Yakobo 1:19 - BIBELE Mahungu Lamanene

¹⁹ Tivani leswi, vamakwerhu lava rhandzekaka: Munhu un'wana ni un'wana a a hatlise ku twa, a hlwela ku vulavula, a hlwela ku kariha.

Testamente Leyimpsha Xichangana

¹⁹ Vamakwerhu lavarhandzekaka, Tivani lesvi: Munhu mun'wana ni mun'wana aahantlise kutwa, ahlwela kuvulavula, ahlwela kukariha.

Xitsonga (Bibele)

¹⁹ Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;

Yakobo 1:19 Referans Kwoze

Swivuriso 17:27

Loyi a pimaka marito ya yena loko a vulavula, ú ni vutivi, munhu wo twisisa, ú kota ku tikhoma.

Swivuriso 21:23

Loyi a hlawulaka marito loko a vulavula, ú papalata makhombo.

Swivuriso 14:29

Munhu loyi a kotaka ku tiyisela swilo, ú twisisa ngopfu, kasi munhu wa ximbilwa-mbilwana, u nyanya ku paluxa vuphukuphuku bya yena.

Swivuriso 10:19

Ku tata marito, swi vanga swihoxo, kambe loyi a kotaka ku tikhoma, ú ni mianakanyo leyinene.

Swivuriso 18:13

U nga tsutsumeli ku hlamula mhaka u nga si yi twisisa, hikuva swi nga paluxa ku tsandzeka ka wena, swi ku khomisa ni tingana.

Swivuriso 13:3

Munhu loyi a nga vulavuriki ngopfu, ú hlayisa vutomi bya yena, kasi loyi a phyaphyarhaka, ú weriwa hi khombo.

Swivuriso 16:32

Loyi a hlwelaka ku hlundzuka, ú tlula nghwazi, munhu la kotaka ku tikhoma, ú tlula loyi a hlulaka miti.

Vaefesa 4:26

Loko mi tshuka mi hlundzuka, mi nga weli eku dyoheni; dyambu ri nga tshuki ri pela ma ha hlundzukile,

Swivuriso 15:18

Munhu wa ximbilwa-mbilwana ú pfuxa madzolonga, kasi loyi a tiyiselaka swilo, ú miyeta ku holova.

Vakolosa 3:8

Kambe sweswi, swi cukumeteni hinkwaswo, ku nga ku kariha, ni ku leva, ni tihanyi. Ku lumbeta, ni mavulavulele ya thyaka, swi nga tshuki swi huma emilon'wini ya n'wina.

Vaefesa 4:31

Leswo bava hinkwaswo, ni ku hlundzuka hinkwako, ni ku kariha hinkwako, a swi susiwe exikarhi ka n'wina; tshikani ku holova ni ku rhuketelana, mi susa mona hinkwawo.

Swivuriso 18:21

Rifu ni vutomi, swi lawula hi ku vulavula ka munhu, lava rhandzaka ku vulavula, va ta tshovela mihandzu ya kona.

Vakolosa 3:15

Kutani endlani leswaku ku rhula ka Kriste ku fuma etimbilwini ta n'wina, ku nga ku rhula loku mi vitaneriweke kona, emirini wun'we ntsena. Naswona dyondzani ku nkhensa.

Swivuriso 19:11

Munhu wa miehleketo, ú hlwela ku hlundzuka, loko a hoxeriwile, ú swi ba hi makatla.

Swivuriso 15:2

Ku vulavula ka munhu wo tlhariha, ku nandzihisa vutivi, kambe milomo ya swiphunta yi khapa vuphukuphuku.

Swivuriso 25:28

Munhu loyi a tsandzekaka ku tikhoma, ú fana ni muti lowu rirhangu ra wona ri mbundzumuxiweke.

Swivuriso 14:17

Munhu wa ximbilwa-mbilwana ú endla swilo hi ndlela ya vuphukuphuku, kasi munhu wa miehleketo wa tiyisela.

Matewu 5:22

Kambe mina ndzi ri ka n'wina: Un'wana ni un'wana la hlundzukelaka makwavo, ú ta fanela ku avanyisiwa; loyi a nge ka makwavo: ‘U xiphukuphuku!’ ú fanele ku yisiwa eka muavanyisi; la nge ka yena: ‘Xihunguki ndziwena!’ ú fanele hi ndzilo wa Tihele.

Swivuriso 17:14

Ku sungula ka mhaka, swi fana ni ku ndlandlamuka ka mati loko nambu wu tala, hikokwalaho, suka u famba timhaka ti nga si biha.

Yakobo 1:26

Loko munhu a anakanya leswaku ú ni vukhongeri, kambe a nga fumi ririmi ra yena, munhu loyi wa tixisa, vukhongeri bya yena a byi pfuni nchumu.

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.

Nehemiya 9:17

Va arile ku ku yingisa, va nga tsundzuki swihlamariso leswi u swi endleke exikarhi ka vona; va tinonon'hwisile, va tihlawulela munhu loyi a nga ta va rhangela leswaku va tlhelela evuhlongeni etikweni ra Egipta. Hambiswiritano, wena Xikwembu lexi tshamaka xi tiyimisele ku rivalela, a wu va tshikanga, hikuva u tele ku tsetselela ni ku twela vusiwana; u hlwela ku kariha, naswona u tele tintswalo.

