Yakobo 1:22 - BIBELE Mahungu Lamanene

²² Mi va vaendli va rito, mi nga vi vatwi ntsena lava tixisaka.

Testamente Leyimpsha Xichangana

²² Miva vayendli va rito, mingavi vatwi ntsena lava vatikanganyisaka.

Xitsonga (Bibele)

²² Mi va vaendli va rito, mi nga vi vatwi ntsena, lava tixisaka eku ringaniseni ka vona.

Yakobo 1:22 Referans Kwoze

Varhoma 2:13

Hikuva a hi vatwi va Nawu lava voniwaka va ri lava lulameke emahlweni ka Xikwembu, kambe lava fambaka hi ku lerisa ka wona, hi vona lava nga ta hlayiwa leswaku va lulamile.

Yohane 13:17

Loko mi tiva swilo leswi, mi tlhela mi swi endla, mi ta va mi katekile.

Yakobo 4:17

Hikokwalaho, munhu loyi a tivaka leswo lulama leswi a fanelaka ku swi endla, kambe a nga swi endli, i mudyohi.

1 Yohane 2:3

Kutani mhaka leyi yi hi khorwisaka leswaku hi tiva Tatana, hiloko hi hlayisa milawu ya yena.

Luka 11:28

Yesu a ku: “Ngopfu ku katekile lava yingisaka Rito ra Xikwembu, va vuya va ri hlayisa!”

Matewu 12:50

hikuva un'wana ni un'wana la endlaka ku rhandza ka Tata wa mina la nge tilweni, hi yena makwerhu wa xinuna, ni wa xisati, na manana.”

Vakolosa 3:17

Kutani xin'wana ni xin'wana lexi mi xi endlaka, hi ku vulavula kumbe hi ku tirha, xi endleni hi vito ra Hosi Yesu, mi ri karhi mi nkhensa Xikwembu Tatana ha yena.

Nhlavutelo 22:7

Yesu ú ri: “Vonani, ndza ta sweswi-sweswi. Ku katekile loyi a hlayisaka marito ya vuhlavuteli bya buku leyi.”

1 Yohane 3:7

Vana vanga, mi nga pfumeli ku xisiwa hi munhu ni un'we. Loyi a endlaka leswo lulama ú lulamile, kukota leswi Kriste a lulameke.

Yakobo 1:26

Loko munhu a anakanya leswaku ú ni vukhongeri, kambe a nga fumi ririmi ra yena, munhu loyi wa tixisa, vukhongeri bya yena a byi pfuni nchumu.

Vagalatiya 6:7

Mi nga tshuki mi tixisa: Xikwembu a xi vungunyiwi; xin'wana ni xin'wana lexi munhu a xi byalaka, ú ta tshovela xona;

3 Yohane 1:11

Nakulorhi, u nga tekeleli mikhuva leyo biha, kambe tekelela leyinene. Loyi a endlaka leswinene i wa Xikwembu; loyi a endlaka leswo biha a nga vonanga Xikwembu.

Vagalatiya 6:3

Hikuva loko un'wana a ehleketa leswaku yena i nchumu, kasi a nga nchumu, wa tikanganyisa.

1 Vakorinto 6:9

Xana a mi tivi leswaku lavo homboloka va nga ka va nga dyi ndzhaka ya Mfumo wa Xikwembu, xana? Mi nga tshuki mi tikanganyisa: Loko ti ri timbhisa, ni lava gandzelaka swikwembu swa hava, ni vaoswi, ni vavanuna lava endlaka swa tingana ni vavanuna-kulobye,

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

1 Yohane 1:8

Loko hi vula leswaku a hi dyohi, ha tixisa, kutani ntiyiso a wu kona eka hina.

Vafilipiya 4:8

Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

1 Vakorinto 15:33

Mi nga pfumeli ku xisiwa: “Vanghana lavo biha, va borisa mikhuva leyinene.”

Nhlavutelo 12:9

Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun'we na yona.

2 Petro 2:13

Va ta endliwa hi ku biha, hilaha va nga endla swo biha hakona. Va kuma swi va tsakisa vona ku cina mintlangu, va nwa nhlekanhi hinkwawo. I swivati ni swisandzu evanhwini. Naloko va ri na n'wina eminkhubyeni, vona va tsakela ku cina ni ku nwa ngopfu, hi mhaka ya vusopfa bya vona.

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Obadiya 1:3

Manyunyu ya n'wina ya mi kanganyisile, n'wina mi tshamaka emakocokocweni, n'wina mi akeke henhla ka tintshava, hikuva mi ri: ‘Laha, hi nga ka hi nga susi hi munhu!’

Esaya 44:20

Munhu wo tano, swo fana ni loko a dya nkuma; ú kanganyisiwa ni ku lahlekisiwa hi miehleketo ya yena; a nga swi koti ku tintshunxa entlhan'wini wa kona, kumbe ku tivutisa a ku: “Xana a ndzo tikanganyisa hi xilo lexi ndzi xi khomeke xana?”

1 Vakorinto 3:18

Munhu a nga tshuki a tixisa. Loko un'wana exikarhi ka n'wina a tivona a ri la tlhariheke hi ku ya hi swa minkarhi leyi, a a hundzuke wo ke mano, leswaku a ta va lowo tlhariha.

2 Timotiya 3:13

naswona vanhu lavo biha ni vakanganyisi va ta ya emahlweni va nyanya ku biha, va ri karhi va xisa, na vona va xisiwa.

Yeremiya 11:6

HOSI Xikwembu xi ku ka mina: “Huwelela u tivisa vanhu emitini ya Yuda ni le magondzeni ya Yerusalema, u ku ka vona: ‘Yingisani marito ya ntwanano lowu, mi hanya ha wona,

Yakobo 4:11

Mi nga hlevani, vamakwerhu. Loyi a hlevaka makwavo, kumbe ku avanyisa makwavo, ú hleva ni ku avanyisa Nawu. Kutani loko munhu a avanyisa Nawu, a nga wu landzi, kambe i muavanyisi.