Varhoma 8:32 - BIBELE Mahungu Lamanene

³² Xona hakunene, lexi nga tsetselelangiki N'wana wa xona wa xiviri kambe xi n'wi nyiketile hikwalaho ka hina hinkwerhu, xana xi nga tsandzekisa ku yini ku hi nyika swilo hinkwaswo mahala xana, kasi xi hi nyikile ni N'wana wa xona?

Testamente Leyimpsha Xichangana

³² Xona, lexingatsetselelangiki N'wana wa xona wa xiviri kambe ximunyiketa hikolaho ka hina hinkwerhu, xana xingatsandzekisa kuyini kuhinyika svilo hinkwasvu mahala ke, kasi xihinyikile ni N'wana wa xona?

Xitsonga (Bibele)

³² Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

Varhoma 8:32 Referans Kwoze

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga un'we, leswaku un'wana ni un'wana la pfumelaka ka yena, a nga lovi, kambe a va ni vutomi lebyi nga heriki.

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

1 Yohane 4:10

Rirhandzu ra kona i rikulu, hikuva a hi hina hi rhandzeke Xikwembu, kambe hi xona xi hi rhandzeke, kutani xi rhumele N'wana wa xona ku va mhamba ya swidyoho swa hina.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

1 Vakorinto 2:12

Hina a hi amukelanga moya wa misava leyi, kambe hi amukerile Moya lowu humaka eka Xikwembu, leswaku hi ta tiva hinkwaswo leswi hi nyikiweke swona hi Xikwembu.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Varhoma 4:25

Hi yena Yesu la nga nyiketiwa leswaku a dlawa hikwalaho ka milandzu ya hina, a tlhela a pfuxiwa eku feni leswaku hi ta ntshunxiwa eka yona.

Esaya 53:10

A ku ri ku rhandza ka HOSI Xikwembu leswaku a twisiwa ku vava, a kombiwa maxangu. Leswi a tinyiketeke ku va mhamba yo riha swidyoho, ú ta vona vatukulu va yena, a hanya malembe layo tala; hi yena la nga ta yisa mahlweni ntirho wa HOSI Xikwembu.

Matewu 3:17

Kutani ku twakala rito leri humaka etilweni, ri ku: “Loyi i N'wananga la rhandzekaka, loyi ndzi n'wi tsakelaka.”

Nhlavutelo 21:7

Loyi a hlulaka, ú ta kuma ndzhaka ya swilo leswi, kutani ndzi ta va Xikwembu xa yena, na yena a va n'wana wa mina.”

Genesa 22:12

Yi ku ka yena: “N'wana yoloye u nga tshuki u n'wi endla nchumu, ni ku n'wi khumba u nga n'wi khumbi. Sweswi ndza swi tiva leswaku wa xi chava Xikwembu, hikuva a wu alanga ku xi nyika n'wana wa wena loyi a ngo va un'we.”

2 Vakorinto 4:15

Hinkwaswo leswi swi endliwile hikwalaho ka n'wina, leswaku loko tintswalo ta Xikwembu ti ri karhi ti andza, ti andzisa ni ntsengo wa lava nga ta nkhensa va vuyelela, eku dzuniseni ka Xikwembu.

Varhoma 11:21

Hikuva loko Xikwembu xi nga tsetselelanga marhavi ya xiviri, na wena a xi nga ku tsetseleri.

Matewu 7:11

Kutani ke, leswi n'wina vanhu va tihanyi mi tivaka ku nyika vana va n'wina swilo leswinene, xana Tata wa n'wina la nge matilweni, a nge tlurisi ngopfu ku nyika leswinene eka lava kombelaka eka yena xana?

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.