Varhoma 6:2 - BIBELE Mahungu Lamanene

² Niswitsanana! Hina hi feke hi tlhelo ra ku dyoha, xana hi nga ha hanyela yini eku dyoheni xana?

Testamente Leyimpsha Xichangana

² Nikutsongo! Hina hifeke hi tlhelo ra kujoha, xana hingahahanyela yini kujoheni ke?

Xitsonga (Bibele)

² Swi nga tshuki swi va tano! Leswi hina hi feke hitlhelo ra vudyoho, hi ta engeta hi hanya eka byona hi mukhuva wihi xana?

Varhoma 6:2 Referans Kwoze

1 Yohane 3:9

Ku hava ni un'we loyi a tshamelaka ku dyoha, loko a tswariwile hi Xikwembu, hikuva mbewu ya Xikwembu yi mirile eka yena, kutani a nga ka a nga ha tshameli ku dyoha, hikuva ú tswariwile hi Xikwembu.

Vakolosa 3:3

Hikuva mi file, kutani vutomi bya n'wina byi tumbetiwile na Kriste eka Xikwembu.

Varhoma 7:4

Swi nga leswi ke, vamakwerhu, na n'wina mi file hi tlhelo ra Nawu, hikuva mi endla miri wun'we na Kriste; swi vula leswaku mi va un'wana, a nga yena loyi a pfuxiweke exikarhi ka vafi leswaku hi tswala mihandzu leyi tsakisaka Xikwembu.

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Vagalatiya 2:19

Loko a ri mina, Nawu wu ndzi dlele. Hi tlhelo ra Nawu mina a ndzi file, leswaku ndzi ta hanyela Xikwembu. Kriste ú vambiwile kutani ndzi vambiwile na yena;

Varhoma 7:6

Kambe sweswi hi ntshunxiwile eNawini, leswi hi nga fa hi tlhelo ra leswi a hi bohiwile hi swona khale; hikokwa laho ke, hi tirhela Xikwembu hi ndlela leyintshwa ya Moya, ku nga ri hi leya khale ya leswi tsariweke eNawini.

1 Petro 1:14

Tanihi vana lava nga ni ku yingisa, mi nga landzi ku navela ka n'wina loko biha loku a mi ri na kona mi nga si tiva nchumu.

Vakolosa 2:20

Loko mi file na Kriste ni ku hambana ni mimoya leyi fumaka misava leyi, hikwalaho ka yini ma ha hanya onge hiloko ma ha ri va misava xana?

Vagalatiya 6:14

Loko a ri mina, a swi ve kule na mina ku tidzunisa, loko ku nga ri hi xihambano xa Hosi ya hina Yesu Kriste, hikuva hikwalaho ka xihambano xa yena, swa misava eka mina swi vambiwile swi fa, na mina ndzi file hi tlhelo ra swa misava.

Pisalema 119:104

Swiletelo swa wena swa ndzi tlharihisa, hikokwalaho ndzi vengaka tindlela hinkwato ta mavunwa.

Varhoma 5:11

Ku nga ri sweswo ntsena, kambe ha tidzunisa eka Xikwembu ha Hosi ya hina Yesu Kriste, loyi sweswi hi amukeleke ku vuyelelana loku ha yena.

Genesa 39:9

Laha mutini wa yena, mina na yena ha ringana hi matimba. Ku hava lexi a ndzi alelaka xona handle ka wena ntsena, hikuva u nsati wa yena. Mhaka yo bihisa leswi, ndzi nga ka ndzi nga yi endli, hikuva ndzi ta va ndzi dyohela Xikwembu.”

Luka 20:16

Ú ta ta, a ta lovisa vatirhi volavo, a nyika nsimu ya vhinya eka van'wana.” Loko va twa sweswo, va ku: “Swi nga tshuki swi va tano.”

Varhoma 6:15

Kutani ke? Xana hi ta dyoha, hileswi hi nga riki ehansi ka Nawu, kambe hi ri ehansi ka tintswalo xana? Niswitsanana!