Varhoma 7:7 - BIBELE Mahungu Lamanene

⁷ Loko swi ri tano, xana hi nga vula yini ke? Xana Nawu i ku dyoha ke? Niswitsanana! Hambiswiritano, a ndzi nga ta tiva leswi ku dyoha ku nga swona, loko Nawu a wu nga vanga kona; hikuva a ndzi nga ta tiva leswi ku navela loko biha ku nga swona, loko Nawu a wu nga vulanga wu ku: “U nga tshuki u navela!”

Testamente Leyimpsha Xichangana

⁷ Loko svilitano, ahitavula yini ke? Xana Nawu i kujoha ke? Nikutsongo! Hambi svilitano, aningatativa lesvi kujoha kunga xisvona, loko Nawu awungavanga kona; hikuva aningatativa lesvi kunavela lokobiha kunga xisvona, loko Nawu awungahlayanga wuku: “Ungatshuki unavela!”

Xitsonga (Bibele)

⁷ Hi ta ku yini-ke? Xana nawu wu bihile xana? A swi tano! Kambe loko a ku nga ri hi nawu, ingi ndzi nga tivanga vudyoho; hikuva a ndzi nga tivi ku navela, loko ngi nawu a wu nga vulanga leswaku: “U nga tshuki u navela!”

Varhoma 7:7 Referans Kwoze

Varhoma 3:20

Hikuva a ku na munhu ni un'we loyi a nga ta hlayiwa la lulameke emahlweni ka xona hi mhaka ya leswi a nga endla hi ku lerisa ka Nawu; ntiyiso wa kona hileswaku Nawu wu komba lexi ku dyoha ku nga xona.

Eksoda 20:17

“U nga tshuki u navela yindlu ya munhu-kuloni, hambi a ri nsati wa yena, u nga n'wi naveli; ni nandza wa yena wa xinuna kumbe wa xisati, ni homu ya yena, ni mbhongolo ya yena, kumbe xilo xihi ni xihi lexi nga xa yena, u nga tshuki u xi navela.”

Varhoma 4:15

hikuva nawu wu vanga vukari, kambe laha ku nga hava nawu, ku hava ni ku wu tlula.

1 Vakorinto 15:56

Ndzhombo wa rifu i xidyoho, kutani matimba ya xidyoho i Nawu.

Duteronoma 5:21

“ ‘U nga tshuki u navela nsati wa munhu-kuloni; naswona u nga tshuki u navela yindlu ya yena, hambi nsimu ya yena, kumbe nandza wa yena wa xinuna ni wa xisati; ni homu ya yena, kumbe mbhongolo ya yena, kumbe xilo xihi na xihi lexi nga xa yena, u nga tshuki u xi navela.’

Varhoma 13:9

Hakunene milawu leyi nge: “U nga tshuki u oswa, u nga tshuki u dlaya, u nga tshuki u yiva, u nga tshuki u navela swa van'wana”, hambi yi ri milawu yin'wana hinkwayo, yi katsakanyiwa hi rito leri nge: “Rhandza munhu-kuloni kukota loko u tirhandza.”

Varhoma 7:8

Kambe ku dyoha ku kumile ndlela hi mhaka ya xileriso, kutani ku pfuxile ku navela ka tinxaka-xaka endzeni ka mina; hikuva ehandle ka Nawu, ku dyoha ku file.

1 Vatesalonika 4:5

ku nga ri hi ku navela loku hisaka, ku fana ni vamatiko lava nga tiviki Xikwembu.

Varhoma 3:5

Kambe xana hi ta ku yini, loko ku homboloka ka hina ku endla leswaku ku lulama ka Xikwembu ku kombisiwa erivaleni xana? Xana hi ta vula leswaku Xikwembu xi hombolokile loko xi hi ba eku kariheni ka xona ke? (Ndzi vulavula hi mukhuva wa vanhu.)

Vakolosa 3:5

Loko swi ri tano, dlayani leswi swi nga swa misava eka n'wina, hileswaku vuoswi, ni swa thyaka, ni ku hisekela swa tingana, ni ku navela loko biha, ni makwanga, ku nga ku gandzela swikwembu swa hava.

