Yakobo 3:17 - BIBELE Mahungu Lamanene

¹⁷ Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

Testamente Leyimpsha Xichangana

¹⁷ Kambe vutlhari bzota hi le henhla, bzi ni kurhula, ni kuwolova, ni kuyingiseta, bzitele musa ni mihandzu leyinene; kambe ngopfungopfu bzitengile; abziyi hi nghohe, kumbe kukanganyisa.

Xitsonga (Bibele)

¹⁷ Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

Yakobo 3:17 Referans Kwoze

Swivuriso 2:6

HOSI Xikwembu hi xona xi nyikaka vutlhari, vutivi ni ku twisisa swi huma eka xona;

Yakobo 3:15

Vutlhari byo tano a hi byona byo ta hi le henhla, kambe i bya misava, a byi na Moya, i bya Sathana.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

1 Yohane 3:18

Vana vanga, hi nga rhandzaneni hi marito kumbe hi ku vulavula ntsena, kambe a ku ve hi mintirho ni ntiyiso.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Matewu 5:8

Ku katekile lava nga ni timbilu leti tengeke, hikuva va ta vona Xikwembu.

1 Yohane 3:3

Kutani un'wana ni un'wana loyi a n'wi tshembaka, ú tihlayisa a tshama a tengile, tanihi leswi yena a tengeke.

Luka 21:15

hikuva mina ndzi ta mi nyika marito ya vutlhari lawa valala va n'wina hinkwavo va nga ta tsandzeka ku lwa na wona ni ku ma kaneta.

Luka 6:36

Mi va ni nsovo kukota leswi Tata wa n'wina na yena a nga ni nsovo.

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

2 Timotiya 2:24

Nandza wa Hosi a nga faneli ku va munhu wa timholovo, kambe a a ve ni musa eka munhu un'wana ni un'wana, a va mudyondzisi loyi a swi kotaka, a lehisa mbilu,

1 Petro 2:1

Hikokwalaho, tshikani lunya hinkwaro, ni vuxisi hinkwabyo, ni vukanganyisi, ni mavondzo, ni ku lumbeta hinkwako.

Yakobo 2:4

Hakunene, loko mi endlisa sweswo, mi ya hi nghohe, mi komba ku hambana exikarhi ka n'wina, kutani mi hundzuka vaavanyisi lava nga ni miehleketo leyo biha.

Vaheveru 12:11

Hikuva ku laya hinkwako, ku vonaka ku ri loku vavisaka enkarhinyana wolowo, loku nga tsakisiki, kambe endzhaku, ku veka mihandzu ya ku rhula ya vutomi lebyo lulama, eka lava va dyondzisiweke hi kona.

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.

Varhoma 15:14

Loko ndzi ri mina, vamakwerhu, ndza tshemba leswaku na n'wina mi talele hi vunene, ni leswaku mi ni vutivi lebyo tala bya tinxaka-xaka; ma swi kota ni ku tsundzuxana.

Ntirho 28:28

Kutani xi vulavula na vanhu xi ku: “Ku chava N'wini wa hinkwaswo, hi byona vutlhari; ku hambana ni leswo biha hi kona ku twisisa!”

1 TIKRONIKA 22:12

Kambe ngopfu ngopfu ndzi navela leswaku HOSI Xikwembu xa wena xi ku nyika miehleketo ni ku twisisa, leswaku loko xi ku veka ku fuma Vaisraele, u kota ku hlayisa Nawu wa xona.

1 Vakorinto 12:8

Un'wana ú nyikiwa hi Moya ku vulavula swa vutlhari, un'wana ú nyikiwa ku vulavula swa vutivi, hi ku ya hi Moya wolowo;

Ntirho 28:23

I Xikwembu ntsena xi tivaka ndlela ya vutlhari, ni ndhawu leyi byi tshamaka eka yona,

Yakobo 4:8

Tshinelani kusuhi ni Xikwembu kutani xi ta tshinela kusuhi na n'wina. Hlambani mandla ya n'wina, n'wina vadyohi, mi basisa timbilu ta n'wina, n'wina vanhu va miehleketo mimbirhi.

