Yeremiya 1:1 - BIBELE Mahungu Lamanene

¹ Leyi i buku ya timhaka ta Yeremiya n'wana Hilkiya. Yeremiya a a ri un'wana wa vaprista lava tshamaka emutini wa Anatoto, etikweni ra Benjamini.

Xitsonga (Bibele)

¹ Marito ya Yeremiya, n'wana Hilkiya, un'wana wa vaprista va Anatoto, etikweni ra Benjamini.

Yeremiya 1:1 Referans Kwoze

Ezekiele 1:3

Kutani kwale ribuweni ra nambu wa Kebara etikweni ra Vakalediya, HOSI Xikwembu xi vulavula na mina muprista Ezekiele n'wana Buzi, xi ndzi khoma hi matimba ya xona.

Yeremiya 11:21

Kutani HOSI Xikwembu xi humesa rito ehenhla ka vanhu va muti wa Anatoto lava a va ndzi arisa ku vulavula hi vito ra xona, va ku va ta ndzi dlaya.

2 TIKRONIKA 36:21

a ku ri kona ku hetiseka ka marito ya HOSI Xikwembu lawa xi ma vuleke hi nomo wa muprofeta Yeremiya, lama nge: “Tiko ri ta hundzuka mananga ku ringana malembe ya 70, masimu ma hundzuka mafusi, ku siva malembe hinkwawo ya Savata lawa ma nga hlayisiwangiki.”

1 TIKRONIKA 6:60

Exikarhi ka vanhu va nyimba ya ka Benjamini, ku humile miti leyi ni madyelo ya yona ya swifuwo: Geba, na Alemete, na Anatoto. Miti hinkwayo leyi yi nyikiweke mindyangu ya va ka Kohata i 13.

Amosi 7:10

Kutani Amasiya, muprista wa le Betele, a yisa rito eka hosi Yerobuwamu, leri nge: “Amosi ú famba a kucetela vanhu va Israele leswaku va hambana na wena; hinkwaswo leswi a swi vulaka, tiko a ra ha lavi ku swi twa!

Amosi 1:1

Lawa i marito ya Amosi, un'wana wa vafuwi va tinyimpfu emutini wa Tekowa. Xikwembu xi n'wi tivisile wona hi xivono malembe mambirhi ku nga si va ni ku tsekatseka ka misava, leswaku a ya tshinya Israele; enkarhini lowu, tiko ra Yuda a ri fumiwa hi hosi Uziya, ra Israele a ri fumiwa hi hosi Yerobuwamu n'wana Yowasi.

Esaya 1:1

Buku leyi i ya swivono leswi Esaya n'wana Amotsi a swi voneke eminkarhini ya Uziya, na Yotamu, na Akazi, na Hezekiya, tihosi ta Yuda. Swivono leswi swi kongoma tiko ra Yuda ni muti wa Yerusalema.

Esaya 2:1

Lawa i marito lama fikeke eka Esaya n'wana Amotsi hi xivono; marito ya kona ma kongoma tiko ra Yuda ni muti wa Yerusalema.

Matewu 2:17

Kwalaho ke ku hetiseka leswi vuriweke hi muprofeta Yeremiya, loko a te:

Matewu 16:14

Va ku: “Van'wana va ri, u Yohane Mukhuvuri; van'wana va ri, hi we Eliya; van'wana va ri, hi we Yeremiya, kumbe un'wana wa vaprofeta.”

Matewu 27:9

Hi laha ku hetisekeke leswi vuriweke hi muprofeta Yeremiya, loko a te: “Va tekile mali yo ringana tisilivhere ta 30, yi nga nhlayo leyi vanhu va Israele a va pimile leswaku munhu wa kona ú ta xaviwa ha yona,

1 TIHOSI 2:26

Loko a ri muprista Abiyatara, hosi Solomoni a n'wi lerisa a ku: “Famba emasin'wini ya wena le Anatoto. U faneriwa hi rifu, kambe a ndzi nga ku dlayi sweswi, hikuva ú rhwarile Areka ya HOSI N'wini wanga emahlweni ka Davhida tata wa mina; u xanisekile swin'we na yena emaxangwini ya yena hinkwawo.”

2 TIKRONIKA 35:25

Muprofeta Yeremiya na yena a suma risimu ra xirilo a rila Yosiyasi. Naswona vayimbeleri hinkwavo va xinuna ni va xisati va ha rila Yosiyasi ni namuntlha hi tinsimu ta vona, hikuva ti hundzukile ntolovelo exikarhi ka Vaisraele, ti tsariwile ni le ka “Buku ya Swirilo”.

2 TIKRONIKA 36:12

A endla leswo biha emahlweni ka HOSI Xikwembu xa yena, a ala ku titsongahata loko muprofeta Yeremiya a n'wi tshinya hi vito ra HOSI Xikwembu.

Ezra 1:1

Hi lembe ro sungula ra ku fuma ka Korexe hosi ya Vaperesi, HOSI Xikwembu xi hetisisa marito ya xona lama vuriweke hi muprofeta Yeremiya, xi nyika Korexe miehleketo yo veka nawu ematikweni ya yena hinkwawo, wu tlhela wu tsariwa kunene; nawu wa kona hi lowu:

Esaya 10:30

N'we vanhu va Galimi, tlhavani mukhosi! Rhiyani ndleve, n'we va le Layixa! N'wina va le Anatoto, hlamulani!

Yeremiya 29:27

Hikwalaho ka yini u nga tshinyanga Yeremiya wa le Anatoto, loko a vulavula na wena, xana?

Daniele 9:2

mina Daniele a ndzi ri eku hlayeni ka Matsalwa, ndzi anakanya ta malembe ya 70 lawa muti wa Yerusalema wu fanelaka ku tshama wu ri rhumbi, hilaha HOSI Xikwembu xi byeleke muprofeta Yeremiya hakona.

Ezra 2:23

va le Anatoto i 128;

Yeremiya 30:1

HOSI Xikwembu xi vulavula na Yeremiya, xi ku:

Yeremiya 37:12

Yeremiya a ringeta ku huma emutini, a ya etikweni ra ka Benjamini ku ya lulamisa ni va ka vona timhaka ta ndzhaka ya yena.