Varhoma 9:4 - BIBELE Mahungu Lamanene

⁴ Ndzi vula Vaisraele, vona lava va nga endliwa vana va Xikwembu, va nyikiweke ku kwetsima ka xona, ni mintwanano, ni Nawu, ni vukhongeri bya xiviri, ni switshembiso.

Testamente Leyimpsha Xichangana

⁴ Nivula Vaisrayele, vona lava vangayendliwa vana va Xikwembu, vanyikiweke kukwetsima ka xona, ni mintwananu, ni Nawu, ni vukhongeli bza xiviri, ni svitshembiso.

Xitsonga (Bibele)

⁴ va nga Vaisraele, volavo, ku hlayiwa vana ku nga ka vona, ni ku kwetsima, ni ntwanano, ni nawu, ni ku gandzela, ni ku tshembisiwa;

Varhoma 9:4 Referans Kwoze

Vaefesa 2:12

Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

Pisalema 147:19

HOSI Xikwembu xi tivisile va ka Yakobo erito ra xona, xi dyondzisa Vaisraele milawu ni swiboho swa xona.

Varhoma 9:6

A swi vuli leswaku rito ra Xikwembu ri tsandzekile. Hikuva a hi hinkwavo lava humaka ka Israele lava nga Vaisraele va xiviri;

Genesa 17:2

Ndzi ta endla ntwanano exikarhi ka mina na wena, naswona ndzi ta ku nyika vatukulu lavo tala ngopfu.”

Timhaka 2:39

hikuva xitshembiso lexi xi endleriwe n'wina ni vana va n'wina, ni va le kule hinkwavo lava nga ta vitaniwa hi Hosi Xikwembu xa hina.”

Duteronoma 7:6

“N'wina, mi rixaka leri hlawuleriweke HOSI Xikwembu xa n'wina. Xi mi hlawurile exikarhi ka vanhu va matiko hinkwawo lama nga kona emisaveni, leswaku mi va vanhu va xona va xiviri.

Eksoda 4:22

U ta ku ka Faro: ‘HOSI Xikwembu xi vurisa sweswo xi ri: Israele i mativula ya mina,

Vaheveru 9:1

Sweswi ke, hambi wu ri ntwanano lowo sungula a wu ri ni milawu ya magandzelele ni xivandla lexi hlawulekeke xo endliwa hi vanhu.

Pisalema 89:3

Wena u vurile u ku: “Ndzi endlile ntwanano ni muhlawuriwa wanga. Emahlweni ka Davhida nandza wa mina ndzi tibohile hi ku hlambanya ndzi ku:

1 TIHOSI 8:11

kutani vaprista va tsandzeka ku ya emahlweni ni ntirho wa vona hikwalaho ka papa, hikuva ku dzuneka ka HOSI Xikwembu a ku tatile yindlu ya yona.

Varhoma 8:15

Hikuva Moya lowu mi nga nyikiwa wona, a wu mi endli mahlonga ni ku tlhela wu mi vangela ku chava, kambe wu mi endla vana; hi matimba ya Moya lowu, hi huwelela hi ku: “Abba, Tatana!”

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Duteronoma 14:1

“N'wina mi vanhu va HOSI Xikwembu xa n'wina, kutani loko ku tshuka ku lovile munhu, mi nga tlhaveli tinhlanga kumbe ku byewula nhloko,

Genesa 17:7

Ndzi ta endla ntwanano exikarhi ka mina na wena, ni vatukulu va wena lava nga ta sala va hanya endzhaku ka wena; ntwanano lowu wu ta va kona hilaha ku nga heriki, kutani ndzi ta va Xikwembu xa wena ni xa vatukulu va wena.

Vaheveru 9:10

kambe swo tirha eka swakudya, ni swakunwa, ni mikhuva leyo tala ya ku tibasisa, ni milawu ya swa miri leyi vekiweke, ku ko ku fika nkarhi wa ku ololoxa hinkwaswo.

Vaheveru 9:3

Le ndzhaku ka nguvu leya vumbirhi ya xisirhelelo, a ku ri ni ntsonga lowu vuriwaka “Xivandla xo Hlawuleka ngopfu”.

