Varhoma 6:12 - BIBELE Mahungu Lamanene

¹² Loko swi ri tano, ku dyoha ku nga ha tshuki ku fuma emirini wa n'wina lowu faka, leswaku mi nga ha yi hi ku navela ka wona;

Testamente Leyimpsha Xichangana

¹² Loko svilitano, kujoha kungahatshuki kufuma mirini wa n'wina lowufaka, lesvaku mingahayi hi kunavela ka wona;

Xitsonga (Bibele)

¹² Kutani sweswi vudyoho byi nga tshuki byi fuma emirini wa n'wina lowu faka, leswaku mi nga byi yingisi eku naveleni ka byona.

Varhoma 6:12 Referans Kwoze

Vagalatiya 5:16

Leswi ndzi swi vulaka hi leswi: Fambani hi Moya, kutani mi nga ka mi nga korwisi ku navela ka ntumbuluko wa n'wina wa nyama;

Varhoma 6:16

Xana a mi tivi leswaku, loko mi tinyiketa ku tirhela un'wana ni ku n'wi yingisa, mi mahlonga ya loyi mi n'wi yingisaka xana? — hambi mahlonga ya ku dyoha loku yisaka eku feni, hambi mahlonga ya ku yingisa loku yisaka eku lulameni.

Varhoma 8:13

Loko mi hanya hi ku yingisa ntumbuluko wa n'wina, mi ta fa; kambe loko mi dlaya mikhuva leyo biha ya miri hi matimba ya Moya, mi ta hanya.

Vagalatiya 5:24

Lava nga va ka Kriste Yesu va vambile nyama ni swa yona, swi fa; a va ha swi hisekeli, a va ha swi naveli.

Pisalema 19:13

Ndzi papalatise swidyoho swa lava titshembaka, swi nga tshuki swi ndzi fuma, mina nandza wa wena; kutani ndzi ta va ndzi nga ri na nandzu, ndzi ta va ndzi ponile eka vudyoho lebyikulu.

2 Vakorinto 4:11

Hikuva hina, hambileswi hi nga lava hanyaka, hi nyiketiwa eku dlaweni minkarhi hinkwayo hikwalaho ka Yesu, leswaku vutomi bya Yesu byi vonaka entumbulukweni wa hina lowu faka.

2 Timotiya 2:22

Chava ku hluriwa hi ku navela loku telaka lavantshwa, u kongoma ku lulama, ni ku pfumela, ni rirhandzu, ni ku rhula, swin'we ni lava khongelaka Hosi hi timbilu leti tengeke.

Vaefesa 4:22

Hikokwalaho, tshikani mahanyelo ya n'wina ya khale, mi hluvula munhu wa khale loyi a a onhiwa hi mhaka ya ku navela ka yena loku kanganyisaka.

Varhoma 2:8

kambe lava nga ni moya wa ku tirhandza, va alaka ntiyiso, va fambaka hi ku homboloka, xi ta va hlundzukela ni ku va karihela.

1 Petro 2:11

Varhandziwa, leswi mi nga valuveri ni vaendzi emisaveni, ndza mi khongotela hi matimba ku hambana ni ku navela ka miri, loku lwaka ni mimoya ya n'wina.

Tito 2:12

ti hi dyondzisa ku tshika ku hanya ehandle ka Xikwembu ni ku navela swa misava, kutani hi hanya emisaveni leyi hi ku tikhoma, ni ku lulama, ni vukhongeri,

Vaefesa 2:3

Na hina hinkwerhu khale a hi fana na vona, hi hanya hi ku navela ka ntumbuluko wa hina wa laha misaveni, hi endla hinkwaswo leswi tsakisaka miri ni miehleketo ya hina; kutani na hina, hi ku tumbuluka, a hi faneriwile hi vukari bya Xikwembu, ku fana ni vanhu van'wana.

Pisalema 119:133

Switshembiso swa wena a swi ndzi kombe ndlela leyinene, ndzi nga tshuki ndzi fumiwa hi vudyoho.

Tinhlayo 33:55

Loko mo ka mi nga hlongoli hinkwavo vaaki va tiko leri, lava mi nga ta va siya va ta fana ni swilavi ematihlweni ya n'wina ni switlhavi emirini wa n'wina, va mi karhata etikweni reri mi nga ta tshama eka rona,

Yuda 1:18

va mi byerile va ku: “Eminkarhini leyo hetelela, ku ta humelela vasandzi lava susumetiwaka hi ku navela ka vona loko biha va nga chavi Xikwembu.”

1 Petro 1:14

Tanihi vana lava nga ni ku yingisa, mi nga landzi ku navela ka n'wina loko biha loku a mi ri na kona mi nga si tiva nchumu.

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

1 Vatesalonika 4:5

ku nga ri hi ku navela loku hisaka, ku fana ni vamatiko lava nga tiviki Xikwembu.

Varhoma 13:14

kambe mi ambala Hosi Yesu Kriste, kutani mi nga tsetseleri swa ntumbuluko wa n'wina wa laha misaveni, hi ku wu kolwisa eku naveleni ka wona.

Varhoma 8:11

Kutani loko Moya wa Xikwembu lexi nga pfuxa Yesu exikarhi ka vafi wu akile eka n'wina, yena loyi a pfuxeke Kriste exikarhi ka vafi, ú ta hanyisa miri wa n'wina wa ku fa, hi Moya wa yena lowu akeke eka n'wina.

Varhoma 6:14

Ku dyoha ku nga ha mi fumi, hikuva a mi le hansi ka Nawu, kambe mi le hansi ka tintswalo.

Varhoma 5:21

a swi ri leswaku, kukotisa leswi ku dyoha ku fumeke hi rifu, tintswalo na tona ti ta fumisa sweswo hi ku lulama loku yisaka evutomini lebyi nga heriki, ha Yesu Kriste Hosi ya hina.

Vaavanyisi 2:3

Kutani sweswi ndzi mi byela leswaku a ndzi nga va hlongoli va suka emahlweni ka n'wina. Va ta hundzuka ntlhamu eka n'wina, kutani va ta mi phasa hi swikwembu swa vona.”

Duteronoma 7:2

HOSI Xikwembu xa n'wina xi ta va nyiketa emavokweni ya n'wina, mi va hlula, kutani mi fanele ku va herisela makumu.

Yuda 1:16

Lava i vanhu vo tshamela ku ngurangureka ni ku vilela, lava susumetiwaka hi ku navela ka vona loko biha, vanhu va manyunyu lava tikurisaka, lava xisaka van'wana hi ku va bumabumela, kasi va lava ku vuyeriwa.

2 Vakorinto 5:4

Hikuva loko ha ha ri entsongeni lowu wa hina, ha konya hi ku tikeriwa: A hi lavi ku lahlekeriwa hi miri lowu wa khale, kambe hi lava ku biyeleriwa hi lowuntshwa, leswaku leswi swi faka, swi mitiwa hi vutomi.

Genesa 4:7

Xana loko wo endla leswinene, u nge tsakeriwi xana? Loko u nga endli leswinene, xidyoho xi ta ku bvutamela enyangweni, xi navela ku ku bvanyangeta, kambe u fanele ku xi hlula.”

Levhitika 13:40

“Loko munhu a tshuka a suke misisi, a sala a ri ni mpandla, ú ta va a ha tengile.