Varhoma 5:5 - BIBELE Mahungu Lamanene

⁵ kutani ku langutela a ku hi khomisi tingana, hikuva Xikwembu xi cherile rirhandzu ra xona etimbilwini ta hina hi Moya lowo Kwetsima lowu hi nyikiweke wona.

Testamente Leyimpsha Xichangana

⁵ kutani kulangutela akuhikhomisi tingana, hikuva Xikwembu xichelile rirhandzu ra xona timbilwini ta hina hi Moya Lowokwetsima lowu hinyikiweke wona.

Xitsonga (Bibele)

⁵ kutani ku langutela a ku khomisi munhu tingana, hikuva rirhandzu ra Xikwembu ri cheriwile etimbilwini ta hina hi Moya lowo Kwetsima lowu hi wu nyikiweke.

Varhoma 5:5 Referans Kwoze

Vagalatiya 4:6

Ku komba leswaku mi vana va xona, Xikwembu xi cherile Moya wa N'wana wa xona etimbilwini ta hina, wu nga Moya lowu huwelelaka wu ku: “Abba, Tatana!”

Vafilipiya 1:20

Ku langutela ka mina ni ku tshemba ka mina, hileswaku a ndzi nga khomiwi hi tingana niswitsanana, kambe hi ku tiya ka mina ndzi nga chavi nchumu, sweswi kukota minkarhi hinkwayo, ndzi ta twarisa vukulu bya Kriste emirini wa mina, hambi hi ku hanya ka mina, hambi hi ku fa ka mina.

2 Timotiya 1:12

Kutani ndzi xaniseka hi ndlela leyi hikwalaho ka swona; kambe a ndzi na tingana, hikuva ndzi tiva loyi ndzi pfumeleke eka yena, kutani ndzi tshemba swinene leswaku wa swi kota ku hlayisa leswi a swi vekeke emavokweni ya mina, ku fikela siku lerikulu.

2 Vakorinto 1:22

Xi hi funghile, xi vekile Moya wa xona etimbilwini ta hina, wu va xitiyiso xa leswa ha taka.

1 Yohane 4:19

Hina hi ni rirhandzu hikuva ku rhangile Xikwembu xi hi rhandza.

Vaefesa 1:13

A swi ri tano na n'wina vamatiko, loko mi twile Rito ra ntiyiso, ma nga Mahungu Lamanene ya ku ponisiwa ka n'wina: Mi pfumerile eka Kriste, kutani Xikwembu xi mi funghile hi Moya lowo Kwetsima lowu a xi tshembisile ku mi nyika wona.

Timhaka 2:33

Sweswi ke ú tlakuriwile a ya evokweni ra xinene ra Xikwembu; ú amukele Moya lowo Kwetsima lowu tshembisiweke, wu nga lowu humaka ka Tatana, kutani ú cherile ehenhla ka hina leswi mi swi vonaka ni leswi mi swi twaka.

Ntirho 27:8

Siku Xikwembu xi tsemaka vutomi bya lava va xi sandzaka, xi va lovisa, va ha ta tshemba yini, xana?

Vaefesa 4:30

Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Pisalema 119:116

Ndzi seketele hilaha u tshembiseke hakona, ndzi ta hanya, u nga ndzi tshiki empfhukeni hikuva ndzi tshembe wena.

Timhaka 2:17

“ ‘Xikwembu xi ri: Hi masiku ya makumu, ndzi ta chela Moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, vana va n'wina va majaha va ta vona swivono, lavo dyuhala va n'wina va ta lorha milorho.

2 Vatesalonika 2:16

Sweswi ke, ingi Hosi ya hina Yesu Kriste hi xiviri, ni Xikwembu Tata wa hina la hi rhandzeke, la hi nyikeke, hi tintswalo ta yena, ku chavelela loku nga heriki ni ku tshemba lokunene,

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

1 Vakorinto 8:3

Kambe loko munhu a rhandza Xikwembu, ú tiviwa hi xona.

Esaya 49:23

Tihosi ti ta va vatatana eka wena, vasati va tona va ta va vamanana lava va nga ta ku hlayisa. Hinkwavo va ta nkhinsama va korhama, va nantswetela ritshuri emilengeni ya wena. Hikokwalaho, u ta swi tiva leswaku HOSI Xikwembu, hi mina; lava va ndzi tshembaka, va nga ka va nga khomiwi hi tingana.”

2 Vakorinto 3:18

Hina hinkwerhu lava kombaka ku vangama ka Hosi ku fana ni xivoni, hi mimombo leyi fununguriweke, hi hundzukile lava fanaka na yena, hi ku vangama loku ngangamukaka ku ya emahlweni. Hosi yi endlile sweswo, yona yi nga Moya.

Timhaka 10:45

Kutani vapfumeri va Vayuda lava teke na Petro, va hlamala ngopfu, loko va vona leswaku nyiko ya Moya lowo Kwetsima yi averiwa na vona vamatiko.

Varhoma 1:7

Ndza mi xeweta, n'wina hinkwenu lava mi nga eRhoma, lava rhandziwaka hi Xikwembu, lava vitaniweke ku va vahlawuriwa va xona, ndzi ri: Tintswalo ni ku rhula a swi ve na n'wina, swi huma eka Xikwembu Tata wa hina, ni ka Hosi Yesu Kriste.

Varhoma 9:33

hilaha ku tsariweke hakona va ku: “Vona, ndzi veka eSiyoni ribye leri wisaka vanhu, ni ntambha leri ri va khunguvanyisaka; kambe loyi a pfumelaka eka yena la nga ribye leri, a nga ka a nga khomiwi hi tingana.”

1 Vatesalonika 4:8

Hikokwalaho, loyi a alaka xitsundzuxo lexi, a nga soli munhu, kambe ú sola Xikwembu lexi xi mi nyikaka Moya wa xona lowo Kwetsima.