Varhoma 3:9 - BIBELE Mahungu Lamanene

⁹ Loko swi ri tano, hi nga vula yini ke? Xana hina Vayuda hi lulamile ku tlula van'wana xana? E-e, niswitsongo. Ha ha ku komba nandzu wa Vayuda ni wa vamatiko, ni leswaku hinkwavo va fumiwa hi ku dyoha.

Testamente Leyimpsha Xichangana

⁹ Ihim, loko svilitano, hingahlaya yini ke? Xana hina Vayuda hilulamile kutlula van'wana ke? Ihim, nikutsongo. Hahakukomba nandzu wa Vayuda ni wa vamatiko, ni lesvaku hinkwavu vafumiwa hi kujoha.

Xitsonga (Bibele)

⁹ Hi ta ku yini-ke? Xana hi tlula van'wana hi ku lulama xana? E-e, niswitsongo! Hikuva hi kombisiwile eku sunguleni leswaku hinkwavo, hambi va ri Vayuda, hambi va ri Vagriki, va fumiwa hi ku dyoha,

Varhoma 3:9 Referans Kwoze

Vagalatiya 3:22

kambe Matsalwa ma vula leswaku hinkwaswo swi fumiwa hi vudyoho, leswaku xitshembiso lexi fambelanaka ni ku pfumela eka Yesu Kriste, xi nyikiwa ntsena lava pfumelaka.

Varhoma 6:15

Kutani ke? Xana hi ta dyoha, hileswi hi nga riki ehansi ka Nawu, kambe hi ri ehansi ka tintswalo xana? Niswitsanana!

Esaya 65:5

Va byela van'wana va ku: ‘Tshamani kwaleyo, mi nga tshineli kusuhi na hina mi hi khumba, hikuva hi hlawulekile ngopfu!’ Leswi vanhu lava va swi endlaka i ndzilo lowu pfurhaka siku hinkwaro, musi wu nghena etinhompfini ta mina.

Varhoma 11:32

Hikuva Xikwembu xi endlile leswaku vanhu hinkwavo va tsandzeka ku yingisa, leswaku xi ta kota ku va tsetselela hinkwavo.

Varhoma 3:19

Ha swi tiva leswaku hinkwaswo leswi Nawu wu vulaka swona, swi kongoma lava nge hansi ka wona, leswaku vanhu hinkwavo va pfariwa milomo, ni leswaku misava hinkwayo yi yisiwa eku avanyisiweni emahlweni ka Xikwembu.

Vafilipiya 1:18

A swi na mhaka sweswo. Hi tindlela leti hinkwato, hambi ku ri hi ku kanganyisa, hambi ku ri hi ntiyiso, Kriste wa twarisiwa, kutani hi swona leswi swi ndzi tsakisaka. Mina ndza ha to tsaka ha swona,

Vagalatiya 3:10

Hinkwavo lava titshembaka hileswi va hlayisaka Nawu, va le ku rhukaniweni, hikuva Matsalwa ma ri: “Un'wana ni un'wana la tsandzekaka ku hlayisa ni ku endla hinkwaswo-kwaswo leswi tsariweke ebukwini ya Nawu, ú le ku rhukaniweni.”

1 Vakorinto 14:15

Loko swi ri tano, ku nga endliwa yini xana? Ndzi fanele ku khongela hi moya wa mina, kambe na kona ndzi fanele ku khongela hi miehleketo ya mina. Ndzi fanele ku yimbelela hi moya wa mina, kambe na kona ndzi fanele ku yimbelela hi miehleketo ya mina.

1 Vakorinto 10:19

Xana hi marito lawa, ndzi lava ku vula yini ke? Xana ndzi ri, swakudya leswi humeseriweke swikwembu swa hava, swi ni nchumu wun'wana eka swona ke? Hambi swi ri swikwembu swa kona, xana swi ni nchumu wun'wana eka swona ke?

1 Vakorinto 4:7

Hikuva i mani la ku tlakuseke ku tlula van'wana xana? Xana u na yini lexi u nga nyikiwangiki xana? Kutani loko u nyikiwile, hikwalaho ka yini u tidzunisa, wonge hi loko u nga swi kumanga hi ku nyikiwa xana?

Varhoma 11:7

Xana hi nga vula yini? Leswi Vaisraele a va swi lava, a va swi kumanga, kambe lava hlawuriweke hi Xikwembu va swi kumile. Lavan'wana va nonon'hwisiwile,

Varhoma 3:5

Kambe xana hi ta ku yini, loko ku homboloka ka hina ku endla leswaku ku lulama ka Xikwembu ku kombisiwa erivaleni xana? Xana hi ta vula leswaku Xikwembu xi hombolokile loko xi hi ba eku kariheni ka xona ke? (Ndzi vulavula hi mukhuva wa vanhu.)

Varhoma 1:18

Sweswi ke, vukari bya Xikwembu byi vonaka byi huma hi le tilweni, byi wela ehenhla ka vubihi ni vuhomboloki hinkwabyo bya vanhu lava sivelaka van'wana ku tiva ntiyiso, hikwalaho ka ku homboloka ka vona.

Luka 7:39

Loko Mufarisi la nga rhamba Yesu a swi vona, a vilela embilwini ya yena a ku: “Loko munhu loyi a a ri muprofeta, a a ta va a tivile leswaku wansati loyi a n'wi khumbaka i mani, ni leswaku i munhu muni, hikuva i mudyohi.”

Swivuriso 20:9

Xana ú kona loyi a nga vulaka a ku: “Mbilu ya mina yi basile, ndzi tengile, a ndza ha ri na swidyoho!” xana?

Varhoma 2:1

Loko swi ri tano, wena munhu la avanyisaka van'wana, a wu na ku tilandzula, hambi u nga va mani kumbe mani, hikuva loko u ri karhi u avanyisa van'wana, na wena wa tiavanyisa, leswi wena muavanyisi wa van'wana, u endlaka swo leswi vona va swi endlaka.

Varhoma 3:1

Loko swi ri tano, i ncini lexi Muyuda a tlulaka van'wana ha xona xana, kumbe ku yimba ku pfuna yini ke?

Varhoma 7:14

Ha swi tiva leswaku Nawu i wa Moya; kasi mina, ndzi munhu wa nyama ntsena, ndzi xavisiwile ku va hlonga ra ku dyoha.