Varhoma 3:7 - BIBELE Mahungu Lamanene

⁷ Swa twala, kambe loko vunwa bya mina byi kombisisa swinene leswaku Xikwembu xi ni ntiyiso, byi twarisa ni ku kwetsima ka xona, hikwalaho ka yini ndzi tama ndza ha avanyisiwa tanihi mudyohi xana?

Testamente Leyimpsha Xichangana

⁷ Kambe, loko kuhemba ka mina kukombisisa svinene lesvaku Xikwembu xi ni ntiyiso, kutwalisa ni kukwetsima ka xona, hikolaho ka yini nahaya mahlweni nithethisiwa tani hi mujohi ke?

Xitsonga (Bibele)

⁷ Kutani loko ntiyiso wa Xikwembu wu twarisiwa hi vunwa bya mina, xana ndza ha avanyiseriwa yini kukotisa mudyohi?

Varhoma 3:7 Referans Kwoze

Varhoma 3:4

Niswitsanana! Xikwembu xi fanele ku tiviwa xi ri xa ntiyiso, ni loko munhu un'wana ni un'wana a ri muhembi. Hi swona leswi nga tsariwa, loko va te: “Hi laha u nga ta va la lulameke, loko u vulavula, ni ku kumiwa u nga ri na nandzu, loko u avanyisa.”

Matewu 26:34

Yesu a ku ka yena: “Ndzi tiyisile ndzi ri ka wena, vusiku byebyi, nkuku wu nga si ringa, u ta va u ndzi landzurile kanharhu.”

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Eksoda 14:30

Hi siku rero, HOSI Xikwembu xi ponisisa sweswo Vaisraele emavokweni ya Vaegipta, kutani Vaisraele va vona mintsumbu ya Vaegipta eribuweni ra lwandle.

Eksoda 14:5

Loko hosi Faro a byeriwa leswaku Vaisraele va balekile, yena ni malandza ya yena va hundzuluxa miehleketo ya vona hi tlhelo ra Vaisraele, kutani va ku: “Hi endlile yini xana? Hi tshikile Vaisraele va famba, kasi a va hi tirhela!”

Eksoda 3:19

Kambe ndza swi tiva leswaku, handle ka loko yi nga lo sindzisiwa hi voko ra matimba, hosi ya Egipta yi nga ka yi nga mi tshiki mi famba.

Genesa 37:20

A hi n'wi khomeni hi n'wi dlaya, hi n'wi hoxa eka rin'wana ra makhele lama nga kona, kutani hi ta ya vula leswaku ú dyiwile hi swiharhi swa nhova. Hi ta vona leswaku milorho ya yena wa ha ta yi lorhela kwihi!”