Yakobo 5:16 - BIBELE Mahungu Lamanene

¹⁶ Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

Testamente Leyimpsha Xichangana

¹⁶ Hikolaho, tivuleni kujoha ka n'wina mun'we ka mun'wana, mikhongelelana mun'we ka mun'wana lesvaku mitahanya. Xikhongelo xa munhu wolulama xi ni matimba ngopfu, xatirha.

Xitsonga (Bibele)

¹⁶ Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

Yakobo 5:16 Referans Kwoze

Swivuriso 15:29

HOSI Xikwembu a xi tshineli kusuhi ni lavo homboloka, kambe swikhongelo swa lavo lulama, xa swi hlamula.

Matewu 21:22

naswona hinkwaswo leswi mi swi kombelaka hi ku khongela, loko mi pfumela, mi ta nyikiwa swona.”

Yohane 9:31

Ha swi tiva leswaku Xikwembu a xi yingisi vadyohi; kambe loko munhu a chava Xikwembu, a endla ku rhandza ka xona, Xikwembu xa n'wi yingisa.

Pisalema 34:15

hikuva HOSI Xikwembu xi hlayisa lavo lulama; loko va ya rila eka xona, xa va yingisa,

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

1 Yohane 3:22

Hi amukela eka xona hinkwaswo leswi hi swi kombelaka, hikuva hi hlayisa milawu ya xona ni ku endla leswi xi swi tsakelaka.

Swivuriso 15:8

Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Timhaka 19:18

Lavo tala lava nga hundzuka vapfumeri, va ta, va tivula ni ku paluxa leswi a va swi endla khale.

1 Vatesalonika 5:17

Mi nga tshiki ku khongela.

Ntirho 42:8

Kutani sweswi, tekani tinkuzi ta 7 ni tinyimpfu ta makhuna ta 7, mi ya na swona eka nandza wa mina Yobo, mi fika mi humesa ha swona emagandzelo lama hisiwaka. Yobo ú ta mi khongelela, kutani mina ndzi ta amukela xikhongelo xa yena; a ndzi nga mi bi, hambileswi mi ndzi lumbeteke, mi nga fani na Yobo nandza wa mina.”

Genesa 20:17

Hiloko Abrahama a khongela Xikwembu, kutani xona xi horisa Abimeleke ni nsati wa yena, ni mahlonga ya yena ya xisati, leswaku va kota ku kuma vana,

Swivuriso 28:9

Loyi a pfalaka tindleve, a nga lavi ku twa nchumu hi nawu, HOSI Xikwembu na xona, a xi nga twi swikhongelo swa yena.

2 TIKRONIKA 30:20

Kutani HOSI Xikwembu xi amukela xikhongelo xa Hezekiya, xi tshika makungu ya xona ya ku ba vanhu lava.

Tinhlayo 11:2

Vaisraele va ba nkalanga va huwelela Muxe, kutani Muxe a khongela HOSI Xikwembu, ndzilo wu timeka.

Vaheveru 12:13

Mi fanele ku lulamisela milenge ya n'wina tindlela leto lulama, leswaku xirho lexi lamaleke xi nga suleki, kambe xi hanyisiwa.

1 Vatesalonika 5:25

Vamakwerhu, hi khongeleleni na hina.

Matewu 3:6

kutani a a va khuvula enambyeni wa Yordani, va ri karhi va tivula swidyoho swa vona.

Vaheveru 13:18

Hi khongeleleni, hikuva hi titwa swinene leswaku hi ni ripfalo leri tengeke, hi ri karhi hi navela ku endla leswi lulameke minkarhi hinkwayo.

Vaheveru 11:7

Hi ku pfumela, Nowa ú yingisile swinene loko Xikwembu xi n'wi tsundzuxa hi ku n'wi byela leswi a swi nga si vonaka; kutani a aka ngalava ku ta ponisa va ndyangu wa yena; hi ku endla sweswo, ú avanyisile misava, a va a amukela ku lulama loku nyikiwaka hi mhaka ya ku pfumela.

Varhoma 5:19

Naswona, kukotisa leswi lavo tala va hundzuriweke vadyohi hikwalaho ka munhu un'we la nga yingisangiki, hi mukhuva wolowo, hi ku yingisa ka munhu un'we, vanhu lavo tala va ta hundzuriwa va va lava lulameke.

Varhoma 3:10

Matsalwa ma tiyisa sweswo, ma ku:

Yoxuwa 10:12

Siku leri HOSI Xikwembu xi nyiketeke Vaamori emavokweni ya vavanuna va Israele, Yoxuwa ú vulavurile na xona emahlweni ka Vaisraele, a ku: “We dyambu, yima ehenhla ka muti wa Gibiyoni u nga ninginiki; wena n'weti yima ehenhla ka Nkova wa Ayaloni.”

Vaheveru 11:4

Hi ku pfumela, Avele ú humesele Xikwembu magandzelo lama amukelekeke ku tlula ya Kayini, kutani hikwalaho ka swona ú nkhensiwile a vuriwa loyi a lulameke, Xikwembu xi ri karhi xi tiyisa sweswo hi ku amukela tinyiko ta yena. Ú file, kambe hi mhaka ya ku pfumela ka yena, wa ha vulavula.

