Yakobo 4:2 - BIBELE Mahungu Lamanene

² Ma navela, kambe a mi kumi nchumu, hikokwalaho ma dlaya. Naswona, mi tela hi timbilu, kambe a mi koti ku swi kuma, hikokwalaho ma lwa, mi vanga tinyimpi. A mi swi kumi, hikuva a mi kombeli.

Testamente Leyimpsha Xichangana

² Manavela, kambe amikumi nchumu, hi kolaho madlaya. Nasvona, mi ni timbilu, kambe amikoti kusvikuma, hi kolaho malwa, mivanga tinyimpi. Amisvikumi, hikuva amikombeli.

Xitsonga (Bibele)

² Ma navela, kambe a mi na nchumu; ma dlaya, mi ni mona, kambe a mi swi koti ku kuma nchumu; mi ni ku hambana ni ku lwa, kambe a mi na nchumu, hikuva a mi komberi;

Yakobo 4:2 Referans Kwoze

Yohane 16:24

Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku va loku hetisekeke.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Yohane 4:10

Yesu a n'wi hlamula, a ku: “Loko onge u tivile leswi Xikwembu xi nyikaka swona, ni loyi a vulavulaka na wena a ku: ‘Ndzi nyike mati ndzi nwa’, a wu ta va u komberile eka yena, kutani a a ta va a ku nyikile mati lama hanyaka.”

Swivuriso 1:19

Vanhu hinkwavo lava kumeke rifumo hi tihanyi, va hanyisa sweswo. Rifumo ra kona ri va vangela rifu.

Habakuku 2:5

La tidzunisaka, hakunene wa xisa; munhu wo tikukumuxa a nge tshamiseki. Makwanga ya yena ma ahlamile tanihi xivandla xa vafi. Ú fana ni rifu: A nga xurhi! Ú tihlengeletela vanhu va matiko hinkwawo, a khayima va tinxaka hinkwato, a vuya na vona ekaya.”

Esaya 7:12

Kambe Akazi a hlamula, a ku: “Xikombiso a ndzi nga kombeli, hikuva a ndzi lavi ku ringa HOSI Xikwembu.”

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Yakobo 5:6

Mi avanyisile ni ku dlaya munhu lowo lulama, kambe yena a nga tilwelanga.

1 Yohane 3:15

Un'wana ni un'wana loyi a vengaka makwavo i mudlayi, kutani ma swi tiva leswaku ku hava mudlayi loyi vutomi lebyi nga heriki byi tshamaka eka yena.

1 TIHOSI 21:6

Akabu a hlamula nsati a ku: “Ndzi vulavurile na Naboto wa le Yizriele, ndzi ku: ‘Ndzi xavisele nsimu ya wena ya vhinya; kumbe loko u swi lava, ndzi nga ku nyika yin'wana nsimu ematshan'wini ya vona.’ Kambe yena ú hlamurile leswaku a nga ka a nga ndzi nyiki nsimu ya yena.”