Yakobo 5:3 - BIBELE Mahungu Lamanene

³ Nsuku ni silivhere ya n'wina swi kurhile, kutani ku kurha ka swona ku ta veka vumbhoni lebyi nga ta lwa na n'wina, ku dya tinyama ta n'wina ku fana ni ndzilo. Mi hlengeletile xuma enkarhini lowu masiku ya makumu ma fikeke.

Testamente Leyimpsha Xichangana

³ Golidi ni silivhere ya n'wina svikurhile, kutani kukurha ka svona kutaveka vumboni lebzingatalwa na n'wina, nikuja nyama ya n'wina kufana ni ndzilo. Mihlengeletile rifuwo nkarhini lowu masiku ya makumu mafikeke.

Xitsonga (Bibele)

³ Nsuku wa n'wina ni silivhere swi dyiwe hi ku kurha, kutani ku kurha ka swona yi ta va mbhoni leyi nga ta mi avanyisa, ku ta dya tinyama ta n'wina kukota ndzilo. Mi tihlengeletele xuma eku heteleleni ka masiku.

Yakobo 5:3 Referans Kwoze

Varhoma 2:5

Hi mbilu ya wena leyo nonon'hwa, leyi nga laviki ku hundzuka, u tihlengeletela vukari lebyi byi nga ta ku wela hi siku lero chavisa, leri ku avanyisa loku lulameke ka Xikwembu ku nga ta humelela ha rona.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Nhlavutelo 20:15

Loko vito ra munhu ri nga kumiwi ri tsariwile ebukwini ya vutomi, munhu yoloyi a hoxiwa etiveni ra ndzilo.

Esaya 2:2

Eminkarhini leyi taka, xintshabyana lexi yindlu ya HOSI yi akiweke eka xona, xi ta tlakuka xi hundza swintshabyana hinkwaswo; xi ta leha xi ya henhla xi tlula ni tintshava, tinxaka hinkwato ti ta khitikana ti ya eka xona.

2 Petro 3:3

Xo sungula, mi fanela ku twisisa leswaku, emasikwini yo hetelela, ku ta humelela vasandzi lava fambisiwaka hi ku navela ka vona loko biha; va ta mi sandza,

2 Timotiya 2:17

kutani ku vulavula ka vona, ku ta fana ni xilondza lexi pfundzelaka xi borisa miri. Exikarhi ka vona ku na va Himenayo na Fileto,

Mikiya 4:1

Eminkarhini leyi taka, xintshabyana lexi yindlu ya HOSI yi akiweke eka xona, xi ta tlakuka xi hundza swintshabyana hinkwaswo; xi ta leha xi tlula ni tintshava; vanhu va ta khitikana va ya eka xona.

Mikiya 3:3

Mi hanya hi ku dya nyama ya vanhu va mina lava mi va yevulaka; mi fayetela marhambu ya vona, mi ma cakanyetela, wonge mi lava ku ma hoxa embiteni kumbe epotweni.

Yeremiya 19:9

Valala va vona, va nga vanhu va tihanyi, va ta rhendzela muti va wu vangela ndlala leyikulu, vaaki va wona va kondza va sweka vana va vona va xinuna ni va xisati va dya, va hetelela hi ku dyanana!’ ”

Ntirho 16:8

Xa ndzi tshikelela, xi ndzi veka nandzu, ndzi lo sala nhloko ntsena, kutani ku ondza loku ka ndzi mangalela eka xona.

Yoxuwa 24:27

Yoxuwa a byela Vaisraele hinkwavo a ku: “Vonani, ribye leri ri ta va mbhoni ya hina, hikuva marito hinkwawo ya HOSI Xikwembu lawa xi hi byeleke wona, ri ma twile. Loko mo sungula ku xisa Xikwembu xa n'wina, ribye leri ri ta va mbhoni leyi yi nga ta mi kaneta.”

Genesa 49:1

Kutani Yakobo a byela vana va yena, a ku: “Hlengeletanani, ndzi ta mi tivisa leswi swi nga ta mi humelela eminkarhini leyi taka:

Genesa 31:52

Nhulu leyi, ni ribye leri, swi ta hi tsundzuxa leswaku hi nga swi tluli. Mina ndzi nge tluli nhulu leyi ndzi ta eka wena ndzi ta ku vavisa, kasi na wena u nge tluli nhulu leyi ni ribye leri u ta eka mina u ta ndzi vavisa.

Nhlavutelo 17:16

Timhondzo ta khume leti u ti voneke, tona swin'we ni xivandzana, swi ta venga vansati loyi wa muoswi, swi ta endla leswaku a swela ni ku sala a nga ambalanga nchumu, swi dya nyama ya yena, swi n'wi hisa hi ndzilo.

Genesa 31:48

Labani a ku: “Nhulu leyi, i xitsundzuxo exikarhi ka mina na wena.” Hikokwalaho yi thyiwa vito ra Galede (hileswaku: “Nhulu ya xitsundzuxo”).

Timhaka 2:17

“ ‘Xikwembu xi ri: Hi masiku ya makumu, ndzi ta chela Moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, vana va n'wina va majaha va ta vona swivono, lavo dyuhala va n'wina va ta lorha milorho.