1 Timotiya 5:21

Emahlweni ka Xikwembu ni ka Kriste Yesu ni ka tintsumi leto hlawuleka, ndza ku khongotela swinene ku hlayisa tifanelo leti, u nga tekeli ku avanyisa, nakona u nga yi hi nghohe.

Timhaka 11:24

Barnaba a a ri wanuna lonene, la teleke Moya lowo Kwetsima ni ku pfumela; kutani ntshungu lowukulu wu engeteriwa entlaweni wa Hosi.

Matewu 23:28

Hi mukhuva wolowo vanhu va mi vona mi ri lavo lulama ehandle, kasi endzeni, mi tele ku kanganyisa ni ku homboloka.

1 Vatesalonika 2:7

hambileswi a hi ta va hi swi kotile ku mi tikisela hi swikombelo swa hina, hi mhaka ya ku va vaapostola va Kriste, hi hanyisene na n'wina hi moya wa musa, kukotisa manana la hlayisaka swinene vana va yena.

Vafilipiya 4:8

Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

Vafilipiya 1:11

vutomi bya n'wina byi ta tala hi mihandzu ya leswo lulama, leyi tisiwaka ha Yesu Kriste, leswaku Xikwembu xi dzunisiwa ni ku twarisiwa ha swona.

Timhaka 9:36

Emutini wa Yopa, a ku ri ni mudyondzisiwa wa xisati, loyi a va ku i Tabita (hi Xigriki: Dorkasi, hileswaku N'wa-Mhunti); a a tala ku tirha mintirho leyinene, a tala ni ku hanana.

Yohane 1:47

Yesu a vona Nataniele a ri karhi a ta a n'wi kongomile, kutani a vulavula hi yena, a ku: “Vonani Muisraele wa xiviri, loyi ku nga riki na ku kanganyisa eka yena.”

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Malakiya 3:3

Ú ta tshama hansi, kukota munhu loyi a n'okisaka ni ku basisa nsuku ni silivhere: Ú ta basisa va ka Levhi, a va endla lava tengeke, leswaku va humesela HOSI Xikwembu magandzelo lama amukelekaka.

Malakiya 2:9

Hikokwalaho ndzi ta mi endla vanhu lava soriwaka, lava languteriwaka hansi hi tinxaka hinkwato, hikuva a mi fambanga etindleleni ta mina, eku dyondziseni ka n'wina mi yile hi nghohe.”

Daniele 1:17

Xikwembu xi nyika majaha lawa ya mune evutivi ni vutlhari, ni ku tiva matsalwa hinkwawo; Daniele yena a a twisisa swivono hinkwaswo ni milorho hinkwayo.

1 TIHOSI 3:9

Hikokwalaho, mina nandza wa wena, ndzi kombela vutlhari ni ku twisisa, ndzi ta kota ku fambisa tiko leri ra wena hi ku hlawula leswinene eka leswo biha, hikuva tiko leri ra wena ra tika, ri nga fambisiwa hi mani xana?”

Eksoda 36:2

Kutani Muxe a vitana Besalele na Oholiyabu, ni vavanuna hinkwavo lava nga ni vutivi bya ntirho, lava HOSI Xikwembu xi va nyikeke miehleketo ya vutlhari, ni hinkwavo lava tinyiketeleke ku tirha, leswaku va ta, va ta nghena entirhweni.

Tito 3:2

va nga tshuki va onha van'wana emavito, kambe va va lavo rhula, va va ni vuxaka, masiku hinkwawo va va ni musa eka vanhu hinkwavo.

Tito 1:15

Swilo hinkwaswo swi tengile eka lava tengeke; kambe a ku na lexi tengeke eka lava nyameke, ni ka lava nga pfumeriki, hikuva miehleketo ya vona ni mapfalo ya vona swi nyamisiwile.

Varhoma 12:18

Endlani hinkwaswo leswi mi swi kotaka, hi tlhelo ra n'wina, ku hanyisana ni vanhu hinkwavo hi ku rhula.

