Varhoma 9:9 - BIBELE Mahungu Lamanene

⁹ Hikuva rito ra xitshembiso hi leri nge: “Ndzi ta vuya hi nkarhi lowu vekiweke, kutani Sara ú ta va ni n'wana wa mufana.”

Testamente Leyimpsha Xichangana

⁹ Hikuva rito ra xitshembiso hi leri ringe: “Nitavuya hi nkama lowuvekiweke, kutani Sara atava ni n'wana wamufana.”

Xitsonga (Bibele)

⁹ Hikuva rito ra ku tshembisa, hi rona leri nge: “Ndzi ta ta hi nkarhi wolowo, kutani Sara u ta va ni n'wana wa wanuna.”

Varhoma 9:9 Referans Kwoze

Genesa 18:10

Kutani HOSI Xikwembu xi ku: “Ndza ku tshembisa leswaku ndzi ta tlhela ndzi vuya kambe haxawu hi nkarhi wolowu; Sara nsati wa wena ú ta va a ri na n'wana wa mufana.” Sara a a ri eku yingiseleni, a ri enyangweni ya ntsonga, a nga voniwi.

Genesa 18:14

Xana xi kona lexi xi nga tsandzaka mina HOSI xana? Haxawu, hi nkarhi lowu ndzi wu vekeke, ndzi ta tlhela ndzi vuya eka wena; Sara ú ta va a ri na n'wana wa mufana.”

Genesa 17:21

Kambe ndzi ta endla ntwanano na Isaka, a nga n'wana loyi a nga ta velekiwa hi Sara lembe leri taka hi nguva leyi.”

Genesa 21:2

Kutani eku dyuhaleni ka Abrahama, Sara a tika, a n'wi velekela n'wana wa mufana hi nkarhi lowu Xikwembu xi wu tiviseke Abrahama.

Vaheveru 11:17

Hi ku pfumela, Abrahama, siku a ringiweke, ú nyiketile Isaka egandzelweni. Abrahama a a nyikiwile switshembiso, kutani a tiyimisela ku gandzela hi n'wana yoloyi un'we eka yena,

Timhaka 5:38

Sweswi ke ndzi ri ka n'wina: Hambanani ni vanhu lava, mi va tshika; hikuva loko makungu lawa, kumbe ntirho lowu, wu huma eka vanhu, wu ta hela;