Yakobo 2:5 - BIBELE Mahungu Lamanene

⁵ Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Testamente Leyimpsha Xichangana

⁵ Yingisani, vamakwerhu lavarhandzekaka: Xana Xikwembu axihlawulanga lavanga svisiwana misaveni leyi lesvaku vava lavafuweke hi tlhelo ra kupfumela ke? Xana axivahlawulelanga kuja ndzhaka ya Mfumu lowu xiwutshembiseke lava vaxirhandzaka ke?

Xitsonga (Bibele)

⁵ Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Yakobo 2:5 Referans Kwoze

Matewu 5:3

“Ku katekile swisiwana emoyeni, hikuva Mfumo wa matilo i wa swona.

Luka 6:20

Kutani Yesu a languta vadyondzisiwa va yena, a ku: “Mi katekile n'wina swisiwana, hikuva Mfumo wa Xikwembu wu le ka n'wina.

Nhlavutelo 2:9

Ndzi tiva maxangu ya wena ni vusiwana bya wena (kambe u xifumi), ndzi tiva ni ku sandziwa ka wena hi lava va tivulaka Vayuda, kasi a hi vona, kambe i va Sinagoga ra Sathana.

2 Vakorinto 8:9

Ma ti tiva tintswalo ta Hosi ya hina Yesu Kriste: A a fumile, hambiswiritano ú hundzukile xisiwana hikwalaho ka n'wina, leswaku mi endliwa swifumi hi vusiwana bya yena.

Luka 12:21

Yesu a heta hi ku vula a ku: “Swi tano ni ka loyi a tihlengeletelaka xuma, a nga fuweri Xikwembu.”

1 Petro 1:4

ni leswaku hi nyikiwa ndzhaka leyi nga boriki, leyi nga nyamisiwangiki, leyi nga vuniki. Mi vekeriwile yona ematilweni,

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

Vaheveru 11:26

Ú ehleketile leswaku ku rhuketeriwa hikwalaho ka Mesiya i rifuwo leri tlulaka vukosi hinkwabyo bya Egipta, hikuva a a langutela hakelo leya ha taka.

Luka 12:32

“Mi nga chavi n'wina va ntlhambinyana, hikuva Tata wa n'wina ú tsakele ku mi nyika Mfumo.

1 Vakorinto 2:9

Kambe hilaha ku tsariweke hakona va ri: “Leswi ni tihlo ni rin'we ri nga swi vonangiki, leswi ni ndleve ni yin'we yi nga swi twangiki, leswi nga si tshamaka swi nghena emiehleketweni ya munhu, hi swona leswi Xikwembu xi swi lunghiseleke lava va xi rhandzaka.”

Matewu 25:34

“Hi laha Hosi yi nga ta byela lava nge vokweni ra yona ra xinene yi ku: ‘Tanani n'wina lava katekisiweke hi Tata wa mina, amukelani Mfumo lowu nga lunghiseriwa n'wina hi mpfhuka misava yi tumbuluka;

Nhlavutelo 21:7

Loyi a hlulaka, ú ta kuma ndzhaka ya swilo leswi, kutani ndzi ta va Xikwembu xa yena, na yena a va n'wana wa mina.”

Yakobo 1:9

Makwerhu loyi a nga evusiwaneni, ú fanele ku tsaka loko a tlakusiwa;

2 Timotiya 4:8

Leswi saleke, hileswaku harhi ya vahluri yi ndzi yimerile, ku nga ku lulama loku Hosi, muavanyisi lowo lulama, yi nga ta ndzi nyika hi siku lerikulu; kutani a yi nga nyiki mina ntsena, kambe yi ta nyika ni hinkwavo lava tsakeleke ku humelela ka yona.

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.

Nhlavutelo 3:18

Loko swi ri tano, ndza ku tsundzuxa leswaku u xava eka mina nsuku lowu sasekisiweke hi ndzilo, u va xifumi; u ta xava ni tinguvu leto basa u ti ambala, u funengeta tingana ta vusweti bya wena leswaku byi nga vonaki; xava ni mafurha yo tota mahlo ya wena leswaku u ta kota ku vona.

