Yakobo 5:14 - BIBELE Mahungu Lamanene

¹⁴ Xana ku ni loyi a vabyaka exikarhi ka n'wina? A a vitane vakulukumba va kereke leswaku va ta n'wi khongelela, va n'wi tota mafurha hi vito ra Hosi;

Testamente Leyimpsha Xichangana

¹⁴ Xana ku ni lweyi avabzaka xikarhi ka n'wina? Aavitane vakulukumba va kereke lesvaku vatamukhongelela, vamutota mafurha hi vito ra Hosi;

Xitsonga (Bibele)

¹⁴ un'wana loko a vabya, a a vite vakulu va Kereke kutani va n'wi khongelela, va ri karhi va n'wi tota hi mafurha hi vito ra Hosi.

Yakobo 5:14 Referans Kwoze

Marka 6:13

va hlongola mademona layo tala, va tota vavabyi lavo tala hi mafurha, va va hanyisa.

Timhaka 28:8

Kambe swi kumeka leswaku tata wa Publiyo a a etlerile, miri wa yena wu hisa ni ku khomiwa hi le ndzeni. Pawulo a nghena ka yena; a khongela, kutani a n'wi tlhandleka mavoko, a n'wi hanyisa.

Marka 16:18

va ta khoma tinyoka hi mavoko; kutani hambi va nga nwa leswi dlayaka, swi nga ka swi nga va endli nchumu; va ta tlhandleka mavoko ehenhla ka lava vabyaka, va va hanyisa.”

2 TIHOSI 5:11

Kambe Naamani a suka a hlundzukile a ri karhi a ngurangureka a ku: “A ndzi anakanya leswaku ú ta ndzi hlanganisa, a huma endlwini, yena hi xiviri, a fika a yima, a khongela hi vito ra HOSI Xikwembu xa yena, kutani a kuputela laha ku vavaka hi voko ra yena, a ndzi horisa mina wa nhlokonho.

Tito 1:5

Mhaka leyi endleke leswaku ndzi ku siya le Kreta, hileswaku u sala u hetisa swilo leswi swa ha lavaka ku lulamisiwa, naswona u veka vakulukumba va kereke emutini wun'wana ni wun'wana. Tsundzuka leswi ndzi ku leriseke swona:

Timhaka 15:4

Kuteloko va fikile eYerusalema, va amukeriwa hi kereke ni vaapostola ni vakulukumba; kutani va va rungulela hinkwaswo leswi Xikwembu xi swi endleke ha vona.

Timhaka 14:23

Va va hlawulela vakulukumba ekerekeni yin'wana ni yin'wana; kutani, hi ku khongela ni ku titsona swakudya, va va veka emavokweni ya Hosi leyi a va pfumerile ka yona.

Timhaka 9:40

Kambe Petro a va humesela handle hinkwavo; a nkhinsama hi matsolo, a khongela; kutani a hundzulukela ka ntsumbu, a ku: “Tabita, pfuka!” Kavaloko Tabita a pfula mahlo, kutani loko a vona Petro, a pfuka a tshama.

2 TIHOSI 4:33

Kavaloko a nghena endlwini, a tipfalela ekamarini swin'we ni n'wana, a khongela HOSI Xikwembu.

1 TIHOSI 17:21

Kavaloko Eliya a pavalala kanharhu ehenhla ka n'wana, a huwelela eka HOSI Xikwembu a ku: “We HOSI Xikwembu xanga, endla leswaku moya wa n'wana loyi wu tlhela wu vuyela eka yena.”

Timhaka 11:30

Kunene va endlisa sweswo, kutani va rhumela tinyiko ta kona eka vakulukumba, ti famba na Barnaba na Sawulo.