Varhoma 4:16 - BIBELE Mahungu Lamanene

¹⁶ Ku pfumela i mhaka leyi lavekaka, leswaku hinkwaswo swi va leswi tirhiwaka hi tintswalo ta Xikwembu, ni ku endlela leswaku xitshembiso xi va lexi tiyeke eka vatukulu hinkwavo va Abrahama, ku nga ri ntsena eka lava va namarhelaka Nawu, kambe ni ka lava va namarhelaka ku pfumela loku a ku ri na yena; hi yena loyi a nga tata wa hina hinkwerhu,

Testamente Leyimpsha Xichangana

¹⁶ Kupfumela i mhaka leyilavekaka, lesvaku hinkwasvu sviva lesvitirhiwaka hi timpsalu ta Xikwembu, ni kuyendlela lesvaku xitshembiso xiva lexitiyeke ka vatukulu hinkwavu va Abrahamu, kungali ntsena ka lava vanamarhelaka Nawu, kambe ni ka lava vanamarhelaka kupfumela loku aali nakona; hi yena lweyi anga tatana wa hina hinkwerhu,

Xitsonga (Bibele)

¹⁶ Hikwalaho-ke, swi humelele hi ku pfumela, leswaku swi endliwa hi tintswalo, leswaku ku tshembisa ka Xikwembu ku ta tiya eka rixaka hinkwaro, ku nga ri eka rixaka leri nga rona hi nawu ntsena, kambe ku va ni ka leri nga rona hi ku pfumela ka Abrahama, loyi a nga tata wa hina hinkwerhu,

Varhoma 4:16 Referans Kwoze

Vaefesa 2:8

Hikuva hi tona tintswalo ta Xikwembu leti ti mi poniseke, hikwalaho ka ku pfumela; kutani leswi, a swi humi eka n'wina, kambe i nyiko ya Xikwembu.

Vagalatiya 3:22

kambe Matsalwa ma vula leswaku hinkwaswo swi fumiwa hi vudyoho, leswaku xitshembiso lexi fambelanaka ni ku pfumela eka Yesu Kriste, xi nyikiwa ntsena lava pfumelaka.

Varhoma 9:8

Swi vula leswaku a hi vona lava nga vana hi tlhelo ra swa ntumbuluko, lava nga vana va Xikwembu; kambe vana lava nga velekiwa hikwalaho ka xitshembiso xa xona, hi vona lava hlayiwaka leswaku i va rixaka ra xiviri.

Tito 3:7

leswaku, hi tintswalo ta xona, hi ta endliwa lava lulameke emahlweni ka xona, ni ku amukela ndzhaka ya vutomi lebyi nga heriki, lebyi hi byi langutelaka.

Vaefesa 2:5

Hikokwalaho, hambileswi a hi file hi mhaka ya swivi swa hina, xi hi vuyisile evutomini swin'we na Kriste. I tintswalo ta Xikwembu leti ti mi poniseke.

Varhoma 15:8

Hikuva ndza mi byela leswaku Kriste ú ve nandza eka Vayuda, ku kombisa ku tshembeka ka Xikwembu, ni ku endla leswaku switshembiso leswi nga nyikiwa vakokwana swi hetiseka,

Varhoma 5:1

Loko swi ri tano, leswi hi nga endliwa lava lulameke hi mhaka ya ku pfumela, hi ni ku rhula ni Xikwembu, hi Hosi ya hina Yesu Kriste;

Esaya 51:2

Tsundzukani Abrahama tata wa n'wina, na Sara loyi a mi kombeke misava. Abrahama, ndzi n'wi vitanile a nga si va na n'wana na un'we, kambe ndzi n'wi katekisile, a kuma vana ni vatukulu lavo tala.

2 Petro 1:10

Hikokwalaho, vamakwerhu, hisekelani ngopfu-ngopfu ku tiyisa ku vitaniwa ni ku hlawuriwa ka n'wina, hikuva loko mi endla sweswo a mi nga khuguki mi wa ni siku ni rin'we.

Varhoma 4:11

A a nga si yimba, ú yimbisiwile ndzhaku. Kutani ú nyikiwile ku yimba wu ri mfungho wo tiyisa ku lulama loku a ku kumeke hi ku pfumela, loko a nga si yimba. A swi ri leswaku Abrahama a ta va tatana emoyeni eka hinkwavo lava pfumelaka, kutani va hlayiwa lava lulameke hambiloko va nga yimbanga.

Luka 19:9

Endzhaku ka sweswo, Yesu a ku: “Namuntlha ku ponisiwa ku nghenile emutini lowu, hileswi munhu loyi na yena a nga n'wana Abrahama,

Varhoma 3:22

Hileswaku Xikwembu xi endla vanhu va va lavo lulama hi ku pfumela ka vona eka Yesu Kriste; xi endla leswi eka hinkwavo lava pfumelaka, hikuva a ku na ku hambana:

Varhoma 3:30

leswi kunene Xikwembu xi nga xin'we; xi ta endla va ku yimba va va lava lulameke hi mhaka ya ku pfumela, na vona lava nga yimbangiki hi mhaka leyi ya ku pfumela.

Vagalatiya 3:14

Hi swo leswi Kriste a swi endleke, leswaku nkateko lowu Xikwembu xi wu nyikeke Abrahama wu fika eka vamatiko ha Yesu Kriste, ni leswaku, hi ku pfumela, hi amukela nyiko ya Moya leyi hi tshembisiweke yona.

Vagalatiya 3:16

Sweswi ke, switshembiso swi nyikiwile Abrahama ni wa rixaka ra yena; a ku vuriwanga “ni va rixaka”, wonge hi loko ku vuriwa lavo tala; kambe ku vuriwile “ni wa rixaka ra wena”, hileswaku munhu un'we a nga Kriste.