Yakobo 4:14 - BIBELE Mahungu Lamanene

¹⁴ Kasi swa mundzuku a mi swi tivi! Vutomi bya n'wina i ncini ke? Hikuva mi hunguva leyi humelelaka nkarhinyana, kutani yi hangalaka.

Testamente Leyimpsha Xichangana

¹⁴ Kasi sva mundzuku amisvitivi! Vutomi bza n'wina i ncini ke? Hikuva mi hunguva leyihumelelaka nkarhinyana, kutani yihangalaka.

Xitsonga (Bibele)

¹⁴ n'wina vanhu lava nga ti tiviki swa mundzuku; hikuva vutomi bya n'wina i yini-ke? I hunguva leyi vonakaka hi nkarhi wu nga ri wungani, kutani yi hangalaka.

Yakobo 4:14 Referans Kwoze

1 Petro 1:24

Hikuva, “Vanhu hinkwavo va fana ni byanyi, ni ku saseka ka vona ku fana ni xiluva xa nhova. Byanyi bya vuna, ni xiluva xi wela hansi,

Pisalema 39:5

Vona! U ndzi pfumelela ku hanya masikunyana ntsena; emahlweni ka wena malembe ya mina a hi nchumu; hakunene munhu hambi o titwa a tiyile, i moyanyana ntsena.

1 Yohane 2:17

Kutani misava ya hundza, ni ku navela ka yona, kambe loyi a endlaka ku rhandza ka Xikwembu, ú tshama hilaha ku nga heriki.

Pisalema 102:3

Masiku ya mina ya ku hanya ma haha kukota musi, miri wa mina wu hisa tanihi makala exitikweni.

Yakobo 1:10

na yena mufuwi, ú fanele ku tsaka loko a tsongahatiwa, hikuva ku fana ni xiluva xa nhova, ú ta hundza.

Pisalema 89:47

We N'wini wanga, ndzi anakanye, hikuva vutomi bya mina byi komile ngopfu; vanhu hinkwavo lava u va tumbuluxeke, a hi nchumu!

1 Petro 4:7

Ku hela ka swilo hinkwaswo ku le kusuhi. Hikokwalaho, tlharihani mi tikhoma, mi ta kota ku khongela.

Esaya 38:12

Ndzi tekeriwa vutomi bya mina, ku fana ni loko varisi va simula mintsonga, va rhurha; ndzi fana ni muluki, loko a dlayiseta ntirho wa yena, a tsema tingoti lomu makumu: Vutomi bya mina byi tsemisiwa sweswo, siku hinkwaro, we HOSI, u le ku ndzi hetiseni.

Pisalema 78:39

Xi swi tivile leswaku i vanhu va nyama ni ngati ntsena, ni leswaku va fana ni moyanyana lowu hungaka wu nga ha vuyi.

Pisalema 144:4

Munhu ú fana ni moyanyana, vutomi bya yena byi hatla byi hundza tanihi ndzhutinyana.

Swivuriso 27:1

U nga tshuki u tidzunisa hi leswi nga ta humelela mundzuku, hikuva a wu tivi leswaku siku ra kona ri ta ta na yini.

Esaya 2:22

Tshikani ku tshemba munhu, hikuva i xivumbiwa lexi faka, a nga pfuni nchumu!

2 SAMIELE 19:34

Kambe Barizilayi a hlamula hosi Davhida, a ku: “Mina a ndza ha salanga ni malembe yo tala ya ku hanya; kutani hikwalaho ka yini ndzi fanele ku tlhandluka ndzi ya na wena eYerusalema, we hosi?