1 Timotiya 6:18

Va byele ku endla leswo lulama, va tala rifuwo ra mintirho leyinene, va hanana, va tiva ni ku pambulela van'wana.

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena, kasi Lazaro yena a a vaviseka enkarhini wolowo; kambe sweswi wa chaveleriwa haleno, kasi wena u twisiwa ku vaviseka.

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

1 SAMIELE 2:30

Hikokwalaho, HOSI Xikwembu xa Israele xi vurisa sweswo xi ri: ‘A ndzi hlambanyile ndzi ku, va ndyangu wa wena ni va rixaka ra wena va ta va vaprista, va ndzi tirhela hilaha ku nga heriki; kambe ku sukela sweswi, mina HOSI ndzi ri: Swi nga ka swi nga ha endleki, hikuva lava va ndzi xiximaka, ndza va xixima, kambe lava va ndzi nyenyaka, a va nga ha vi nchumu eka mina.

2 Petro 1:11

Hi mukhuva wolowo, mi ta nyikiwa fanelo hinkwayo ya ku nghena eMfun'weni lowu nga heriki wa Hosi ni muponisi wa hina Yesu Kriste.

2 Timotiya 4:18

Hosi yi ta ndzi vutla ni le ku biheni hinkwako, yi ndzi ponisa leswaku ndzi ta kuma Mfumo wa yona wa le matilweni. Eka yona a ku ve ku dzuneka hilaha ku nga heriki. Amen.

2 Vatesalonika 1:5

Leswi i xikombiso xa ku lulama ka Xikwembu loko xi avanyisa, hikuva swi ta endla leswaku mi va lava lulameriweke hi Mfumo wa xona, lowu mi twisiwaka ku vaviseka hikwalaho ka wona.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Varhoma 8:17

Kutani leswi hi nga vana, naswona hi vadyandzhaka; hi vadyandzhaka va Xikwembu, ni vadyandzhaka swin'we na Kriste; leswi kunene hi xanisekaka na yena, swi vula leswaku hi ta kwetsimisiwa na yena.

Luka 16:22

Siku rin'wana xisiwana lexi xi fa, kutani tintsumi ti xi rhwala ti xi yisa exifuveni xa Abrahama. Mufuwi na yena a fa, a lahliwa esirheni.

Zakariya 11:7

Hi mukhuva wolowo ndzi hundzukile murisi wa tinyimpfu leti vaxavi va tona a va ti yisa eku dlayiweni. Kutani ndzi lavile tinhonga timbirhi, yin'wana ndzi yi thya vito ra “Musa”, leyin'wana ndzi yi thya vito ra “Vuxaka”, kutani ndzi nghena eku riseni ka tinyimpfu ta kona.

Esaya 29:19

HOSI Xikwembu xi ta tlhela xi nyika vapfumari ntsako lowu hetisekeke, swisiwana swi ta kuma ku tsaka eka Muhlawuleki wa Israele.

Esaya 14:32

Lava nga ta rhumiwa hi Vafilista, va ta hlamuriwa yini xana. “HOSI Xikwembu hi xona xi simekeke muti wa Siyoni, vanhu va xona lava xanisekaka, va ta tsutsuma va ya tumbela eka wona.”

Ntirho 34:19

A xi yimeleli lavakulu kumbe ku amukela vafumi xi ri karhi xi tshika vapfumari, hikuva hinkwavo i swivumbiwa swa xona.

Ntirho 34:10

“Hikokwalaho, ndzi yingiseni n'wina vanhu va miehleketo: Xikwembu xi nge pfuki xi endle swo biha, Lowa-matimba-hinkwawo a nge dyohi ni siku ni rin'we.

Eksoda 20:6

Kambe ndzi komba rirhandzu ra mina leri tshembekaka ku fika eka rixaka ra madzana-dzana ra lava va ndzi rhandzaka, lava hlayisaka milawu ya mina.