Esaya 32:6

Munhu wa xiphukuphuku ú anakanya leswo ka swi nga pfuni nchumu, makungu ya yena i ku endla leswo homboloka ntsena; ú endla leswi lwaka ni ku rhandza ka Xikwembu, a tlhela a xi hembela; a nga chavi ku tshika munhu a fa hi ndlala, kumbe ku tsona la nga ni torha emati.

Esaya 2:4

HOSI Xikwembu xi ta avanyisa timhaka ta matiko, hi xona xi nga ta tsema milandzu ya vanhu lavo tala; kutani va ta fula matlhari ya vona va endla swikomu, va endla ni mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

1 TIKRONIKA 22:9

Kambe u ta kuma n'wana wa xinuna la nga ta va munhu wa ndzhuti, wa ku rhula. Vaaki va matiko lama vandzakaneke na yena a va nga ha n'wi pfuki; ú ta thyiwa vito ra Solomoni (hileswaku “la rhuleke”). Enkarhini wa ku fuma ka yena, ndzi ta nyika Vaisraele ku rhula ni ku tshamiseka.

1 TIHOSI 3:28

Vanhu hinkwavo va Israele va twa hilaha hosi yi avanyiseke mhaka leyi hakona, kutani va chava Solomoni, hikuva a va swi vona leswaku ú ni vutlhari bya Xikwembu eku avanyiseni ka timhaka.

1 TIHOSI 3:12

yingisa: Ndzi ta endla leswi u swi kombelaka. Ndzi ta ku nyika vutlhari ni ku twisisa, leswaku u ta kota ku hlawula, u tlula hi vutlhari vanhu hinkwavo lava hanyeke u nga si va kona, ni lava nga ta velekiwa endzhaku ka wena.

Vaefesa 5:9

hikuva ku vonakala, hi kona loku vekaka mihandzu leyo tala, yi nga ya vunene ni ku lulama ni ntiyiso.

2 Vakorinto 10:1

Sweswi ke, ndzi mi khongotela hi musa ni vunene bya Kriste, mina Pawulo loyi mi nge ndza soleka loko ndzi ri exikarhi ka n'wina, kasi loko ndzi ri kule na n'wina mi ri ndzi nhenha!

2 Vakorinto 9:10

Loyi a nyikaka mbewu eka mubyari, ni vuswa byo dya, ú ta mi lavela mbewu a tlhela a yi mirisa; ú ta mi andzisela ntshovelo wa ku hanana ka n'wina;

Esaya 40:11

Ú fana ni murisi loyi a byiselaka ntlhambi wa yena emadyelweni; ú ta hlengeleta swinyimpfana, a swi tlakula, vamana wa swona, ú ta va byisa khwatsi.

Ntirho 28:12

Vutlhari byona hi nga byi kuma kwihi, hi kwihi laha ku twisisa ku tshamaka kona ke?

Matewu 5:9

Ku katekile lava tisaka ku rhula, hikuva va ta thyiwa vana va Xikwembu.

2 Vakorinto 6:6

Hi ku tenga, ni vutivi, ni ku leha mbilu, ni tintswalo, hi tiyiserile hi matimba ya Moya lowo Kwetsima, ni rirhandzu leri nga riki na ku kanganyisa,

2 Vakorinto 7:11

Vonani hinkwaswo leswi ku vaviseka ka n'wina hi mukhuva lowu tsakeriwaka hi Xikwembu ku nga tisa swona exikarhi ka n'wina: Ma nga vona ku hiseka ka n'wina, ni ku navela ka n'wina ka ku tihlamulela, ni ku karhateka ka n'wina emoyeni, ni ku chava ka n'wina, ni ku titwa ka n'wina, ni ku chivirika ka n'wina, ni ku navela ka n'wina ka ku tshinya xidyoho! Hi matlhelo hinkwawo mi tikombile mi ri lava nga riki na nandzu emhakeni leyi.

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

1 Petro 2:18

N'wina malandza, titsongahateni eka vini va n'wina hi xichavo lexi lavekaka, ku nga ri ntsena eka lava nga ni tintswalo ni musa, kambe ni lava vo karhata.