Yohane 1:47

Yesu a vona Nataniele a ri karhi a ta a n'wi kongomile, kutani a vulavula hi yena, a ku: “Vonani Muisraele wa xiviri, loyi ku nga riki na ku kanganyisa eka yena.”

Matewu 21:33

“Yingisani xifaniso xin'wana: A ku ri ni nkulukumba un'wana loyi a a byarile mirhi ya vhinya ensin'wini ya yena; a biyela hi rihlampfu, a cela xikamelo xo pyanyela kona mihandzu, a aka ni xihondzo; kutani a lerisa vatirhi ku sala va swi vona, yena a teka riendzo a famba.

Hosiya 11:1

Israele ndzi n'wi rhandzile loko a ha ri n'wana, ndzi vitanile n'wananga a huma Egipta.

Yeremiya 31:20

HOSI Xikwembu xi ri: “N'wina va ka Efrayimi, mi vana va mina lava rhandzekaka, lava ndzi va tsakelaka swinene. Hambiloko ndzi mi tshinya minkarhi hinkwayo, a mi suki emiehleketweni ya mina; hikokwalaho, leswi ndzi mi rhandzaka swinene, ndzi ta mi twela vusiwana hakunene!”

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Esaya 60:19

“Ninhlekanhi a wu nga ha voningeriwi hi dyambu, na wona n'weti a wu nga ha ku voningeli, hikuva mina HOSI Xikwembu xa wena, ndzi ta va ku vonakala ka wena, hilaha ku nga heriki, hi mina ndzi nga ta va ku dzuneka ka wena.

Esaya 46:3

HOSI Xikwembu xi ri: “N'wina va ka Yakobo, ndzi lombeni tindleve, ndzi vula n'wina hinkwenu masalela ya Vaisraele: Hi mina ndzi mi rhwaleke ku sukela loko mi velekiwile, ku sukela loko mi vile kona, hi mina ndzi mi tlakuleke.

Esaya 41:8

“Loko mi ri n'wina Vaisraele, malandza ya mina, ndzi vula n'wina va ka Yakobo, vatukulu va munghana wa mina Abrahama, ndzi mi hlawurile.

Esaya 5:2

A a yi rimile a entisa, a susa maribye, a byala swimila swo saseka ngopfu, a aka xihondzo xa varindzi, a kovotla ni khele ro pyanyela ka rona mihandzu; a a langutele ku kuma mihandzu leyo nandziha, kambe ku hume leyo bava.

Pisalema 90:16

Ntirho wa wena a wu tikombe eka hina malandza ya wena, ni lava va ha taka a va hlalele ku dzuneka ka wena.

Pisalema 89:34

Ntwanano wa mina na yena a ndzi nga wu tshovi, ni marito lama humeke enon'weni wa mina a ndzi nga ma hundzuluxi.

Pisalema 78:61

Xi tshike valala va famba ni areka ya xona, yona xikombiso xa matimba ni ku dzuneka ka xona.

Pisalema 73:1

Xikwembu xi komba Vaisraele vunene bya xona lebyikulu, xi komba ni hinkwavo va timbilu leto tenga.

Pisalema 63:2

Ndzi ku langutile eTempeleni ya wena, ndzi vona matimba ya wena ni ku dzuneka ka wena.

Nehemiya 13:29

We Xikwembu xanga, u nga va rivaleli, hikuva va nyamisile ntirho wa vuprista, va nyamisa na ntwanano lowu u wu endleke ni vaprista ni Valevhi.

Duteronoma 31:16

Kutani HOSI Xikwembu xi ku ka Muxe: “Vona, u le kusuhi ni ku fa, kutani vanhu lava va ta sala va ndzi fularhela, va tshova ntwanano lowu ndzi wu endleke na vona. Loko va ri exikarhi ka vamatiko lava va yaka va ya tshama na vona, va ta sungula ku endla vunghwavava, va landzelela swikwembu swa vamatiko lava.

