Varhoma 4:9 - BIBELE Mahungu Lamanene

⁹ Loko swi ri tano, xana ku kateka loku i ka lavo yimba ntsena ke, kumbe na lava nga yimbangiki i ka vona xana? Hikuva ha ha ku vula leswaku Abrahama ú hlayiwile la lulameke hikwalaho ka ku pfumela ka yena.

Testamente Leyimpsha Xichangana

⁹ Loko svilitano, xana kukateka loku i ka lavoyimba ntsena, kumbe ni lavangayimbangiki i ka vona ke? Hikuva hahakuvula lesvaku Abrahamu ahlayiwile lweyi alulameke hikolaho ka kupfumela ka yena.

Xitsonga (Bibele)

⁹ Loko swi ri tano, xana ku kateka loku ku tela lavo yimba ntsena xana? Xana a ku teri na vona lava nga yimbangiki xana? Hikuva ha ha ku vula leswaku Abrahama u hlayeriwile ku pfumela ka yena ku lulama.

Varhoma 4:9 Referans Kwoze

Vagalatiya 3:14

Hi swo leswi Kriste a swi endleke, leswaku nkateko lowu Xikwembu xi wu nyikeke Abrahama wu fika eka vamatiko ha Yesu Kriste, ni leswaku, hi ku pfumela, hi amukela nyiko ya Moya leyi hi tshembisiweke yona.

Vakolosa 3:11

Laha a ku na Mugriki ni Muyuda, a ku na la yimbeke ni la nga yimbangiki, a ku na munhu wa matiko ni munhu wa hava, a ku na hlonga ni muntshunxeki, kambe i Kriste la nga hinkwaswo eka hinkwavo.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Varhoma 4:3

Hikuva Tsalwa ri ri yini? Ri ri: “Abrahama ú pfumerile eka Xikwembu, kutani xi n'wi hlayile la lulameke hikwalaho ka swona.”

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Genesa 15:6

Abrama a tshemba marito ya HOSI Xikwembu, kutani hikwalaho ka swona sweswo, Xikwembu xi n'wi vona a ri munhu la lulameke.

Varhoma 4:10

Xana ú hlayiwile rini? Xana hi loko a yimbile, kumbe hi loko a nga si yimba xana?