Timhaka 17:11

Vona va tlurisa Vatesalonika hi mafundzha, va amukela Rito hi ku nkhensa lokukulu, va kambisisa Matsalwa masiku hinkwawo, va lava ku tiva leswaku xana timhaka ti tano xana.

Luka 19:48

Ntsena a va nga tivi lexi va nga ta xi endla, hikuva vanhu a va n'wi yingisa, va tsakela ngopfu marito ya yena.

Marka 2:2

Vanhu lavo tala va hlengeletana kona, ku ko ku pfumaleka ni vutshamo emahlweni ka nyangwa, kutani Yesu a va dyondzisa Rito ra Xikwembu.

Swivuriso 19:19

Munhu wa ximbilwa-mbilwana, ú fanele ku riha milandzu ya yena hi yexe, hikuva loko u n'wi pfuna, wa n'wi vanga.

Timhaka 10:33

Hikokwalaho ndzi hatlisile ku rhuma vanhu eka wena; kutani u endlile swona loko u tile; sweswi ke hinkwerhu hi tshamile swin'we, laha mahlweni ka Xikwembu, ku yingisa hinkwaswo leswi Hosi yi ku leriseke swona.”

Timhaka 2:42

A va chivirikela ku dyondzisiwa hi vaapostola, ni ku hlengeletana, ni ku phema xinkwa, ni ku khongela.

Luka 15:1

Kutani valuvisi ni vadyohi hinkwavo va n'wi tshinelela ku ta n'wi yingisa.

Nehemiya 9:3

Loko va ha yimile etindhawini ta vona, va hlayeriwa buku ya Nawu wa Xikwembu xa vona ku ringana tiawara tinharhu, kutani tiawara tin'wana tinharhu leti landzelaka va tisola swidyoho swa vona, va khongela HOSI Xikwembu xa vona.

1 Yohane 2:21

Ndza mi tsalela, ku nga ri hi mhaka ya leswi mi nga tiviki ntiyiso, kambe hi mhaka ya leswi mi wu tivaka, ni ku tiva leswaku ku hava vunwa lebyi humaka entiyisweni.

Timhaka 13:48

Loko vamatiko va twa sweswo, va tsaka, va dzunisa Rito ra Hosi; kutani hinkwavo lava hlawuleriweke vutomi lebyi nga heriki, va pfumela.

Marka 12:37

“Kutani loko Davhida a vula Mesiya a ku i N'wini wa yena, xana a nga va n'wana wa yena hi ndlela yihi ke?” Ntshungu lowukulu a wu n'wi yingisa hi ku tsaka.

Nehemiya 8:18

Siku rin'wana ni rin'wana ku sukela eka siku ro sungula, ku ya fika eka lero hetelela a va hamba va hlayeriwa buku ya Nawu wa Xikwembu. Nkhuvo wu hetile masiku ya 7, kutani hi siku ra vu-8 va hlengeletana va gandzela Xikwembu hilaha swi lerisiweke hakona.

Tinhlayo 22:27

Kuteloko mbhongolo yi vona ntsumi ya HOSI, yo etlela ehansi. Kutani Balaama a kariha swinene, a bukutela mbhongolo hi nhonga.

Swivuriso 29:20

Xiphunta xa antswa, ku ri na munhu wo tsutsumela ku hlamula timhaka.

Timhaka 1:15

Hi masiku walawo, Petro a yima enhlengeletanweni ya vamakwavo eHosini (lava nhlayo ya vona a yi lava ku va 120), kutani a ku:

Yakobo 1:2

Yi tekeni yi ri mhaka ya ku tsakisa swinene, vamakwerhu, loko mi hlangana ni miringo ya tinxaka-xaka,

Yakobo 1:16

Mi nga tshuki mi tixisa, vamakwerhu lava rhandzekaka.

Yakobo 2:1

Vamakwerhu, leswi mi nga ni ku pfumela eka Hosi ya hina Yesu Kriste, Hosi ya ku kwetsima, mi nga yi hi nghohe.

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Yakobo 3:10

Enon'weni wun'we ku huma ku dzunisa ni ku rhukana. Vamakwerhu, leswi a swi nga fanelanga ku va tano.

Yakobo 4:11

Mi nga hlevani, vamakwerhu. Loyi a hlevaka makwavo, kumbe ku avanyisa makwavo, ú hleva ni ku avanyisa Nawu. Kutani loko munhu a avanyisa Nawu, a nga wu landzi, kambe i muavanyisi.

Yakobo 5:12

Kambe, ehenhla ka swona hinkwaswo, vamakwerhu, mi nga hlambanyi, hambi hi tilo, kumbe hi misava, kumbe hi hlambanyele rin'wana ni rin'wana. Kambe loko mi ku: “Ina”, a swi ve “Ina”, ni loko mi ku: “E-e”, a swi ve “E-e”, leswaku mi nga weli eku avanyisiweni.

Yakobo 5:19

Vamakwerhu, loko un'wana wa n'wina a huma entiyisweni, kutani un'wanyana a n'wi vuyisela endleleni,

Ntirho 32:16

Xana ndzi fanele ku va yimela xana, leswi va miyelaka, va tshikaka ni ku hlamula ke?