Timhaka 10:38

mi tiva ni ta Yesu wa Nazareta, ni hilaha Xikwembu xi cheleke hakona Moya lowo Kwetsima ni matimba ehenhla ka yena. A a famba-famba hinkwako, a ri karhi a endla leswinene, a horisa hinkwavo lava xanisiwaka hi Diyavulosi, hikuva Xikwembu a xi ri na yena.

Genesa 19:29

Loko Xikwembu xi herisa miti ya le nkoveni leyi Lota a a tshama eka yona, a xi ri karhi xi tsundzuka Abrahama; hikokwalaho, xi humesile Lota xi n'wi susa emitini leyi a xi lava ku yi herisa.

Yeremiya 15:1

HOSI Xikwembu xi ndzi byerile xi ku: “Vanhu lava a ndzi nga va tsetseleli, hambiloko Muxe na Samiele va nga ta emahlweni ka mina va va khongelela. Va hlongole va suka emahlweni ka mina!

1 TIHOSI 13:6

Kutani hosi Yerobuwamu a ku eka munhu wa Xikwembu: “Kombela leswaku HOSI Xikwembu xa wena xi ndzi twela vusiwana, u ndzi khongelela leswaku voko ra mina ri vuyela etshamelweni ra rona.” Hiloko munhu wa Xikwembu a xi kombela ku twela Yerobuwamu evusiwana, kutani voko ra yena ri vuyela etshamelweni ra rona, ri va leswi a ri ri swona eku sunguleni.

Genesa 32:28

Kutani a ku: “Vito ra wena a ri nga ha vi Yakobo, kambe u ta va Israele, hikuva u pfinyanile ni Xikwembu ni vanhu, kambe u hlurile.”

Genesa 20:7

Kutani sweswi, tlherisela wansati loyi eka nuna wa yena, hikuva wanuna loyi i muprofeta, ú ta ku khongelela u hanya, kambe loko u nga tlherisi wansati loyi, swi tive leswaku u ta fa hakunene, wena ni va ka n'wina hinkwavo.”

1 SAMIELE 12:18

Hiloko Samiele a khongela HOSI Xikwembu, kutani hi siku rero xi pfumisa tilo, xi nisa ni mpfula; hikokwalaho vanhu va sungula ku chava ngopfu HOSI Xikwembu na Samiele.

Eksoda 17:11

Nkarhi hinkwawo loko Muxe a tlakuserile voko ra yena ehenhla, Vaisraele a va hlula, kambe loko a yisile voko ra yena ehansi, a ku hlula Vaamaleke.

Eksoda 9:33

Kutani Muxe a suka eka Faro, a huma emutini, a tlakusa mavoko ya yena a khongela HOSI Xikwembu; kutani tilo ni xihangu swi yima, na yona mpfula yi hangalaka.

1 Vatesalonika 5:23

Ingi Xikwembu xa ku rhula xona ha xoxe, xi nga mi endla lava hlawulekeke hi matlhelo hinkwawo. Ingi mimoya ya n'wina, ni timbilu ta n'wina, ni miri wa n'wina, swi nga hlayiseka swi basile, swi nga ri na nandzu siku Hosi ya hina Yesu Kriste a vuyaka.

Vakolosa 1:9

Hikokwalaho, ku sukela siku leri hi swi tweke, a hi tshikanga ku mi khongelela, ni ku kombela Xikwembu leswaku xi mi tata hi vutivi bya ku rhandza ka xona, evutlharini hinkwabyo ni ku twisiseni hinkwako loku nyikiwaka hi Moya;

Luka 9:6

Hiloko va huma, va famba hi miti, va ri karhi va twarisa Evhangeli, hinkwako va hanyisa vavabyi.

2 SAMIELE 19:19

a ku ka yena: “Hi tlhelo ra nandzu wa mina, u nga vi na xiveketela, we n'wini wanga; naswona, u nga tsundzuki leswi mina nandza wa wena ndzi ku dyoheleke swona, siku u humeke eYerusalema, wena hosi n'wini wanga; u nga ndzi khomi hi mbilu, we hosi.

1 SAMIELE 12:17

Xana lowu a hi wona nkarhi wo tshovela koroni xana? Kambe ndzi ta khongela HOSI Xikwembu leswaku xi pfumisa tilo, xi nisa mpfula. Hi kona mi nga ta tiva ni ku vona leswaku vubihi bya n'wina lebyi mi byi endleke emahlweni ka xona hi ku tikombelela hosi, byi kurile ngopfu.”

Yeremiya 42:2

va fika va ku ka yena: “Hina masalela ya Israele, hi kombela leswaku u amukela xirilo xa hina, u hi khongelela eka HOSI, Xikwembu xa wena; wa swi vona hi wexe, khale a hi tele, kambe sweswi hi lo sala hi ri vanhu va nga ri vangani ntsena.

Marka 1:5

Kutani vanhu hinkwavo va tiko ra Yudiya ni vaaki hinkwavo va Yerusalema, a va ya va ya khuvuriwa hi yena enambyeni wa Yordani, va ri karhi va tivula swidyoho swa vona.

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo ni xin'we xa leswi mi swi vuleke.”

1 SAMIELE 1:12

Hana a heta nkarhi wo leha a ri karhi a khongela HOSI Xikwembu, Heli a ko a xiyaxiya nomo wa yena.