Varhoma 8:5 - BIBELE Mahungu Lamanene

⁵ Hikuva lava hanyaka hi ku yingisa ntumbuluko wa laha misaveni, va ni mianakanyo leyi fumiwaka hi swa ntumbuluko lowu; kambe lava hanyaka hi ku yingisa Moya, va ni mianakanyo leyi fumiwaka hi swa Moya.

Testamente Leyimpsha Xichangana

⁵ Hikuva lavahanyaka hi kuyingisa miri, va ni miyanakanyu leyifumiwaka hi sva miri lowu; kambe lavahanyaka hi kuyingisa Moya, va ni miyanakanyu leyifumiwaka hi sva Moya.

Xitsonga (Bibele)

⁵ Hikuva lava fambaka hi nyama va anakanya swa nyama; kambe lava fambaka hi Moya, va anakanya swa Moya.

Varhoma 8:5 Referans Kwoze

1 Vakorinto 2:14

Munhu loyi a nga riki na Moya, a nga amukeri swa Moya wa Xikwembu, hikuva eka yena i vuhunguki; kutani wa hluleka ku swi twisisa, hikuva swi fanele ku avanyisiwa hi Moya.

Yohane 3:6

Nyama yi tswala swa nyama; kambe Moya wu tswala swa moya.

Varhoma 8:9

Kasi loko mi ri n'wina, a mi fumiwi hi ntumbuluko wa laha misaveni, kambe mi fumiwa hi Moya, loko hakunene Moya wa Xikwembu wu akile eka n'wina. Loko munhu a nga ri na Moya wa Kriste, a hi munhu wa yena.

Marka 8:33

Kambe Yesu a hundzuluka; kuteloko a langutile vadyondzisiwa va yena, a tshinya Petro, a ku: “Suka ka mina Sathana, hikuva a wu ehleketi swa Xikwembu, u ehleketa swa vanhu ntsena.”

2 Vakorinto 10:3

Hakunene hi hanya kwala misaveni, kambe nyimpi leyi hi yi lwaka a hi yo lwela swa misava.

2 Petro 2:10

ngopfu-ngopfu lava landzaka swa ntumbuluko wa vona wa laha misaveni, va navela ku titsakisa hi swilo swa thyaka, va sandza ni vuhosi bya Xikwembu. Vanhu lava va titshemba ngopfu, naswona va titiva; a va chavi ku sandza swa le henhla leswi kwetsimeke.

Vaefesa 5:9

hikuva ku vonakala, hi kona loku vekaka mihandzu leyo tala, yi nga ya vunene ni ku lulama ni ntiyiso.

1 Vakorinto 15:48

Vanhu lava vumbiweke hi ntshuri va fana ni munhu loyi wa ntshuri; ni vanhu va le tilweni va fana ni munhu loyi wa le tilweni.

Vagalatiya 5:17

hikuva ku navela ka nyama ku lwa ni Moya; naswona ku navela ka Moya ku lwa ni nyama. Swilo leswi swimbirhi swa lwetana, kutani ma hluleka ku endla leswi mi lavaka ku swi endla.