Yeremiya 1:13 - BIBELE Mahungu Lamanene

¹³ Kutani HOSI Xikwembu xi engeta xi vulavula na mina, xi ku: “U vona yini xana?” Ndzi hlamula ndzi ku: “Ndzi vona mbita leyi vilaka en'walungwini, yi voyamerile haleno dzongeni.”

Xitsonga (Bibele)

¹³ Rito ra Yehovha ri ta eka mina ra vumbirhi, ri ku: “U vona yini?” Ndzi ku: “Ndzi vona mbita leyi vilaka, kambe nomu wa yona wu le tlhelo ra n'walungu.”

Yeremiya 1:13 Referans Kwoze

Ezekiele 11:7

Hikokwalaho mina HOSI N'wini wa hinkwaswo ndzi ri, muti lowu i mbita hakunene, kambe yi tele hi vanhu lava mi va dlayeke; hikokwalaho mi ta humesiwa eka yona.

Ezekiele 11:3

Va ri: ‘A hi wona nkarhi wa ku tikarhata hi aka tindlu; muti lowu i mbita ya hina, hina hi nyama ya kona leyinene!’

Zakariya 4:2

Kutani yi ndzi vutisa yi ku: “Xana u vona yini xana?” Mina ndzi ku: “Ndzi vona xitlhoma-timboni lexi endliweke hi nsuku ntsena; ehenhla ka xona ku ni nkambana wa mafurha, ni timboni ta 7 leti tlhomiweke enon'weni wa nkambana; kutani rivoni rin'wana ni rin'wana na rona ri ni milomo ya 7.

Genesa 41:32

Leswi u lorheke mhaka leyi kambirhi we hosi Faro, swi komba leswaku yi lulamisiwile hi Xikwembu, naswona xi ta endla leswaku yi hatla yi humelela.

Yeremiya 24:3

Kutani HOSI Xikwembu xi ndzi vutisa xi ku: “We Yeremiya, xana u vona yini?” Kutani ndzi hlamula ndzi ku: “Ndzi vona makuwa layo saseka swinene, ndzi vona ni lama boleke, lawa ku nga riki na munhu loyi a nga navelaka ku ma dya!”

Esaya 55:11

Swi ta va tano ni rito leri humaka enon'wini wa mina: Ri nge vuyeli ka mina ri nga tirhanga nchumu; ri ta endla ku rhandza ka mina, ri hetisisa ni makungu ya mina.

Ezekiele 12:28

Hikokwalaho va byele leswaku mina HOSI ndzi ri, a ku na rito ni rin'we ra mina leri nga ta hlwela ku humelela. Leswi ndzi nga ta swi vula, swi ta endleka! Ndzi vula sweswo mina HOSI N'wini wa hinkwaswo.”

Amosi 8:2

Kutani HOSI yi ku: “Amosi, u vona yini xana?” Mina ndzi ku: “Ndzi vona xirhundzu xa mihandzu leyi vupfeke.” Hiloko xi ku ka mina: “Vanhu va mina va Israele va vupfile, va ta herisiwa, ndzi nga ka ndzi nga va tsetseleli ni siku ni rin'we.