Yeremiya 1:14 - BIBELE Mahungu Lamanene

¹⁴ Hiloko HOSI Xikwembu xi ku ka mina: “Vaaki hinkwavo va tiko leri, ndzi ta va vangela khombo ri ta hi le n'walungwini.

Xitsonga (Bibele)

¹⁴ Yehovha a ku eka mina: “Khombo leri taka ehenhla ka vaaki hinkwavo va misava ri ta huma etlhelo ra n'walungu.

Yeremiya 1:14 Referans Kwoze

Yeremiya 10:22

Yingisani huwa! Ku ni vanhu lava taka, va huma en'walungwini, va tsekatsekisa misava; miti ya Yuda yi ta hundzuka marhumbi ni bako ra timhungubye.

Yeremiya 6:1

N'wina va ka Benjamini, humani emutini wa Yerusalema, tsutsumani mi ya tumbela. Banani mhalamhala mi ri eTekowa, tshivelani ndzilo wa xitsundzuxo le Beta-Hakereme, hikuva valala va ta hi le n'walungwini, va tela ku ta onhetela hinkwaswo.

Yeremiya 4:6

Yimisani mujeko mi kongoma eSiyoni, tsutsumani mi ya tumbela, mi nga yimi laha mi nga kona, hikuva HOSI Xikwembu xi le ku tiseni ka khombo lerikulu, leri nga ta ta hi le n'walungwini ri onha leswo tala.

Esaya 41:25

“Ndzi vitanile munhu un'wana, a huma en'walungwini, kutani ú tile; ndzi n'wi vitanile a ri evuxeni, kutani ú ta ndzi khongela; ú ta kandziyela tihosi ku fana ni ndzhope, kumbe vumba lebyi pfuviwaka hi muvumbi wa timbita.

Ezekiele 1:4

Ndzi languta, kutani ndzi vona xihuhuri lexi humaka en'walungwini, xi ta ni papa lerikulu leri rhendzeriweke hi ku vonakala, ndzi vona ni ndzilo lowu vuvumelaka; exikarhi ka wona a ku vonaka xilo lexi vangamaka kukota koporo,

Yeremiya 50:41

Vonani! Vanhu va ta, va huma n'walungwini. Ntshungu lowu wu ta ni tihosi ta wona hinkwato, wu hlomile matlhari wu huma evugimamusi.

Yeremiya 50:9

Mina HOSI ndzi le ku tiseni ka ntlawa lowukulu wa vanhu lava humaka ematikweni ya le n'walungwini; va ta ta va xaxamerile, va lwa ni muti wa Babilona va wu teka. Miseve ya vona a yi hupi ni siku ni rin'we, tinhenha ta vona a ti vuyi ximandla-mandla!

Yeremiya 46:20

“Vaegipta va fana ni thokazi lero saseka, kambe bawa ro huma en'walungwini ri va terile.

Yeremiya 31:8

Ndzi ta va vuyisa va suka etikweni ra le n'walungwini, ndzi ta va hlengeleta va huma evugimamusi; exikarhi ka vona, ku ta va ni lavo-fe-mahlo ni swilema, vamanana lava tikeke ni vatswedyana, va ta vuya haleno va ri ntshungu lowukulu.

Yeremiya 6:22

HOSI Xikwembu xi ri: “Vonani! Ku ta vanhu hi le n'walungwini; ntshungu lowu wu hlomile matlhari, wu huma evugimamusi.

Esaya 14:31

N'wina mi nga tinyangweni, banani nkalanga, kalakalani, n'wina mi nga mitini. Vafilista, rhurhumelani hinkwenu, hikuva lava taka va le ku tuvikiseni ka musi en'walungwini, exikarhi ka vona a ku na toya.”

Yeremiya 11:17

N'wina Vaisraele na n'wina va ka Yuda, mi simekiwile hi mina, kambe sweswi ndzi ta mi vangela khombo mina HOSI, hikuva mi ndzi karihisile hi ku hisela swikwembu swa Baali emirhi ya risuna.”

Yeremiya 47:2

HOSI Xikwembu xi vurisa sweswo xi ri: “Langutani! Mati ma ta ma huma en'walungwini, ma hobomulana kukota nambu lowu taleke, ma khukhula tiko ni swa rona hinkwaswo, ma funengeta miti ni vaaki va yona. Vanhu hinkwavo lava akeke etikweni rero va ta ba nkalanga va huwelela.

Ezekiele 24:3

Vanhu lava vo sihalala, va byele xifaniso, u va tivisa leswaku mina HOSI N'wini wa hinkwaswo ndzi ku lerisile hi marito lawa ya nge: “ ‘Teka mbita u yi tseleka exitikweni, u yi tata hi mati.

Yuwele 2:20

“Lava taka hi le n'walungwini, ndzi ta va hlongola va ya kule na n'wina, ndzi ta va yisa emananga, etikweni leri omeke swinene. Lava rhangeke emahlweni, ndzi ta va byisela eLwandle-ra-ku-fa, lava saleke endzhaku ka vona, ndzi ta va nghenisa eLwandle-ra-Mediteraniya. Mintsumbu ya vona yi ta nun'hwa yi ku ngù-ngù-ngù, hikuva va mi hoxele ngopfu.

Zakariya 6:6

Kalichi leyi nga ni tihanci ta ntima yi kongoma etikweni ra le n'walungwini; leyi nga ni tihanci to basa, yi landza leyo sungula hi le ndzhaku; leyi nga ni tihanci ta mavalavala yona yi kongoma edzongeni.”

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.