Yeremiya 1:11 - BIBELE Mahungu Lamanene

¹¹ HOSI Xikwembu xi vulavula na mina, xi ku: “We Yeremiya, xana u vona yini?” Ndzi hlamula ndzi ku: “Ndzi vona xirhabyana xa murhi wo hatla ku hluka wa alimondi.”

Xitsonga (Bibele)

¹¹ Kambe rito ra Yehovha ri ta eka mina, ri ku: “U vona yini, Yeremiya?” Ndzi ku: “Ndzi vona rhavi ra murhi wa alimondi.”

Yeremiya 1:11 Referans Kwoze

Amosi 7:8

Kutani a ku ka mina: “Amosi, u vona yini xana?” Ndzi hlamula ndzi ku: “Ndzi vona ngoti yo pima hi yona.” Kutani N'wini wa hinkwaswo a ku: “Hi ngoti leyi, ndzi lava ku pima vanhu va mina va Israele. Ndzi nga ka ndzi nga va tsetseleli, ni siku ni rin'we!

Amosi 8:2

Kutani HOSI yi ku: “Amosi, u vona yini xana?” Mina ndzi ku: “Ndzi vona xirhundzu xa mihandzu leyi vupfeke.” Hiloko xi ku ka mina: “Vanhu va mina va Israele va vupfile, va ta herisiwa, ndzi nga ka ndzi nga va tsetseleli ni siku ni rin'we.

Zakariya 5:2

Kutani ntsumi yi ku ka mina: “U vona yini xana?” Ndzi hlamula ndzi ku: “Ndzi vona buku leyi hahaka empfhukeni; ku leha ka yona ku ringana 10 m, ku anama ka yona ku ringana 5 m.”

Zakariya 4:2

Kutani yi ndzi vutisa yi ku: “Xana u vona yini xana?” Mina ndzi ku: “Ndzi vona xitlhoma-timboni lexi endliweke hi nsuku ntsena; ehenhla ka xona ku ni nkambana wa mafurha, ni timboni ta 7 leti tlhomiweke enon'weni wa nkambana; kutani rivoni rin'wana ni rin'wana na rona ri ni milomo ya 7.

Yeremiya 24:3

Kutani HOSI Xikwembu xi ndzi vutisa xi ku: “We Yeremiya, xana u vona yini?” Kutani ndzi hlamula ndzi ku: “Ndzi vona makuwa layo saseka swinene, ndzi vona ni lama boleke, lawa ku nga riki na munhu loyi a nga navelaka ku ma dya!”

Tinhlayo 17:8

Hi siku leri tlhandlamaka, loko Muxe a ya nghena eka Ntsonga lowu nga ni Areka ya Ntwanano a kuma leswaku nhonga ya Aroni leyi yimelaka va ka Levhi, yi hlukile yi baleka swiluva, yi va ni mihandzu leyi vupfeke ya “alimondi”.

Ezekiele 7:10

“Vonani nkarhi wa ta, ni sweswi wu fikile, nkarhi wa ku herisiwa ka Vaisraele, hikuva va tsakela ngopfu ku xanisa van'wana, ni ku tikurisa ka vona ku ya ku engeteleka.

Genesa 30:37

Kutani Yakobo a tsema minkhavi ya murhi wa nsihani ni wa “alimondi” ni wa xirhombe-rhombe, a yi kwamula byewu, a siya minkhwati-nkhwati yo basa.

Esaya 55:11

Swi ta va tano ni rito leri humaka enon'wini wa mina: Ri nge vuyeli ka mina ri nga tirhanga nchumu; ri ta endla ku rhandza ka mina, ri hetisisa ni makungu ya mina.

Ezekiele 12:25

Leswi ndzi nga ta swi vula mina HOSI swi ta endleka. A swi nga ha hlweli, swi ta humelela enkarhini wa n'wina vatiarisi. Ndzi ta vulavula ndzi tlhela ndzi endla, ku vula mina HOSI N'wini wa hinkwaswo.”

Ezekiele 12:28

Hikokwalaho va byele leswaku mina HOSI ndzi ri, a ku na rito ni rin'we ra mina leri nga ta hlwela ku humelela. Leswi ndzi nga ta swi vula, swi ta endleka! Ndzi vula sweswo mina HOSI N'wini wa hinkwaswo.”