Varhoma 8:13 - BIBELE Mahungu Lamanene

¹³ Loko mi hanya hi ku yingisa ntumbuluko wa n'wina, mi ta fa; kambe loko mi dlaya mikhuva leyo biha ya miri hi matimba ya Moya, mi ta hanya.

Testamente Leyimpsha Xichangana

¹³ Loko mihanya hi kuyingisa miri wa n'wina, mitafa; kambe loko midlaya mikhuva leyobiha ya miri hi matimba ya Moya, mitahanya.

Xitsonga (Bibele)

¹³ Hikuva, loko mi hanya eku rhandzeni ka nyama mi ta fa; kambe loko mi dlaya mitirho ya miri hi Moya, mi ta hanya.

Varhoma 8:13 Referans Kwoze

Vagalatiya 6:8

loyi a byalaka swo tsakisa ntumbuluko wa yena wa nyama, ú ta tshovela leswo bola leswi humaka eka ntumbuluko wa yena wolowo; kambe loyi a byalaka swo tsakisa Moya, ú ta tshovela leswi humaka eka Moya, byi nga vutomi lebyi nga heriki.

1 Petro 2:11

Varhandziwa, leswi mi nga valuveri ni vaendzi emisaveni, ndza mi khongotela hi matimba ku hambana ni ku navela ka miri, loku lwaka ni mimoya ya n'wina.

1 Vakorinto 9:27

kambe ndzi xanisa miri wa mina, ndzi wu endla hlonga, leswaku ndzi nga kumeki ndzi ri la tsandzekaka, endzhaku ka loko mina ndzi ta va ndzi dyondzisile van'wana.

Tito 2:12

ti hi dyondzisa ku tshika ku hanya ehandle ka Xikwembu ni ku navela swa misava, kutani hi hanya emisaveni leyi hi ku tikhoma, ni ku lulama, ni vukhongeri,

Vagalatiya 5:24

Lava nga va ka Kriste Yesu va vambile nyama ni swa yona, swi fa; a va ha swi hisekeli, a va ha swi naveli.

Vaefesa 4:22

Hikokwalaho, tshikani mahanyelo ya n'wina ya khale, mi hluvula munhu wa khale loyi a a onhiwa hi mhaka ya ku navela ka yena loku kanganyisaka.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Varhoma 7:5

Hikuva, loko ha ha hanyela swa ntumbuluko wa hina, ku navela loku nga na ku dyoha, loku a ku pfuxiwa hi mhaka ya Nawu, a ku tirha eswirhweni swa hina, kutani mihandzu ya kona a ku ri ku fa.

Vaefesa 5:18

Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

Varhoma 6:21

Xana a mi tshovela yini eminkarhini yoleyo, hi ku endla swilo leswi sweswi swi mi khomisaka tingana, xana? Hikuva makumu ya swona i rifu.

Vaefesa 4:30

Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Varhoma 8:12

Hikokwalaho, vamakwerhu, ha boheka ku ka hi nga hanyi hi ku yingisa ntumbuluko wa laha misaveni.

Ntirho 20:13

a nga pfumeli ku hambana na swona, swin'wana a swi fundza kunene.