Varhoma 9:5 - BIBELE Mahungu Lamanene

⁵ Vakokwa wa hina i va vona; na yena Kriste ú huma erixakeni ra vona, hi tlhelo ra ku velekiwa. Xikwembu lexi nge henhla ka swilo hinkwaswo, a xi vongiwe hilaha ku nga heriki. Amen!

Testamente Leyimpsha Xichangana

⁵ Vakokwana va hina i va vona; na yena Kriste ahuma rixakeni ra vona, hi tlhelo ra kuvelekiwa. Xikwembu lexinga henhla ka svilo hinkwasvu, axivongiwe hilaha kungaheliki. Amen!

Xitsonga (Bibele)

⁵ hi vona lava humaka eka vatatana, lava Kriste a humeke eka vona hitlhelo ra nyama, yena la nga ehenhla ka swilo hinkwaswo, Xikwembu lexi vongiwaka hilaha ku nga heriki. Amen!

Varhoma 9:5 Referans Kwoze

Varhoma 1:25

Va tshikile ntiyiso wa Xikwembu, va landza mavunwa, va gandzela ni ku tirhela leswi vumbiweke, ematshan'wini ya Muvumbi loyi a fanelaka ku vongiwa hi masiku ni masiku. Amen!

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Yohane 10:30

Mina na Tatana hi un'we.”

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Varhoma 1:3

yi vulavula hi N'wana wa xona, Hosi ya hina Yesu Kriste, loyi a nga huma erixakeni ra Davhida hi tlhelo ra ku va munhu wa nyama;

Nhlavutelo 1:18

ni loyi a hanyaka. A ndzi file, kambe vona, sweswi ndzi loyi a hanyaka hilaha ku nga heriki. Ndzi ni swilotlelo swa rifu ni swa xivandla xa vafi.

Esaya 11:1

Xihluke xi ta huma exikundzwini xa Yese, erimitswini ra yena, ku ta mila rhavi.

Nhlavutelo 22:16

Yesu ú ri: “Ndzi rhumile ntsumi ya mina etikerekeni leswaku yi mi tivisa ntiyiso wa swilo leswi. Hi mina rimitsu ra Davhida, ni wa rixaka ra yena, nyeleti leyo vangama ya mixo.”

2 Vakorinto 11:31

Xikwembu, Tata wa Hosi Yesu, xi nga xona lexi fanelaka ku dzunisiwa hilaha ku nga heriki, xa swi tiva leswaku a ndzi hembi.

Varhoma 11:28

Leswi Vaisraele va nga ala Mahungu Lamanene, i valala va Xikwembu, ku pfuna n'wina vamatiko; kambe leswi va nga hlawuriwa hi xona, i varhandziwa va xona hikwalaho ka vakokwa wa vona;

Varhoma 10:12

A ku na ku hambana exikarhi ka Vayuda ni vamatiko, hikuva hinkwavo va na Hosi yin'we, leyi minkateko ya yona yi talelaka hinkwavo lava khongelaka yona.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Pisalema 106:48

A ku nkhensiwe HOSI Xikwembu xa Israele, sweswi ni hilaha ku nga heriki. Vanhu hinkwavo a va vule va ku: “Amen!” Dzunisani HOSI!

Pisalema 103:19

HOSI Xikwembu xi vekile xiluvelo xa xona ematilweni, vuhosi bya xona byi le henhla ka swilo hinkwaswo.

Pisalema 72:19

Minkarhi hinkwayo a ku tlangeriwe vito ra xona lero hlawuleka, ku dzuneka ka xona a ku tate misava hinkwayo. Amen! Amen!

Pisalema 45:6

We hosi, u fana ni Xikwembu, u ta fuma hilaha ku nga heriki, nhonga ya vuhosi bya wena yi ta tisa ku lulama.

Pisalema 41:13

A ku nkhensiwe HOSI Xikwembu xa Israele, sweswi ni hilaha ku nga heriki. Amen! Amen!

Nhlavutelo 22:20

Yena loyi a tivisaka ntiyiso wa timhaka leti, ú ri: “Hakunene, ndza ta sweswi-sweswi.” Amen, tana Hosi Yesu!

2 Timotiya 2:8

Tsundzuka Yesu Kriste, wa rixaka ra Davhida, loyi a pfuxiweke eku feni, hilaha Evhangeli leyi ndzi yi twarisaka yi vulaka hakona.

1 Timotiya 6:15

Ku humelela loku ku ta kombisiwa erivaleni hi nkarhi wa kona, hi Loyi a katekeke, Loyi a nga ni matimba a ri swakwe, Hosi ya tihosi ni Mufumi wa vafumi.

1 Vakorinto 14:16

Hikuva loko u nkhensa hi moya wa wena wu ri woxe, xana munhu ntsena loyi a nga enhlengeletanweni ú ta vurisa ku yini “Amen!” ku hlamula xikhongelo xa wena xa ku nkhensa, leswi a nga tiviki lexi u xi vulaka xana?

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Pisalema 89:52

HOSI Xikwembu a xi nkhensiwe hilaha ku nga heriki! Amen! Amen!

1 TIKRONIKA 16:36

A ku nkhensiwe HOSI Xikwembu xa Israele, sweswi ni hilaha ku nga heriki!” Kutani Vaisraele hinkwavo va hlamula va ku: “Amen, a ku dzunisiwe HOSI!”

1 TIHOSI 1:36

“A swi ve tano”, ku hlamula Benaya n'wana Yoyada, “makungu lawa a ma tiyisiwe hi HOSI Xikwembu xa wena, we n'wini wanga.

Nhlavutelo 5:14

Swivumbiwa leswi hanyaka swa mune swi hlamula swi ku: “Amen!” Kutani vakulukumba va nkhinsama va gandzela.

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Matewu 6:13

u nga hi yisi emiringweni, kambe u hi ponisa eka Lowo biha, [hikuva ku fuma, ni matimba, ni ku twala, i swa wena hi masiku ni masiku. Amen.’]

Yeremiya 28:6

a ku: “A swi ve tano! Ingi HOSI Xikwembu xi nga endla leswi u swi vulaka swi humelela hakunene; a xi vuyise haleno swingolongondzwana swa Tempele ni vanhu hinkwavo lava nga vukhumbini eBabilona!

Duteronoma 10:15

Kambe, HOSI Xikwembu xi tinyiketile, xi rhandza vatata wa n'wina, xi tlhela xi hlawula n'wina vana va vona exikarhi ka vanhu va matiko man'wana, hilaha mi swi vonaka hakona ni namuntlha.

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Genesa 12:3

Ndzi ta katekisa lava va ku katekisaka, kambe loyi a ku rhuketelaka ndzi ta n'wi rhuketela. Kutani vanhu hinkwavo laha misaveni va ta katekisiwa hikwalaho ka wena.”

Timhaka 3:13

Xikwembu xa Abrahama ni xa Isaka ni xa Yakobo, Xikwembu xa vatata wa hina, xi dzunisile nandza wa xona Yesu, loyi mi n'wi nyiketeke, mi tlhela mi n'wi landzula emahlweni ka Pilato; kambe Pilato yena a a vurile leswaku a ntshunxiwa.

Vaheveru 7:24

Kasi ntirho wa yena wa vuprista, Yesu ú wu khomela makumu, hikuva ú hanya hi masiku ni masiku.

Luka 20:44

“Kutani loko Davhida a vula Mesiya a ku i N'wini wa yena, xana a nga va n'wana wa yena hi ndlela yihi xana?”