Varhoma 8:4 - BIBELE Mahungu Lamanene

⁴ Xikwembu xi endlile leswi, leswaku hina hi hanyaka ku nga ri hi ku landza swa ntumbuluko wa laha misaveni kambe hi ku landza swa Moya, hi kota ku yingisa hi ku hetiseka swileriso leswo lulama swa Nawu.

Testamente Leyimpsha Xichangana

⁴ Xikwembu xiyendlile lesvi, lesvaku hina hihanyaka kungali hi kulandza sva miri kambe hi kulandza sva Moya, hikota kuyingisa hi kuhetiseka svileriso lesvolulama sva Nawu.

Xitsonga (Bibele)

⁴ ku va leswaku ku lulama ka nawu ku ta hetiseka eka hina, lava hi nga fambiki hi nyama, kambe hi fambaka hi Moya.

Varhoma 8:4 Referans Kwoze

Vagalatiya 5:16

Leswi ndzi swi vulaka hi leswi: Fambani hi Moya, kutani mi nga ka mi nga korwisi ku navela ka ntumbuluko wa n'wina wa nyama;

Vakolosa 1:22

kambe sweswi Xikwembu xi endlile leswaku mi vuyelelana na xona, hi N'wana wa xona la nga hanya a ri munhu, a tlhela a fa leswaku mi tisiwa eka Xikwembu mi ri lava hlawulekeke, mi nga ri na xisandzu kumbe ku soleka emahlweni ka xona.

Yuda 1:24

Eka yena loyi a nga ni matimba ya ku mi hlayisa leswaku mi nga khuguriwi mi wa, eka yena la kwetsimaka, la kotaka ku mi yimisa emahlweni ka yena mi nga ri na xivati, mi tsakile,

Vaheveru 12:23

ni le nhlengeletanweni ya vanhu va mativula lava marito ya vona ma tsariweke etilweni, ni le ka Muavanyisi loyi a nga Xikwembu xa vanhu hinkwavo, ni le ka mimoya ya vanhu lavo lulama lava nyikiweke ku hetiseka;

Nhlavutelo 14:5

A ku humanga vunwa emilon'weni ya vona ni siku ni rin'we; va hava xivati.

1 Yohane 3:2

Varhandziwa, sweswi hi vana va Xikwembu. A swi si tikomba swinene leswi hi nga ta va swona, kambe ha swi tiva leswaku loko Kriste a humelela, hi ta fana na yena, hikuva hi ta n'wi vona hi xiviri xa yena.

Varhoma 2:26

Kambe loko munhu la nga yimbangiki a hlayisa swileriso swa Nawu, ú ta hlayiwa la yimbeke, hambiloko a nga yimbanga.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Varhoma 3:31

Loko swi ri tano, xana hi dlaya Nawu hi mhaka ya ku pfumela xana? Nikutsongo! Kambe hi tiyisa Nawu.

2 Vakorinto 10:2

Ndza mi kombela, mi nga ndzi sindzisi ku mi komba vunhenha lebyi, loko ndzi ta, hi ku titshemba loku ndzi ehleketaka leswaku ndzi nga va na kona, hikuva ndzi nga lwa ni lava va anakanyaka leswaku hi hanya hi ku landza swa misava leyi.

2 Vakorinto 10:3

Hakunene hi hanya kwala misaveni, kambe nyimpi leyi hi yi lwaka a hi yo lwela swa misava.