Varhoma 8:3 - BIBELE Mahungu Lamanene

³ Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Testamente Leyimpsha Xichangana

³ Lesvi Nawu wuhlulekeke kusviyendla, hi mhaka ya gome mirini wa laha misaveni, Xikwembu xisvikotile: Xiyavanyisile kujoha mirini hi kurhumela N'wana wa xona hi yexe, na ali ni miri lowufanaka ni miri wa hina wofumiwa hi kujoha, lesvaku atakota kuyavanyisa xijoho mirini.

Xitsonga (Bibele)

³ Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Varhoma 8:3 Referans Kwoze

Timhaka 13:39

sweswi un'wana ni un'wana la pfumelaka wa pemberisiwa ka swona ha Yesu.

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Vaheveru 10:14

Hikuva, hi ku humesa magandzelo kan'we ntsena, ú endlile leswaku lava nga hlawulekisiwa, va kuma ku hetiseka loku nga heriki.

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Varhoma 6:6

Leswi hi swi tivaka hileswaku munhu wa hina wa khale ú vambiwile na Kriste exihambanweni leswaku matimba ya munhu loyi wa ku dyoha ma herisiwa, ni leswaku hi ta ka hi nga ha vi mahlonga ya ku dyoha.

Vagalatiya 3:21

Loko swi ri tano, xana Nawu wu lwa ni switshembiso swa Xikwembu xana? Niswitsanana! Hikuva loko onge ku vekiwile nawu lowu wu kotaka ku nyika vanhu evutomi, vanhu a va ta endliwa lava lulameke hi ku hlayisa Nawu;

Varhoma 8:32

Xona hakunene, lexi nga tsetselelangiki N'wana wa xona wa xiviri kambe xi n'wi nyiketile hikwalaho ka hina hinkwerhu, xana xi nga tsandzekisa ku yini ku hi nyika swilo hinkwaswo mahala xana, kasi xi hi nyikile ni N'wana wa xona?

Varhoma 3:20

Hikuva a ku na munhu ni un'we loyi a nga ta hlayiwa la lulameke emahlweni ka xona hi mhaka ya leswi a nga endla hi ku lerisa ka Nawu; ntiyiso wa kona hileswaku Nawu wu komba lexi ku dyoha ku nga xona.

Vaheveru 2:14

Hikokwalaho, leswi vana va nga va nyama ni ngati yin'we hinkwavo, swi tano na yena: I wa ntumbuluko wun'we na vona leswaku, hi rifu ra yena, a ta kota ku herisa loyi a nga ni matimba ya rifu, a nga yena Diyavulosi,

Vafilipiya 2:7

kambe ú titshiketile hi ku teka xiyimo xa nandza, a velekiwa a ri la fanaka ni vanhu. Loko a voniwile a ri la kotisaka munhu,

Vaheveru 10:12

Kasi Kriste ú humesile kan'we gandzelo rin'we ro susa swidyoho, a ri humesela vanhu va minkarhi hinkwayo, kutani ú yile a ya tshama evokweni ra xinene ra Xikwembu.

Vaheveru 4:15

Hikuva Muprista Lonkulu loyi hi nga na yena a hi loyi a tsandzekaka ku hi twela vusiwana emikarhalweni ya hina, kambe hi loyi a ringiweke hi matlhelo hinkwawo ku fana na hina, ntsena yena a nga dyohanga.

Vaheveru 2:17

Hikokwalaho swi nga fanela leswaku a endliwa la fanaka ni vamakwavo hi matlhelo hinkwawo, a ta va Muprista Lonkulu wa tintswalo ni loyi a tshembekeke entirhweni wa Xikwembu, leswaku a susa swidyoho swa vanhu.

Varhoma 9:3

Hikuva a ndzi ta navela, mina hi xiviri xa mina, ku va loyi a cukumetiwaka, ndzi hambanisiwa na Kriste hikwalaho ka vona lava va nga va rixaka ra ka hina hi ku velekiwa.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Yohane 9:24

Va tlhela va vitana kambe munhu loyi a a file mahlo, va ku ka yena: “Hlambanya emahlweni ka Xikwembu! Hina ha swi tiva leswaku munhu loyi i mudyohi.”

Marka 15:27

Va n'wi vamba ni swigevenga swimbirhi, xin'wana evokweni ra yena ra xinene, xin'wana eka lera ximatsi. [

Tinhlayo 28:22

Va ta tlhela va tlhava xiphongho xin'we, va humesa mhamba yo susa swidyoho, leswaku va ta basisiwa.

Varhoma 7:18

Hikuva ndza swi tiva leswaku leswinene a swi akanga eka mina, hileswaku entumbulukweni wa mina wa laha misaveni; ku navela ku endla leswo lulama ku kona eka mina; kambe ku swi endla a ku kona.

Tinhlayo 21:9

Muxe a vumba nyoka hi koporo, kutani a yi hayeka emhandzeni. Loko munhu un'wana a tshuka a lumiwile hi nyoka, a a languta leyi ya koporo, kutani a hanya.