Varhoma 8:1 - BIBELE Mahungu Lamanene

¹ Kutani sweswi a ka ha ri na ku avanyisiwa eka lava nga va ka Kriste Yesu.

Testamente Leyimpsha Xichangana

¹ Kutani svosvi akahali na kuyavanyisiwa ka lava vanga ka Kriste Yesu.

Xitsonga (Bibele)

¹ Kutani sweswi, a ka ha ri na ku avanyisiwa eka lava nga ka Yesu Kriste.

Varhoma 8:1 Referans Kwoze

2 Vakorinto 5:17

Loko munhu a ri ka Kriste, ku tumbuluka leswintshwa; swa khale swi hundzile, ku nghenile leswintshwa.

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Varhoma 5:1

Loko swi ri tano, leswi hi nga endliwa lava lulameke hi mhaka ya ku pfumela, hi ni ku rhula ni Xikwembu, hi Hosi ya hina Yesu Kriste;

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Varhoma 8:34

Kriste Yesu loyi a feke, kumbe hi nga ku, yena loyi a pfuxiweke eku feni, wa ha ri yena loyi a nga evokweni ra xinene ra Xikwembu, kutani hi yena loyi a hi khongelelaka.

Yohane 5:24

“Ndzi tiyisisile ndzi ri ka n'wina, la yingisaka rito ra mina, a va a pfumela eka Loyi a ndzi rhumeke, ú ni vutomi lebyi nga heriki; kutani a nga ka a nga avanyisiwi, kambe ú humile eku feni a ya nghena evutomini.

Yohane 15:4

Tshamani eka mina, kukotisa leswi na mina ndzi tshamaka eka n'wina. Tanihi leswi rhavi ri nga kotiki ku veka ha roxe loko ri nga namarheli nsinya, na n'wina mi nge swi koti loko mi nga ndzi namarheli.

Vafilipiya 3:9

ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.

Esaya 54:17

hikokwalaho, matlhari hinkwawo lama endleriweke ku ku dlaya, a ma nga pfuni nchumu, u ta kaneta ni vanhu hinkwavo lava va ku lumbetaka ehubyeni. Leyi hi yona ndzhaka ya malandza ya mina HOSI, ndzi ta va lwela hi ndlela yoleyo. Ndzi vurisa sweswo, mina HOSI.”

Varhoma 8:14

Vanhu hinkwavo lava fambisiwaka hi Moya wa Xikwembu i vana va Xikwembu.

1 Vakorinto 15:22

Kukotisa leswi hinkwavo va faka hikwalaho ka Adamu, hi mukhuva wolowo, hinkwavo va ta tlhela va pfuxiwa hikwalaho ka Kriste.

Vagalatiya 5:16

Leswi ndzi swi vulaka hi leswi: Fambani hi Moya, kutani mi nga ka mi nga korwisi ku navela ka ntumbuluko wa n'wina wa nyama;

Varhoma 8:4

Xikwembu xi endlile leswi, leswaku hina hi hanyaka ku nga ri hi ku landza swa ntumbuluko wa laha misaveni kambe hi ku landza swa Moya, hi kota ku yingisa hi ku hetiseka swileriso leswo lulama swa Nawu.

Varhoma 8:39

leyi nge henhla mpfhukeni kumbe leyi nge hansi ka misava, hambi xi nga va xivumbiwa xihi na xihi, ndzi ri: Ku hava lexi nga ta kota ku hi hambanisa ni rirhandzu ra Xikwembu leri nga kombisiwa ha Kriste Yesu, Hosi ya hina.

Vagalatiya 5:25

Leswi Moya wu hi nyikeke vutomi, a hi hanyeni hi ku letela ka wona.

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

Yohane 14:20

Hi siku ra kona, mi ta tiva leswaku ndzi le ka Tata wa mina, ni leswaku na n'wina mi le ka mina, kukotisa leswi na mina ndzi nga eka n'wina.

Varhoma 7:20

Swi komba leswaku loko ndzi endla leswi ndzi nga naveliki ku swi endla, a nga ha ri mina hi xiviri xa mina la swi endlaka, kambe i ku dyoha loku akeke eka mina.

Varhoma 7:17

Hikokwalaho ke a nga ha ri mina la vangaka swona, kambe i ku dyoha loku akeke eka mina.

2 Vakorinto 12:2

Ndzi tiva munhu wa ka Kriste loyi a tlakuriweke a yisiwa etilweni ra le henhla-henhla, ku hundze malembe ya 14 sweswi (kumbe a a ri emirini wa yena, kumbe a a nga ri eka wona, a ndzi swi tivi, swo tiva hi Xikwembu).

Varhoma 16:7

Ndzi runguleleni Androniko na Yuniya, va nga Vayuda va ka hina lava a ndzi ri na vona ekhotsweni; va tiveka swinene exikarhi ka vaapostola, naswona va ndzi rhangele ku va va ka Kriste.

Varhoma 16:3

Ndzi runguleleni Prisila na Akwila, vatirhi-kulorhi entirhweni wa Kriste Yesu,

Ezekiele 18:9

Ú landzelela milawu ya mina, a hlayisa ni swiletelo swa mina, a hanya ha swona. Hakunene munhu wo tano ú ta kuma ku hanya, hikuva ú lulamile. Ndzi vula sweswo mina HOSI N'wini wa hinkwaswo.

Varhoma 5:16

Ku ni ku hambana exikarhi ka nyiko ya Xikwembu ni leswi vangiweke hi ku dyoha ka munhu un'we loyi; hikuva ku avanyisa loku endliweke hikwalaho ka nandzu wun'we, ku tisile ku biwa, kasi ntirho wa tintswalo lowu endliweke ni loko milandzu yi ri leyo tala, wu tisile ku ntshunxiwa

Varhoma 8:2

Hikuva nawu wa Moya lowu nyikaka vutomi ha Kriste Yesu, wu ndzi ntshunxile eka nawu wa ku dyoha ni wa rifu.

Varhoma 8:9

Kasi loko mi ri n'wina, a mi fumiwi hi ntumbuluko wa laha misaveni, kambe mi fumiwa hi Moya, loko hakunene Moya wa Xikwembu wu akile eka n'wina. Loko munhu a nga ri na Moya wa Kriste, a hi munhu wa yena.

Varhoma 8:11

Kutani loko Moya wa Xikwembu lexi nga pfuxa Yesu exikarhi ka vafi wu akile eka n'wina, yena loyi a pfuxeke Kriste exikarhi ka vafi, ú ta hanyisa miri wa n'wina wa ku fa, hi Moya wa yena lowu akeke eka n'wina.

Vagalatiya 3:26

Hikuva eka Kriste Yesu hinkwenu mi vana va Xikwembu hi mhaka ya ku pfumela.

Vaefesa 1:1

Mina Pawulo, muapostola wa Kriste Yesu hi ku rhandza ka Xikwembu, ndzi tsalela vahlawuriwa va Xikwembu [lava nga le Efesa], lava tshembekaka eka Kriste Yesu, ndzi ri: