Yeremiya 1:17 - BIBELE Mahungu Lamanene

¹⁷ “Wena Yeremiya, tilulamise! Suka u yima, u ya va byela hinkwaswo leswi ndzi ku lerisaka swona. U nga va chavi, hikuva loko wo va chava, a ndzi nga ku pfuni.

Xitsonga (Bibele)

¹⁷ Wena-ke, tibohe xisuti, u yima, u va byela hinkwaswo leswi ndzi nga ta ku lerisa swona; u nga chavi emahlweni ka vona, ndzi nga ti tshuka ndzi ku chavisa emahlweni ka vona.

Yeremiya 1:17 Referans Kwoze

1 TIHOSI 18:46

Eliya a khomiwa hi matimba ya HOSI Xikwembu; a tikhama, a rhangela Akabu hi ku tsutsuma ku ya fika enyangweni ya muti wa Yizriele.

1 Petro 1:13

Hikokwalaho, pfukani emiehleketweni! Tikhomeni! Vekani ku tshemba ka n'wina hinkwako ehenhla ka tintswalo leti mi nga ta kombiwa tona, siku Yesu Kriste a nga ta humelela.

Luka 12:35

“Tshamani mi tikhamile, ni timboni ta n'wina a ti lumekiwe,

Yeremiya 23:28

Munhu loyi a lorhaka, n'wi tshikeni a hlamusela milorho ya yena! Kambe muprofeta loyi mina ndzi n'wi rhumeke, a a hlamusele marito ya mina hi ku tshembeka, kutani mi ta vona ku tiya ka mhaka leyi nge: ‘Mungu ni mavele a swi hlangani!’

Eksoda 7:2

Wena u ta vula hinkwaswo leswi ndzi nga ta ku lerisa swona, kutani makwenu Aroni yena ú ta byela Faro leswaku a tshika Vaisraele va huma etikweni ra yena.

Ntirho 38:3

Tilulamise, u yima kukota wanuna, ndzi ta ku vutisa timhaka, wena u ndzi hlamusela tona!

Timhaka 20:27

hikuva a ndzi mi fihlelanga makungu ya Xikwembu kambe ndzi mi tivisile wona hinkwawo.

Timhaka 20:20

Ma swi tiva leswaku a ndzi mi fihlelanga nchumu xa leswi swi fanelaka ku mi pfuna, ndzi ri karhi ndzi mi tivisa Rito ni ku mi dyondzisa erivaleni ni le mindyangwini ya n'wina.

Eksoda 3:12

Kutani Xikwembu xi ku ka yena: “Ndzi ta va na wena; xikombiso xa leswaku ndzi ku rhumile xi ta va lexi: Loko u humesile vanhu va Israele etikweni ra Egipta, mi ta ndzi gandzela entshaveni leyi.”

1 Vakorinto 9:16

Loko ndzi twarisa Mahungu Lamanene, a hi leswi ndzi nga tidzunisaka ha swona, hikuva swa ndzi boha ku ma twarisa; ndzi ta va ni khombo loko ndzi nga twarisi Mahungu Lamanene!

Yonasi 3:2

“Suka u ya eNinivha, emutini lowukulu lowuya, u ya va tshinya hi marito lawa ndzi nga ku byela wona.”

Yeremiya 17:18

Lava va ndzi xanisaka a va khome hi tingana, kambe mina u nga ndzi nyumisi; chavisa vanhu lava, mina ndzi nga chavisiwi hi nchumu; va tisele nkarhi wa makhombo, u va heta matimba u vuyelela!

2 TIHOSI 4:29

Kavaloko Elixa a lerisa Gehazi, a ku: “Tikhame, u teka nhonga ya mina ya vuprofeta, u kahlula. Loko u tshuka u hlangana ni munhu endleleni, u nga n'wi xeweti; niloko munhu a ku xeweta, u nga hlamuli. Kutani u ya tlhandleka nhonga ya mina exikandzeni xa n'wana.”

1 Vatesalonika 2:2

Hambiloko hi rhange hi xanisiwa ni ku rhuketeriwa le Filipiya, hilaha mi swi tivaka hakona, Xikwembu xa hina xi hi nyikile matimba yo mi tivisa Evhangeli leyi humaka eka xona, hambileswi lavo tala a va ri karhi va lwa na yona.

2 TIHOSI 9:1

Endzhaku ka sweswo, muprofeta Elixa a vitana un'wana wa vadyondzisiwa va vaprofeta, a ku ka yena: “Khoma ndlela, u kongoma eRamoto-Giliyadi, u ri ni rimhondzo leri ra mafurha.

2 TIHOSI 1:15

Kavaloko ntsumi ya HOSI Xikwembu yi vulavula na Eliya, yi ku: “Rhelela na yena, u nga n'wi chavi.” Eliya a suka a rhelela ni ndhuna va ya eka hosi Ahaziya.

Yeremiya 1:18

Kutani namuntlha ndzi ta ku endla khokholo, ndzi ku tiyisa u va phuphu ya nsimbhi ni khumbi ra koporo, leswaku u tisirhelela eka tiko hinkwaro, ku nga tihosi ta Yuda, ni tindhuna, ni vaprista, ni vaaki hinkwayo va tiko.

Yeremiya 26:2

“Yima exivaveni xa Tempele laha vanhu hinkwavo va ka Yuda va taka ku ta khongela, u va tivisa timhaka hinkwato leti ndzi ku lerisaka tona; u nga va fihleli nchumu!

Yeremiya 26:12

Kutani Yeremiya a hlamula varhangeri hinkwavo ni ntshungu, a ku: “I HOSI Xikwembu lexi xi ndzi rhumeke ku vula marito hinkwawo lawa mi ma tweke, lama kongomaka Tempele leyi ni muti lowu.

Yeremiya 36:8

Hiloko Baruku n'wana Neriya a endla hinkwaswo leswi muprofeta Yeremiya a n'wi leriseke swona, a ya eTempeleni ku ya hlaya marito ya HOSI Xikwembu lawa a ma tsaleke ebukwini.

Swirilo 3:57

Siku ndzi ku vitaneke, u tile kusuhi na mina, u ku: ‘U nga chavi!’