Yakobo 5:1 - BIBELE Mahungu Lamanene

¹ Twanani ke, n'wina lava fuweke: Mi fanele ku rila mi kolola hikwalaho ka mahlomulo lama nga ta mi humelela.

Testamente Leyimpsha Xichangana

¹ Twanani ke, n'wina lavafuweke: Mifanela kurila mikolola hikolaho ka mahlomulu lawa mangatamihumelela.

Xitsonga (Bibele)

¹ Sweswi, ndzi ta eka n'wina vafuwi! Rilani, mi kolola hikwalaho ka makhombo ya n'wina, lama nga ta mi humelela.

Yakobo 5:1 Referans Kwoze

Swivuriso 11:28

Loyi a tshembaka rifuwo ra yena, ú ta wa, kambe lowo lulama ú ta tsaka ku fana ni murhi lowu hlukaka.

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

Swivuriso 11:4

Esikwini ra ku hlundzuka ka HOSI Xikwembu, rifuwo a ri pfuni nchumu, kambe ku lulama ku ponisa vutomi bya munhu.

Yakobo 1:11

Dyambu ri huma ri ri ni ku hisa ka rona, ri vunisa nhova; swiluva swi wela hansi, ni ku saseka ka swona ka onhaka. Hi mukhuva wolowo, mufuwi na yena ú ta vuna a herisiwa, a ri karhi a landzelela swilo swa yena.

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Sofoniya 1:18

Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

Esaya 13:6

Banani nkalanga, hikuva siku ra HOSI ri le kusuhi, ra ta siku leri HOSI, Xikwembu xa matimba hinkwawo, xi nga ta herisa swilo ha rona.

Yakobo 4:13

Twanani ke, n'wina lava mi nge: “Namuntlha kumbe mundzuku hi ta ya emutini lowo karhi ni lowo karhi, hi ya pindzuka lembe hi ri karhi hi xava ni ku xavisa, hi endla bindzu kona!”

Yakobo 2:6

Kambe n'wina mi sorisile xisiwana! Xana a hi vafuwi lava va mi tshikelelaka xana? Xana a hi vona lava va mi kokelaka etihubyeni xana?

Duteronoma 32:15

“Va ka Yakobo va dyile va xurha, va ka Yexuruni va nyuhele ngopfu kutani va sungula ku tiarisa, va kukumukile hi mafurha, va tlhela va phatima, kambe va tshikile Xikwembu, xona Muvumbi wa vona, va xi sandza, xona Ribye leri ri va poniseke.

Yuwele 1:11

N'wina varimi, nyumani; banani nkalanga, n'wina mi byaleke vhinya, na n'wina mi byaleke koroni na maxalana, hikuva ntshovelo ku hava emasin'wini.

Yuwele 1:5

Xalamukani mi rila, n'wina va le mabyaleni; n'wina hinkwenu vanwi va vhinyo, banani nkalanga, hikuva vhinyo leyo nandziha a mi nga ha yi nantswi!

Ezekiele 19:2

hi marito lawa ya nge: Mana wa n'wina a a ri nghala ya xisati, a hlamarisa exikarhi ka tinghala tin'wana, loko a etlela ni swinghalana swa yena, a rhendzeriwa ha swona a swi kurisa.

Yeremiya 4:8

Hikokwalaho ambalani swiambalo leswo khwaxa, tlhavani mukhosi mi rila, hikuva vukari bya HOSI Xikwembu bya pfurha, a hi nga poni eka byona!

Yakobo 4:9

Vavisekani, mi ba nkosi, mi rila. Ku hleka ka n'wina a ku hundzuke xirilo, ku tsaka ka n'wina a ku hundzuke gome.

Yuwele 1:13

N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Pisalema 17:14

We HOSI, ndzi ponise hi voko ra wena eka vanhu lava vo biha, lava averiweke vutomi bya nkarhinyana ntsena. Va xurhise hi leswi u nga va vekela swona, vana va vona a va kolwe ha swona, va siyela ni vatukulu va vona.

Esaya 15:3

Etindleleni, vanhu va ambele swiambalo leswo khwaxa, van'wana va le ku rileni va khavaxela, va ri ehenhla ka tindlu ni le swivaveni.

Ezekiele 30:2

“Wena munhu, tivisa Vaegipta leswaku mina HOSI N'wini wa hinkwaswo ndzi ni rito eka vona leri nge: “Banani nkalanga, mi ku: ‘Yo! Siku ra khombo ra ta!’