Yakobo 1:16

Mi nga tshuki mi tixisa, vamakwerhu lava rhandzekaka.

1 Vatesalonika 2:12

hi mi khongoterile, hi mi tiyisile ni ku mi susumeta leswaku mi hanya hi mukhuva lowu tsakisaka Xikwembu, lexi xi mi vitanelaka ku averiwa ku fuma ka xona ni ku twala ka xona.

Vaefesa 1:18

Ndzi kombela leswaku miehleketo ya n'wina yi pfuleka, mi ta tiva leswaku ku tshemba loku xi mi vitanelaka kona hi loku ko yini, ni leswaku ku tala ka ndzhaka ya xona leyo saseka ngopfu leyi tshembisiwaka vahlawuriwa va xona, hi loku ko yini,

2 Vakorinto 4:15

Hinkwaswo leswi swi endliwile hikwalaho ka n'wina, leswaku loko tintswalo ta Xikwembu ti ri karhi ti andza, ti andzisa ni ntsengo wa lava nga ta nkhensa va vuyelela, eku dzuniseni ka Xikwembu.

Yohane 7:48

I mani eka vakulukumba ni le ka Vafarisi loyi a tshamaka a pfumela eka yena xana?

Luka 22:29

Hilaha Tata wa mina a ndzi nyikeke Mfumo hakona, na mina ndzi mi nyika wona;

Marka 7:14

Yesu a engeta a vitana kambe ntshungu a ku ka vona: “Ndzi yingiseni hinkwenu, mi twisisa.

Zakariya 11:11

Kunene ntwanano wa kona wu onhiwa hi siku rolero, kutani vaxavi va tinyimpfu lava a va ndzi langutile, va swi vona leswaku mhaka leyi yi huma eka HOSI Xikwembu.

Sofoniya 3:12

Exikarhi ka n'wina, ndzi ta siya vanhu lava titsongahataka, lava nga titshembiki. Mina ndzi ta va khokholo ra vona.

Swivuriso 8:32

“N'wina vana, ndzi yingiseni: Ku katekile lava hlayisaka switsundzuxo swa mina.

Swivuriso 7:24

Hikokwalaho sweswi, ndzi yingiseni n'wina vana, rhiyani ndleve, mi twa leswi ndzi mi byelaka swona.

Ntirho 38:14

Vurhonga lebyi bya tshwuka kukota xibya xa vumba endzilweni, byi ambexa misava swa mavalavala.

1 TIHOSI 22:28

Kambe Mikaya a kaneta a ku: “Loko wena wo vuya hi le nyimpini u nga vavisiwanga, marito ya mina ma ta va ma nga humanga eka HOSI Xikwembu.” [A engeta a ku: “Ndzi vulavulela etindleveni ta n'wina hinkwenu.”]

Timhaka 7:2

Stefano a hlamula, a ku: “N'wina varikwerhu na vatatana, ndzi yingiseni! Xikwembu lexi kwetsimaka xi tikombisile eka tata wa hina Abrahama, loko a ha ri eMesopotamiya, a nga si aka eHarani,

Vaavanyisi 9:7

Kuteloko Yotamu a twa mhaka leyi, a tlhandluka a ya enhlohlorhini ya ntshava ya Gerizimi, a fika a huwelela swinene, a ku: “N'wina vavanuna va Xikeme, ndzi yingiseni, loko mi lava leswaku Xikwembu xi mi yingisa!

1 SAMIELE 2:8

HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.

Swivuriso 13:7

Vanhu van'wana va tiendla swigwili, kasi a va na nchumu; van'wana va tiendla swisiwana, kasi va fumile ngopfu.

Yakobo 1:19

Tivani leswi, vamakwerhu lava rhandzekaka: Munhu un'wana ni un'wana a a hatlise ku twa, a hlwela ku vulavula, a hlwela ku kariha.