Duteronoma 29:14

Ntwanano lowu wu tiyisiwaka hi ku hlambanya namuntlha, HOSI Xikwembu a xi wu endli na n'wina ntsena;

Duteronoma 29:1

Lawa i marito ya ntwanano lowu HOSI Xikwembu xi leriseke Muxe ku wu endla ni Vaisraele, loko va ri etikweni ra Mowabu; ntwanano lowu, wu landza lowu xi wu endleke na vona entshaveni ya Horebe.

Tinhlayo 7:89

Loko Muxe a ya nghena eka Ntsonga lowo Hlawuleka ku ya vulavula na HOSI Xikwembu, a twa HOSI Xikwembu xi vulavula na yena, rito ra xona ri huma exikarhi ka Areka ya Ntwanano; kutani na yena a a vulavula na xona.

Eksoda 40:34

Kutani papa ri khubumeta Ntsonga lowo Hlawuleka, ku kwetsima ka HOSI Xikwembu ku tata Ntsonga.

Eksoda 34:27

Kutani HOSI Xikwembu xi ku ka Muxe: “Tsala marito lawa, hikuva ndzi bohile ntwanano na wena na Vaisraele, hi ku landza wona.”

Eksoda 12:25

Loko mi fika etikweni leri HOSI Xikwembu xi tshembiseke ku mi nyika rona, mi ta hlayisa maendlele lawa ya nkhuvo.

Genesa 32:28

Kutani a ku: “Vito ra wena a ri nga ha vi Yakobo, kambe u ta va Israele, hikuva u pfinyanile ni Xikwembu ni vanhu, kambe u hlurile.”

Genesa 17:10

Ntwanano lowu mi faneleke ku wu hlayisa, lowu nga ta va kona exikarhi ka mina na wena, ni vatukulu va wena lava nga ta velekiwa, hi lowu: Munhu un'wana ni un'wana wa xinuna ú fanele ku yimbisiwa.

Genesa 15:18

Hi siku rero, HOSI Xikwembu xi endla ntwanano na Abrama, xi ku ka yena: “Tiko leri, ndzi ta ri nyika vatukulu va wena, ku sukela endzilekaneni wa tiko ra Egipta ku ya fika enambyeni lowukulu wa Yufrata,

Varhoma 3:2

Ka pfuna ngopfu, hi matlhelo hinkwawo. Mhaka yo sungula hileswaku Xikwembu xi vekile switshembiso swa xona emavokweni ya Vayuda.

Duteronoma 4:13

Kutani xi hlamuserile ndlela leyi mi nga ta hlayisa ntwanano wa xona ha yona, ku nga ku hlayisa Milawu ya Khume leyi xi yi tsaleke ehenhla ka maribye mambirhi ya swiphepherhele.

Ezekiele 1:28

Ku voninga ka kona a ku sasekile ku fana ni nkwangulatilo, loko wu vonaka emapapeni esikwini ra mpfula. Xilo lexi vangamaka lexi, a ku ri kona ku dzuneka ka HOSI Xikwembu. Loko ndzi xi vona, ndzi wela hansi hi mombo, kutani ndzi twa un'wana a ri karhi a vulavula na mina.

2 Vakorinto 11:22

Xana i Vaheveru? Na mina ndzi Muheveru. Xana i Vaisraele? Na mina ndzi Muisraele. Xana i vatukulu va Abrahama? Na mina ndzi ntukulu wa yena.

Vagalatiya 3:16

Sweswi ke, switshembiso swi nyikiwile Abrahama ni wa rixaka ra yena; a ku vuriwanga “ni va rixaka”, wonge hi loko ku vuriwa lavo tala; kambe ku vuriwile “ni wa rixaka ra wena”, hileswaku munhu un'we a nga Kriste.

Vaheveru 9:5

Ehenhla ka areka ya ntwanano a ku ri ni tikerubu leto vangama leti a ti ungamerile xitshamu xa ndzivalelo. Kambe hi nga ka hi nga hlayi swilo leswi ha xin'we-xin'we.

Vaheveru 9:6

Leswi swilo swa kona swi lunghisiweke hi ndlela yoleyo, vaprista va nghena kambe na kambe entsongeni wo rhanga wa le handle, va endla ntirho wa vona wa magandzelo.