Yakobo 2:14 - BIBELE Mahungu Lamanene

¹⁴ Swi pfuna yini, vamakwerhu, loko munhu a ku, ú ni ku pfumela, kambe a nga kombi hi mintirho? Xana ku pfumela ka yena ku nga n'wi ponisa xana?

Testamente Leyimpsha Xichangana

¹⁴ Svipfuna yini, vamakwerhu, loko munhu aku a ni kupfumela, kambe angali na mintirho? Xana kupfumela ka yena kungamuponisa ke?

Xitsonga (Bibele)

¹⁴ Vamakwerhu, swi pfuna yini loko munhu a ku: “Ndzi ni ku pfumela,” a nga ri na mitirho; xana ku pfumela ka yena ku nga n'wi hlayisa xana?

Yakobo 2:14 Referans Kwoze

Luka 6:49

Kambe loyi a twaka, kutani a nga endli, ú fana ni munhu la akeke yindlu ehenhla ka sava, yi nga ri na masungulo layo tiya; loko boboma ri ba yindlu leyi, yi hatla yi wa, kutani ku onhaka ka yindlu ya kona ku va lokukulu.”

Tito 1:16

Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

2 Petro 1:5

Hikwalaho ka swona sweswo, endlani hi matimba hinkwawo ku seketela ku pfumela ka n'wina hi vunene, vunene byona mi byi seketela hi vutivi,

Yakobo 2:26

Hikokwalaho, tanihi leswi miri lowu nga hava moya wu feke, ku pfumela na kona loku nga hava mintirho ku file.

Vaheveru 11:17

Hi ku pfumela, Abrahama, siku a ringiweke, ú nyiketile Isaka egandzelweni. Abrahama a a nyikiwile switshembiso, kutani a tiyimisela ku gandzela hi n'wana yoloyi un'we eka yena,

Vaheveru 13:9

Mi nga kanganyisiwi hi tidyondzo ta tinxaka-xaka leti nga tivikaniki. Swi lulamile loko mbilu yi tiyisiwa hi tintswalo ta Xikwembu, ku nga ri hi milawu hi tlhelo ra swakudya, leyi nga pfuniki nchumu eka lava va yi landzelelaka.

Vagalatiya 5:6

Hikuva eka Kriste Yesu, ku yimba kumbe ku va munhu wo ka a nga yimbanga, a swi vuli nchumu, kambe lexi nga xona i ku pfumela loku tirhaka hi rirhandzu.

Yakobo 2:18

Kambe munhu un'wana a nga ku: “Xana wena u ni ku pfumela xana?” Mina ndzi ta ku: “Ndzi ni mintirho! Ndzi kombe ku pfumela ka wena loku nga riki na mintirho, kutani mina hi mintirho ya mina ndzi ta ku komba ku pfumela ka mina!”

Timhaka 8:21

Ntirho lowu a hi wa wena, a wu ngheni eka wona, hikuva mbilu ya wena a yi lulamanga emahlweni ka Xikwembu.

Matewu 5:20

Hikuva ndza mi byela, ndzi ri: Loko ku lulama ka n'wina ku nga tluri ku lulama ka vatsari ni ka Vafarisi, a mi nga ngheni eMfun'weni wa matilo.

Tito 3:8

Mhaka leyi yi tiyile. Kutani ndzi lava leswaku u tiyisa timhaka leti swinene, leswaku lava pfumeleke eka Xikwembu, va lava tindlela ta ku tinyiketa, va tirha mintirho leyinene. Hi swona leswi nga swinene, leswi pfunaka vanhu.

1 Timotiya 1:5

Kasi, laha xitsundzuxo xa hina xi kongomeke kona, i ku pfuxa rirhandzu leri humaka embilwini leyo tenga ni le ripfalweni lerinene, ni le ku pfumeleni ka xiviri.

1 Vatesalonika 1:3

Emahlweni ka Xikwembu Tata wa hina, hi tsundzuka hilaha ku pfumela ka n'wina ku tikombeke hakona hi swiendlo, ni leswaku mi chivirika eku languteleni ka Hosi ya hina Yesu Kriste, hi rirhandzu ni ku tikarhata.

Vagalatiya 5:13

Loko a ri n'wina vamakwerhu, mi vitaniwile leswaku mi va lava ntshunxekeke; kambe mi nga teki ku ntshunxeka ka n'wina, mi ku hundzula mpfumelelo wo endla leswi ntumbuluko wa n'wina wa laha misaveni wu swi navelaka; ematshan'wini ya sweswo, tirhelanani hi rirhandzu.

1 Vakorinto 15:2

ma karhi ma ponisiwa ha wona, loko kunene mi hlayisa vumbhoni bya mina eka wona, ni loko ku pfumela ka n'wina eka wona ku nga vanga ka hava.

Timhaka 15:9

exikarhi ka hina na vona, a xi hlawulanga: Xi basisile timbilu ta vona, hikuva va pfumerile.

Yakobo 2:16

kutani un'wana wa n'wina a va byela a ku: “Fambani hi ku rhula, mi kufumela, mi xurha”, kambe a nga va nyikanga leswi lavekaka swa miri wa vona, xana swi pfuna yini sweswo ke?

1 Timotiya 4:8

hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.

Timhaka 8:13

Na yena Simoni a pfumela, a khuvuriwa, kutani a namarhela Filipi, a hlamala ngopfu hi ku vona mahlori ni leswo hlamarisa leswikulu leswi humelelaka.

Yeremiya 7:8

“Kambe n'wina mi titwa mi hlayisekile loko mi landzelela vakanganyisi lava va mi byelaka leswo ka swi nga pfuni nchumu.

1 Vakorinto 16:22

Loko munhu a nga rhandzi Hosi, a a ve eku rhukaniweni! “Maranatha! Tana, Hosi!”

Varhoma 2:25

Swa twala leswaku ku yimba ka pfuna, loko u hlayisa Nawu; kambe loko u tlula Nawu, ku yimba ka wena ku to fana ni loko u nga yimbanga.

Luka 3:11

A hlamula a ku ka vona: “Loyi a nga ni swiambalo swimbirhi, a a avele la pfumalaka; ni loyi a nga ni swakudya, a a endlise sweswo na yena.”

Yakobo 1:16

Mi nga tshuki mi tixisa, vamakwerhu lava rhandzekaka.