni tindhuna, ni vaprista, ni vaaki hinkwayo va tiko.

Xitsonga (Bibele)

¹⁸ Languta, namuntlha, mina ndzi ku endla muti wa khokholo, ni mhandze ya nsimbhi, ni rirhangu ra koporo emahlweni ka tiko hinkwaro, ni le mahlweni ka tihosi ta Yuda, ni le mahlweni ka vakulukumba va kona, ni le mahlweni ka vaprista va kona, ni le mahlweni ka vanhu va tiko.

Yeremiya 1:18 Referans Kwoze

Esaya 50:7

A ndzi kalanga ndzi hela ntamu, hikuva HOSI N'wini wa hinkwaswo wa ndzi pfuna, ndzi yimile ndzi ku, tsétsérhèlè! Ndza swi tiva leswaku ndzi nge khomiwi hi tingana ni siku ni rin'we,

Yeremiya 15:20

Emahlweni ka vanhu lava, ndzi ta ku endla khokholo, rirhangu lero tiya ra koporo. Va ta lwa na wena, kambe va nga ka va nga ku hluri, hikuva ndzi ta va na wena, ndzi ku ntshunxa ndzi ku ponisa, ku vula mina HOSI.

Yeremiya 6:27

HOSI Xikwembu xi ku ka Yeremiya: “Ndzi ku hlawurile leswaku u kambela vanhu va mina; u nga chavi nchumu: Kambela mahanyelo ya vona u ma tiva!

Yeremiya 37:7

“Hlamula hosi ya Yuda, ni vanhu lava yi va rhumeke ku vutisa ku rhandza ka mina, u va byela leswaku mina HOSI Xikwembu xa Israele ndzi ni rito eka vona leri nge: ‘Yingisani! Mavuthu ya hosi Faro lawa a ma ta ku ta mi pfuna, sweswi ma le ku mukeni ma tlhelela le Egipta etikweni ra wona.

Yeremiya 38:2

a wu byela marito ya HOSI Xikwembu lama nge: “Lava nga ta sala emutini lowu va ta dlawa hi matlhari ni tindlala ni mintungu. Kambe lava humaka va ya tinyiketa eka Vakalediya va nge dlayiwi, va ta ponisa vutomi bya vona.

Yeremiya 42:22

Hikokwalaho swi tiveni namuntlha leswaku mi ta dlawa hi matlhari ni tindlala ni mintungu, mi fela endhawini leyi mi navelaka ku ya tshama eka yona.”

Yeremiya 34:3

Wena Sedekiyasi u nga ka u nga chupuki emavokweni ya hosi ya Babilona; hakunene u ta khomiwa, u nyiketiwa eka yona; yi ta ku tengisa hi yoxe, yi ku langutile. Kutani u ta yisiwa eBabilona.

Yeremiya 21:4

marito ya HOSI Xikwembu xa Israele lawa ya nge: ‘Yingisani! Mavuthu ya n'wina lama lwaka ni hosi ya Babilona ni Vakalediya, ma karhi ma susumetiwa hi valala emahlweni ka rirhangu ra muti. Mavuthu lawa ndzi ta ma sindzisa ku tsutsuma ma fularhela valala, ma vuyela emutini.

Yohane 1:42

A n'wi yisa eka Yesu. Loko Yesu a n'wi langutile, a ku: “U Simoni, n'wana Yohane; u ta thyiwa Kefasi” (hileswaku Petro, Ribye).

Yeremiya 38:18

Kambe loko u ala ku ya tinyiketa eka tindhuna ta hosi ya le Babilona, muti wa Yerusalema wu ta wela emavokweni ya Vakalediya; va ta wu hisa, kutani na wena a wu nga phonyoki emavokweni ya vona.”

Nhlavutelo 3:12

Loyi a hlulaka, ndzi ta n'wi endla mhandze leyikulu eTempeleni ya Xikwembu xa mina, kutani a nga ka a nga humesiwi eka yona. Ndzi ta tsala ehenhla ka yena vito ra Xikwembu xa mina, ni vito ra muti wa Xikwembu xa mina, wu nga Yerusalema lowuntshwa lowu xikaka hi le tilweni wu huma eka Xikwembu xa mina; ndzi ta tsala ni vito lerintshwa ra mina ehenhla ka yena.

Yeremiya 1:17

“Wena Yeremiya, tilulamise! Suka u yima, u ya va byela hinkwaswo leswi ndzi ku lerisaka swona. U nga va chavi, hikuva loko wo va chava, a ndzi nga ku pfuni.

Yeremiya 1:19

Va ta lwa na wena, kambe va ta tsandzeka ku ku hlula, hikuva mina HOSI ndzi ta va na wena ndzi ku lamulela.”

Yeremiya 15:10

We manana, xana u ndzi velekele yini xana? Vanhu hinkwavo etikweni va lwa na mina, va ndzi venga. A ndzi va lombanga nchumu kumbe ku kombela leswaku va ndzi lomba, kambe hinkwavo va le ku ndzi sandzeni!

Yeremiya 26:24

Ahikama n'wana Xafani a sirhelela muprofeta Yeremiya leswaku a nga nyiketiwi emavokweni ya ntshungu, kutani hi ndlela leyi muprofeta a pona ku dlawa.

Yeremiya 20:11

Kambe HOSI Xikwembu xi na mina kukota nhenha ya matimba, hi xona xi nga ta wisa lava va ndzi xanisaka, va nga ka va nga ndzi hluri. Va ta tlhela ni tingana, va nge humeleli, ku nyumisiwa ka vona a ku nga ha rivariwi ni siku ni rin'we.