Varhoma 6:4 - BIBELE Mahungu Lamanene

⁴ Loko swi ri tano, hi ku khuvuleriwa ku fa ka yena, hi lahliwile na yena, leswaku kukotisa leswi Kriste a pfuxiweke exikarhi ka vafi, hi matimba yo kwetsima ya Tatana, na hina hi ta hanya hi mukhuva lowunthswa.

Testamente Leyimpsha Xichangana

⁴ Loko svilitano, hikhuvuleliwa kufa ka yena, hilahliwile na yena, lesvaku kukotisa lesvi Kriste apfuxiweke xikarhi ka vafi, hi matimba ya kukwetsima ya Tatana, na hina hitahanya hi ndlela leyimpsha.

Xitsonga (Bibele)

⁴ Hikwalaho hi yimberiwile swin'we na yena erifuni ra yena hi ku khuvuriwa, leswaku kukota leswi Kriste a pfuxiweke eku feni hi ku kwetsima ka Tatana, hi mukhuva wolowo, na hina, hi hanya hi mukhuva lowuntshwa.

Varhoma 6:4 Referans Kwoze

2 Vakorinto 5:17

Loko munhu a ri ka Kriste, ku tumbuluka leswintshwa; swa khale swi hundzile, ku nghenile leswintshwa.

Vakolosa 3:10

hikuva mi ambarile munhu wa hanyelo lerintshwa loyi a pfuxetiwaka kambe na kambe, leswaku mi kota ku tiva swinene Xikwembu lexi xi n'wi tumbuluxeke hi xifaniso xa xona.

Varhoma 7:6

Kambe sweswi hi ntshunxiwile eNawini, leswi hi nga fa hi tlhelo ra leswi a hi bohiwile hi swona khale; hikokwa laho ke, hi tirhela Xikwembu hi ndlela leyintshwa ya Moya, ku nga ri hi leya khale ya leswi tsariweke eNawini.

1 Petro 3:21

Nkhuvulo wu yelana ni mhaka leyi; sweswi wa mi ponisa, ku nga ri hi ku susa thyaka emirini, kambe hi ku endla leswaku mi kombela ripfalo leri tengeke eka Xikwembu. Nkhuvulo wa mi ponisa hi mhaka ya ku pfuka ka Yesu Kriste eku feni,

Varhoma 6:9

naswona hi tiva leswaku, leswi Kriste a pfukeke exikarhi ka vafi, a nga ka a nga ha fi kambe, ni rifu a ra ha ri na matimba henhla ka yena.

2 Vakorinto 13:4

A a tsanile loko a vambiwa exihambanweni, kambe sweswi, hi matimba ya Xikwembu, wa hanya. Na hina, ha tsana swin'we na yena, kambe matimba ya Xikwembu ma ta hi nyika vutomi bya yena, leswaku hi kota ku tirha exikarhi ka n'wina.

Varhoma 6:3

Xana a mi tivi leswaku hina hinkwerhu lava khuvuleriweke eka Kriste Yesu, hi khuvuleriwe ku fa ka yena xana?

1 Yohane 2:6

Loyi a vulaka leswaku ú tshame ka xona, ú fanele ku hanya hi mukhuva lowu na yena Yesu a hanyeke ha wona.

1 Vakorinto 6:14

Xikwembu xi pfuxile Hosi eku feni, na hina xi ta hi pfuxa hi matimba ya xona.

Varhoma 8:11

Kutani loko Moya wa Xikwembu lexi nga pfuxa Yesu exikarhi ka vafi wu akile eka n'wina, yena loyi a pfuxeke Kriste exikarhi ka vafi, ú ta hanyisa miri wa n'wina wa ku fa, hi Moya wa yena lowu akeke eka n'wina.

Vaefesa 4:17

Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

Varhoma 6:19

Ndzi tirhisa mavulavulele ya vanhu, hikuva, hi ntumbuluko, mi vanhu lava tsaneke. Ku fana ni leswi khale a mi nyiketile swirho swa n'wina ku va mahlonga ya thyaka ni ya ku homboloka, leswaku mi endla leswo homboloka ha swona, sweswi nyiketani swirho swa n'wina ku va mahlonga ya ku lulama, leswaku mi endla leswi tengeke ha swona.

Yohane 11:40

Yesu a ku ka yena: “Xana a ndzi ku byelanga leswaku loko u pfumela, u ta vona ku kwetsima ka Xikwembu xana?”

Timhaka 2:24

Kambe Xikwembu xi n'wi pfuxile eku feni, xi n'wi ntshunxa eku vavisekeni ka rifu, hikuva a swi nga endleki leswaku a bohiwa ha rona.

Vakolosa 4:1

Vini, hanyani ni mahlonga ya n'wina hi ndlela ya ku lulama, hi fanelo, mi ri karhi mi tiva leswaku na n'wina mi ni n'wini ematilweni.

Vaefesa 5:8

Hikuva khale n'wina hi n'wexe a mi ri emunyameni, kambe sweswi, leswi mi nga hundzuka vanhu va Hosi, mi le ku vonakaleni. Hanyani ku fana ni vanhu va ku vonakala,

Yohane 2:11

Mahlori lawa, hi wona layo sungula lawa Yesu a nga ma endla, loko a ri emutini wa Kana eGaleliya, a komba ku twala ka yena; kutani vadyondzisiwa va yena va pfumela eka yena.

Timhaka 2:32

“Hi yena Yesu loyi Xikwembu xi nga n'wi pfuxa eku feni, kutani hinkwerhu hi timbhoni ta mhaka leyi.

Varhoma 6:8

Loko hi file na Kriste, hi pfumela leswaku hi ta hanya na yena;