Vaefesa 5:3

Mi vahlawuriwa va Xikwembu, kutani vuoswi, ni swa thyaka hinkwaswo, ni makwanga, a swi laveki exikarhi ka n'wina, ni ku kumbuka swi nga kumbukiwi.

Varhoma 7:13

Loko swi ri tano, xana xilo lexinene, hi xona lexi nga ndzi vangela rifu xana? Niswitsanana! Kambe i ku dyoha, leswaku ku dyoha loku ku tikomba leswi ku nga swona; kutani ku ndzi vangele rifu hi ku tirhisa xilo lexinene; a swi ri leswaku, hi mhaka ya xileriso, ku dyoha ku kombisisa swinene ku biha ka kona.

Varhoma 7:11

Hikuva ku dyoha ku kumile ndlela hi mhaka ya xileriso, kutani ku ndzi xisile, ni ku ndzi dlaya hikwalaho ka xileriso lexi.

Varhoma 7:5

Hikuva, loko ha ha hanyela swa ntumbuluko wa hina, ku navela loku nga na ku dyoha, loku a ku pfuxiwa hi mhaka ya Nawu, a ku tirha eswirhweni swa hina, kutani mihandzu ya kona a ku ri ku fa.

Varhoma 6:15

Kutani ke? Xana hi ta dyoha, hileswi hi nga riki ehansi ka Nawu, kambe hi ri ehansi ka tintswalo xana? Niswitsanana!

Varhoma 4:1

Loko swi ri tano, xana hi nga vula leswaku Abrahama, yena loyi rixaka ra hina ri humaka eka yena, ú kume yini xana?

Timhaka 20:33

A ndzi lavanga mali ya silivhere kumbe ya nsuku, hambi xi ri xiambalo, eka munhu ni un'we.

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

Matewu 5:28

Kambe mina ndzi ri ka n'wina: Un'wana ni un'wana la langutaka wansati hi ku n'wi navela, ú n'wi oswile embilwini ya yena.

Mikiya 2:2

Vanhu lava, loko va navela masimu kumbe tindlu, vo tekela van'wana hi nkanu. Va xanisa munhu ni ndyangu wa yena, va n'wi tekela leswi nga ndzhaka ya yena.

Pisalema 119:96

Ndzi vonile leswaku swilo hinkwaswo leswo saseka swa hela, kambe swileriso swa wena swona swi nga ka swi nga heli.

2 SAMIELE 11:2

Siku rin'wana loko dyambu ri ya eku peleni, Davhida a pfuka eku wiseni, kutani a ya, a ya bela hi moya elwangwini ra yindlu ya le ntsindza. Kuteloko a ri kwale, a vona wansati a ri eku hlambeni. Wansati loyi a a sasekile swinene.

Yoxuwa 7:21

Exikarhi ka swilo leswi a hi swi phanghile, ndzi vonile xiambalo xo saseka lexi humaka eXinara, ni silivhere yo tika 2,4 kg, ni gadi ra nsuku ro tika 600 g, kutani ndzi swi navela, hiloko ndzi swi teka; sweswi swilo leswi ndzi swi celerile entsongeni wa mina, ehansi ka swona ndzi rhangisile silivhere.”

Genesa 3:6

Kuteloko wansati a vona leswaku murhi wa kona wa dyiwa, ni leswaku wu koka mahlo, naswona wu nga endla leswaku munhu a tlhariha, a kha mihandzu ya wona, a dya; a teka yin'wana a ya nyika nuna wa yena, a dya.

Luka 20:16

Ú ta ta, a ta lovisa vatirhi volavo, a nyika nsimu ya vhinya eka van'wana.” Loko va twa sweswo, va ku: “Swi nga tshuki swi va tano.”

Varhoma 5:20

Nawu wu nghenile leswaku milandzu yi andza; kambe laha ku dyoha ku andzeke kona, ndzalo ya tintswalo yi vile kona hi ku tlurisa;

Vaheveru 7:19

(hikuva Nawu a wu endlanga xilo ni xin'we xi va lexi hetisekeke); hi tlhelo rin'wana ku tisiwile ku langutela lokuntshwa, loku ha kona hi tshinelelaka Xikwembu.